, ,RGYA GAR SKAD DU, TA TH'A T'A DRishtI N'A MA, BOD SKAD DU, DE BZHIN NYID KYI LTA BA ZHES BYA BA, DE BZHIN GSHEGS PA RNAMS LA PHYAG 'TSAL LO, ,DE BZHIN NYID KYI SHING DRUNG LA, ,RTZA BA YAL GA DMIGS PA MED, ,ME TOG 'BRAS BU RTAG TU 'BYIN, ,KYE MA SHING 'DI NGO MTSAR LTOS, ,SA BON MYU GU MED PA YI, ,'BRAS BU DPAG TU MED PA 'BYUNG, ,DE YI RANG BZHIN JI LTA BU, ,NAM MKHA' CHANG PAR BCUG NAS NI, ,KHU TSUR DAG GIS GCOG PA BZHIN, ,SHING DE GCOG PA DE DANG 'DRA, ,RTZA BA DAG KYANG YOD 'GYUR LA, ,YAL GA DAG KYANG YOD PA YI, ,SHING GIS NAM MKHA' KHYAB PAR SNANG, ,KYE MA LTOS DANG 'DI DAG LA, ,NAM MKHA' KHYAB PA NGO MTSAR CHE, ,KYE MA SHING 'DI NGO MTSAR LTOS, ,SA BON MYU GU MED PA YI, ,'BRAS BU DPAG TU MED PA 'BYUNG, ,DE BZHIN NYID KYI SHING 'DI YI, ,MTSAN NYID KHYOD KYIS RTOGS PA MED, ,BDAG GIS BSTAN PAR RTOGS PAR 'GYUR, ,DHA RI PA NI SMRA BAR BYED, ,'DI LA LE LO BYAS PA YIS, ,MTHA' RU PHYIN PAR MA GYUR BAS, ,BAR DU PHUNG BAR MA BYED CIG ,KYE MA SHING 'DI NGO MTSAR LTOS, ,SA BON MYU GU MED PA YI, ,'BRAS BU DPAG TU MED PA 'BYUNG,,
, ,DE BZHIN NYID KYI LTA BA ZHES BYA BA SLOB DPON D'A RI KA PAS MDZAD PA RDZOGS SO,,