, ,RGYA GAR SKAD DU, TZITTA KALPA PA RI HA RA DRishtI N'A MA, BOD SKAD DU, SEMS NYID KYI RTOG PA 'JOMS PA'I LTA BA ZHES BYA BA, GSHIN RJE GSHED LA PHYAG 'TSAL LO, ,MAR SAR MGO BO BCAD BA YIS, ,STA RE'I SO NI 'CHAG PAR BYED, ,SBAL PAS GLANG PO MID PAR 'GYUR, ,KYE MA SHING THUN DGOD PAR BYED, ,KYE MA NGO MTSAR ME GO KYE, ,SEMS LA THE TSOM MA BYED CIG ,MTSAR NA AA BA DH'U T'I PA, ,SEMS LA RTOG PA MA BYED CIG , KHO YIS MA BSHAD 'DI MA GO ,NAM MKHA' LAS NI ME TOG 'BYUNG, ,KYE MA NGO MTSAR ME GO KYE, ,SEMS LA THE TSOM MA BYED CIG ,MTSAR NA AA BA DH'U T'I PA, ,SEMS KYI THE TSOM CI ZHIG BYA, ,KYE MA MO GSHAM BU SKYES NA, ,KHRI YANG GAR NI BYED PAR 'GYUR, ,RAS BAL DKON PAR THOB 'GYUR BAS, ,NAM MKHA'I GOS CAN DU BAR BYED, ,KYE MA NGO MTSAR ME GO KYE, ,SEMS KYI THE TSOM CI ZHIG BYA, ,MTSAR NA AA BA DH'U T'I PA, ,SEMS LA THE TSOM MA BYED CIG ,KYE MA GLANG CHEN KHRI LA 'DUG ,SBRANG BU GNYIS KYIS 'DEGS PAR BYED, ,DMUS LONG LAM STON NGO MTSAR
, ,CHE, ,LKUGS PAS GTAM NI SMRA BAR BYED, ,KYE MA NGO MTSAR ME GO KYE, ,SEMS LA THE TSOM MA BYED CIG ,MTSAR NA AA BA DH'U T'I PA, ,SEMS KYI THE TSOM CI ZHIG BYA, ,BYI BAS BYI LA 'DED PA MTSAR, ,DE MTHONG NGO MTSAR SKYE BAR 'GYUR, ,BONG BU MYOS PA MTHONG 'GYUR BAS, ,GLANG PO RNAMS KYANG BROS PAR BYED, ,KYE MA NGO MTSAR ME GO KYE, ,SEMS LA THE TSOM MA BYED CIG ,MTSAR NA AA WA DH'U T'I PA, ,SEMS KYI THE TSOM CI ZHIG BYA, ,KYE MA SPRE'U LTOGS PA NI, ,RDO BA KHAM GYIS ZA BAR BYED, ,KYE MA SEMS KYI NYAMS MYONG NI, ,SUS KYANG BRJOD PAR NUS MA YIN, ,KYE MA NGO MTSAR ME GO KYE, ,SEMS LA THE TSOM MA BYED CIG ,MTSAR NA AA WA DH'U T'I PA, ,SEMS KYI THE TSOM CI ZHIG BYA, ,SEMS NYID KYI RTOG PA 'JOMS PAR BYED PA ZHES BYA BA KAm KA LA DANG ME KHA LA NAS BRGYUD PA SLOB DPON LA KshA M'I YIS GSUNGS PA RDZOGS SO,,