, ,RGYA GAR SKAD DU, BI shA AANTA RA B'A HYA NI PRi TI BA BHA NA KRA MAm, BOD SKAD DU, PHYI NANG GI DUG SEL GYI RIM PA ZHES BYA BA, DPAL HE RU KA LA PHYAG 'TSAL LO, ,YID DANG MTHUN PA'I SGRUB GNAS SU, ,PHYI NANG DUG NI SEL BA YI, ,GSANG BA'I RNAL 'BYOR SGRUB PA'I THABS, ,TI LO BDAG GIS BSHAD PAR BYA, ,RNAL 'BYOR BSKYED PA'I RIM PAR LDAN, ,RU TZOG SPRUL LA SOGS PA YI, ,DUG CHEN 'JOMS PA'I AOm A'A:H'Um, ,LAN GSUM BRJOD CING 'DI LTAR BSAM, ,RTZE SOR BCU GNYIS TSAD DU NI, ,SPYI BO TSANGS PA'I BU GA LA, ,DBUS SU AOm BSAM BDUD RTZI 'BAB, ,SBYOR BA DE YI RNAL 'BYOR NI, ,SKAD CIG GCIG LA MDANGS LDAN NO;, ,DE NI PHYI YI DUG SEL TO, ,NANG GI 'DI LTAR BSGOM PAR BYA, ,RDO RJE CHEN PO'I SNYING GA'I DBUS, ,SKU MDOG DKAR PO BSIL BA'I 'OD, ,TSES GNYIS ZLA BAR SPRIN CHEN PO, ,BSGOMS SHING 'PHROS 'GYUR RNAM PAR BSDU, ,YANG DANG YANG DU BSAM BYAS PAS, ,NANG GI NAD MED KUN DU BZANG, ,RI RGYAL DANG MNYAM DUG YOD KYANG, ,SKAD CIG GCIG LA SEL ZHING 'DREN, ,SKABS LAS BYUNG BA'I DUG SEL NI, ,'DAB BRGYAD PADMA NA SA RU, ,ZLA DKAR GSAL ZHING DRI MA MED, ,YE SHES LNGA LDAN BDUD RTZI NI, ,AA YIG DE DBUS BSAM PAR BYA, ,DUG LNGA GAG LHOG RKYEN GYI NAD, ,SPRE'U KHYIM BYA'I GZUGS CAN RNAMS, ,DE DAG PHYUNG ZHING NAM MKHAR THIM, ,BDAG GI SKU GSUNG THUGS RDO RJE, ,'DOD PA'I KHAMS DANG GZUGS KHAMS DANG, ,GZUGS MED KHAMS DANG DNGOS MED PAS, ,DE PHYIR RANG BZHIN NAM MKHA' STE, ,DES NI STONG PA RTEN MED PA, ,RNAL 'BYOR MI RTOG SEMS GTAD DO, ,PHYI NANG NAD SEL GYI GDAMS PA SLOB DPON TI LOS MDZAD PA RDZOGS SO,,