, ,RGYA GAR SKAD DU, BADZRA Y'A NA M'U LA PATTI SAm GRA HA, BOD SKAD DU, RDO RJE THEG PA RTZA BA'I LTUNG BA BSDUS PA, THUGS RJE CHEN PO LA PHYAG 'TSAL LO, ,SANGS RGYAS KUN DANG BLA MA YI, ,ZHABS KYI PADMAR RAB BTUD DE, ,RTZA BA'I LTUNG BA BCU BZHI NI, ,RGYUD LAS GSUNGS PA BSHAD PAR BYA, ,GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANG GSUNGS, ,DE BAS DE LA BRNYAS PA NI, ,RTZA BA'I LTUNG BA DANG POR BSHAD, ,BDE GSHEGS BKA' LAS 'DAS PA NI, ,LTUNG BA GNYIS PA YIN PAR GSUNGS, ,KHROS PAS RDO RJE SBUN GYI NI, ,NYES PA BRJOD PA GSUM PA
YIN; ,SEMS CAN RNAMS LA BYAMS PA SPONG, ,BZHI PA YIN PAR RGYAL BAS GSUNGS, ,CHOS KYI RTZA BA BYANG CHUB SEMS, ,DE SPONG BA NI LNGA PA YIN, ,RANG NGAM GZHAN GYI GRUB PA'I MTHA', ,CHOS LA SMOD PA DRUG PA YIN, ,YONGS SU MA SMIN SEMS CAN LA, ,GSANG BA SGROGS PA BDUN PA YIN, ,PHUNG PO SANGS RGYAS LNGA BDAG NYID, ,SMOD PAR BYED PA BRGYAD PA YIN, ,RANG BZHIN DAG PA'I CHOS RNAMS LA, ,SOM NYI ZA BA DGU PA YIN, ,GDUG LA RTAG TU BYAMS LDAN PA, ,BYED PA DE NI BCU PAR 'DOD, ,CHAD SOGS MA YIN CHOS RNAMS LA, ,BRTAGS PA LAS NI BCU GCIG PA, ,SEMS CAN DANG DANG LDAN PA YI, ,SEMS SUN 'BYIN PA BCU GNYIS PA, ,DAM TSIG JI BZHIN RNYED PA DAG ,MI BSTEN PA DE BCU GSUM PA, ,SHES RAB DANG BZHIN BUD MED LA, ,SMOD PAR BYED PA BCU BZHI PA, ,'DI DAG RNAM PAR SPANGS PA YI, ,SNGAGS PAS DNGOS GRUB NYE BAR 'THOB, ,GZHAN DU DAM TSIG LAS NYAMS NA, ,NYAMS PAS BDUD KYIS GZUNG 'GYUR TE, ,DE NAS SDUG BSNGAL MYONG 'GYUR ZHING, ,THUR DU BLTAS TE DMYAL BAR 'GRO, ,DE BAS NGA RGYAL BCOM NAS NI, ,RANG GI 'KHRUL PA SHES BYAS LA, ,CI 'BYOR BA YIS BLA MA LA, ,THUB PA'I SPYAN SNGAR MCHOD BYAS NAS, ,GSUM LA SKYABS 'GRO NAS BRTZAMS TE, ,BYANG CHUB SEMS SOGS SNGOM PA DAG ,GAL TE BDAG LA PHAN 'DOD NA, ,SNGAGS PAS 'BAD DE BLANG BAR BYA, ,RDO RJE THEG PA'I RTZA BA'I LTUNG BA BSDUS PA SLOB DPON CHEN PO RTA DBYANGS KYIS MDZAD PA RDZOGS SO,,