, ,RGYA GAR SKAD DU, TATT'A AAshtA KA DRishtI N'A MA, BOD SKAD DU, DE NYID BRGYAD KYI LTA BA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,'KHOR 'DAS DNGOS PO'I RTOG PA 'DI, , GRUB PA MED DE CHU ZLA BZHIN, ,KUN RDZOB THA SNYAD RTEN BYAS NAS, ,DE NYID BRGYAD KYI LTA BA 'CHAD, ,DRI BCAS SEMS NI 'KHOR BA STE, ,THA SNYAD DANG BRAL MYA NGAN 'DAS, ,DPER NA SPRIN MED NAM MKHA' NI, ,GANG LA MI GNAS PHYAG RGYA CHE, ,AINDRA BH'U TI SMRA BAR BYED, ,'KHOR BA MYA NGAN
'DAS PA DANG, ,BDE DANG SDUG BSNGAL GANG ZHIG KYANG, ,SEMS KYI RTOG PAS SREG PAR BYED, ,DPER NA GA PUR ME BZHIN NO, ,DE PHYIR RNAL 'BYOR RTOG PA NI, ,CHUNG YANG KUN DU SBA BAR BYA, ,SEMS DANG SEMS NYID DNGOS PO'O, ,DNGOS PO THAMS CAD MI GNAS PA, ,DPER NA DRI ZA'I GRONG KHYER BZHIN, ,MI GNAS MI 'DAS 'KHRUL SNANG YIN, ,AINDRA BH'U TIS GNYIS MED SMRAS, ,DE NI DBUS MA'I DE NYID DE, ,BDAG MED CHOS KYANG RANG BZHIN LA, ,THOG MTHA'I RANG BZHIN DE NYID DO, ,BDE GSHEGS LTA BA DE NYID DE, ,STONG NYID DON YANG SHES PAR BYA, ,DNGOS MED DRAN MED BLO 'DAS SMRA, ,DPER NA NYI MA ZLA BA DANG, ,NAM MKHA' SKAR MA'I 'KHOR LO DANG, ,SA DANG CHU DANG RGYA MTSO DANG, ,PHYOGS DANG MTSAMS DANG DE YIN LA, ,RI RAB LA SOGS 'KHRUL SNANG YIN, ,AINDRA BH'U TI SMRA BAR BYED, ,DE RNAMS GANG YANG GRUB PA MED, ,GNYIS MED DON LA NYAMS LEN GYIS, ,DE NYID BRGYAD KYI LTA BA ZHES BYA BA SLOB DPON AINDRA BH'U TIS MDZAD PA RDZOGS SO,,