, ,RGYA GAR SKAD DU, BADZRA Y'A NA STH'U LA PATTI, BOD SKAD DU, RDO RJE THEG PA'I SBOM PA'I LTUNG BA, DPAL RDO RJE SEMS DPA' LA PHYAG 'TSAL LO, ,BLA MA'I ZHABS KYI PADMA LA, ,KUN NAS DANG BAS PHYAG 'TSAL TE, ,SBOM PO'I LTUNG BA RNAM PA BRGYAD, ,RGYUD DU
GSUNGS PA BRI BAR BYA, ,SHES RAB STOBS KYIS LEN PA DANG, ,DE YI BDUD RTZI STOBS KYIS LEN, ,SNOD MIN LA NI MI GSANG DANG, ,TSOGS KYI NANG DU RTZOD PA DANG, ,DAD LDAN LA GZHAN CHOS STON DANG, ,NYAN THOS NANG DU ZHAG BDUN GNAS, ,BRDZUN GYIS RNAL 'BYOR NGA RGYAL BYED, ,DAD PA MED LA CHOS STON PA, ,'DI RNAMS SBOM PO'I LTUNG BA BRGYAD, ,RTZA LTUNG SBOM PO'I RIM PA DAG ,CHO GA YIS NI SHES BYA ZHING, ,NYAMS PAR GYUR NA BSHAGS PAR BYA, ,RDO RJE THEG PA'I SBOM PO'I LTUNG BA SLOB DPON KLU SGRUB KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO PADMA K'A RA WARMA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O, ,SLAD KYIS RGYA GAR GYI MKHAN PO BLA MA RJE BTZUN PAndI TA CHEN PO MA nI KA SHR'I DZNY'A NA'I ZHAL SNGA NAS DANG, CHA GA LA LO TZ'A BA SH'AKYA'I DGE SLONG CHOS RJE DPAL GYIS ZHUS TE DAG PAR BGYIS SO,,