, ,RGYA GAR SKAD DU, LO KA AA TI TA SAPTA KA BI DHI:, BOD SKAD DU, 'JIG RTEN LAS 'DAS PA'I YAN LAG BDUN PA'I CHO GA SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DPAL RDO RJE SEMS DPA' LA PHYAG 'TSAL LO, ,PHYAG GNAS PHYAG BYED PHYAG RNAMS NI, ,GANG TSE THA DAD MI
DMIGS PA, ,DE 'DIR SNGAGS PA'I PHYAG YIN TE, ,RDO RJE'I PHYAG CES BRJOD PA YIN, ,MCHOD GNAS MCHOG BYED MCHOD PA RNAMS, ,GANG TSE SNA TSOGS MI DMIGS PA, ,DE TSE MCHOD PA CHEN PO STE, ,RDO RJE'I MCHOD PA ZHES BRJOD DO, ,BSHAGS BYA 'CHAG BYED BSHAGS PA RNAMS, ,GANG TSE RNAL 'BYOR PAS MA MTHONG, ,RANG BZHIN DAG PAR YANG DAG MTHONG, ,DE 'DIR BSHAGS PA'I MCHOG YIN NO, ,RJES YI RANG BYA THAMS CAD DANG, ,BDAG DANG RJES SU YI RANG BA, ,RNAL 'BYOR BA YIS MNYAM PAR MTHONG, ,RJES SU YI RANG DAM PA YIN, ,SGYU MAS SPRUL PA'I SANGS RGYAS LA, ,SGYU MAS SPRUL PA'I LUS CAN PHYIR, ,BRAG CA LTA BU'I CHOS RNAMS NI, ,BSTAN PAR YANG DAG SKU LA 'DEBS BA, ,SPRUL PA DAG DANG MTSUNGS PAR NI, ,THAL MO SBYAR NAS SKUL BYED CING, ,RDO RJE RNAL 'BYOR MNYAM PAR MTHONG, ,SKUL BAR BYED PA'I MCHOG TU 'DOD, ,MYA NGAN 'DAS BZHED SANGS RGYAS RNAMS, ,'KHOR BAR SPRUL PA BZHIN DU NI, ,SEMS CAN SPRUL PA'I DON GYI PHYIR, ,BZHUGS PAR GSOL 'DEBS DE NYID RIG ,'JIG RTEN 'DAS PA NYID KYI PHYIR, ,DE 'DIR GSOL 'DEBS MCHOG TU 'DOD, ,DMIGS PA CAN DU 'JUG PA NYID, ,THAMS CAD 'JIG RTEN PA NYID YIN, ,RDZOGS PA'I BYANG CHUB RMI 'DRA LA, ,DE NYID RIG PAS RMI 'DRAR RIG ,RMI 'DRA'I SRID PAR GNAS PA YIN, ,SEMS CAN RNAMS LA PHAN BTAGS PAS, ,CHOS DBYINGS BZHIN DU DPAG MED PAR, ,DGE BA THAMS CAD YONGS BSNGO NA, ,DE 'DIR BSNGO BA DAM PA STE, ,SANGS RGYAS KUN GYIS RAB TU BSNGAGS, ,'JIG RTEN LAS 'DAS PA'I YAN LAG BDUN PA'I CHO GA SLOB DPON MKHAS PA CHEN PO DPAL MAR ME MDZAD YE SHES KYIS DPAL BSAM YAS LHUN GYIS GRUB PA'I GTZUG LAG KHANG CHEN POR MDZAD PA RDZOGS SO,,