An Exalted Sutra of the Greater Way entitled "The Sphere of Meditation" (Ārya Samādhi Cakra Nāma Mahāyāna Sūtra)

,,RGYA GAR SKAD DU, A'ARYA SA M'A DHI TZAKRA N'A MA MAH'A Y'A NA S'U TRA, BOD SKAD DU, 'PHAGS PA TING NGE 'DZIN GYI 'KHOR LO ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA RGOD KYI PHUNG PO'I RI LA BZHUGS TE, DGE SLONG GI DGE 'DUN STONG NYIS BRGYA LNGA BCU DANG, BYANG CHUB SEMS DPA'I DGE 'DUN TSAD MED GRANGS MED PA DANG THABS GCIG TU BZHUGS SO, ,GZHAN YANG LHA DANG, KLU DANG, GNOD SBYIN LA SOGS PA'I 'KHOR SNA TSOGS PAS BSKOR NAS CHOS STON PAR GYUR TE, DE'I TSE BCOM LDAN 'DAS TING NGE 'DZIN GYI 'KHOR LO ZHES BYA BA'I TING NGE 'DZIN LA SNYOMS PAR ZHUGS PA DANG, TING NGE 'DZIN DE'I MTHUS SANGS RGYAS KYI ZHING THAMS CAD RAB TU G-YOS PAR GYUR TO, ,SNANG BA CHEN POS KYANG THAMS CAD GSAL BAR GYUR TE, DE NAS 'KHOR DER BYANG CHUB SEMS DPA' 'JAM DPAL GZHON NUR GYUR PA 'DUG PAR GYUR TE, STAN LAS LANGS NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, TING NGE 'DZIN GYI 'KHOR LO LA SNYOMS PAR ZHUGS PA NI, BCOM

LDAN 'DAS, NGO MTSAR TO, ,BDE BAR GSHEGS PA, SHIN TU NGO MTSAR LAGS SO, ,BCOM LDAN 'DAS KYIS BKA' STZAL PA, 'JAM DPAL, KHYOD KYIS YANG DAG PA'I MTHA' SHES SAM, BYANG CHUB SEMS DPA' 'JAM DPAL GYIS GSOL PA, BCOM LDAN 'DAS, BDAG GIS 'TSAL LAGS SO, ,BKA' STZAL PA, 'JAM DPAL, YANG DAG PA'I MTHA' GANG NA 'DUG , GSOL PA, BCOM LDAN 'DAS, YANG DAG PA'I MTHA' NI GANG NA MA MCHIS PA DE NA MCHIS LAGS SO, ,BKA' STZAL PA, 'JAM DPAL, GANG NA MED PA DE GANG YIN, GSOL PA, BCOM LDAN 'DAS, YUL THAMS CAD DANG BRAL BA'O, ,BKA' STZAL PA, 'JAM DPAL, SGOM PA GANG YIN, BCOM LDAN 'DAS, SGOM PA NI SGOM PA MA MCHIS PA'I DON TO, ,'JAM DPAL GYIS GSOL PA, DE BZHIN GSHEGS PAS CHOS JI LTAR STON PAR MDZAD, BKA' STZAL PA, 'JAM DPAL, NGA NI GZUGS RNAM PAR 'JIG PA MED PA DANG, SKYE BA MED PAR CHOS STON TO, , TSOR BA DANG, 'DU SHES DANG, 'DU BYED DANG, RNAM PAR SHES PA RNAM PAR 'JIG PA MED PA DANG, SKYE BA MED PAR CHOS STON TO, ,'DOD CHAGS DANG, ZHE SDANG DANG, GTI MUG RNAM PAR 'JIG PA MED PA DANG, SKYE BA MED PA'I CHOS KYI 'KHOR LO SKOR RO, ,NGAS NI 'DI LTAR CHOS GANG YANG MA BSHIG ,MA BSKYED PA DE LTAR BLA NA MED PA YANG DAG PAR RDZOGS PA'I SANGS RGYAS SU GSUNGS SO, ,

, ,DE NAS BCOM LDAN 'DAS KYIS MKHYEN BZHIN DU 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, KHYOD KYIS CHOS KYI DBYINGS SHES SAM, GSOL PA, GAL TE BDAG GIS DMIGS NA 'TSAL LAGS SO, ,BKA' STZAL PA, 'JAM DPAL, KHYOD KYIS 'JIG RTEN GANG LA SPYOD PA SHES SAM, GSOL PA, BCOM LDAN 'DAS, 'JIG RTEN NA SGYU MA SPRUL PA'I MI GANG KHO NA LA SPYOD PA DE LA SPYOD PAS SO, ,BCOM LDAN 'DAS, 'JIG RTEN ZHES BGYI BA NI DNGOS PO MA MCHIS PA'I NGO BO NYID LAGS SO; ;BCOM LDAN 'DAS KYIS BKA' STZAL PA, DE BZHIN GSHEGS PA CHOS GSAN PAR NI BZHED KYI, KHYOD SPOBS PAR GYIS SHIG ,GSOL PA, CI LAS BRTZAMS TE SPOBS PAR BGYID PA LAGS, BKA' STZAL PA, 'JAM DPAL, KHYOD CHOS KYI DBYINGS LAS RTZOMS SHIG ,GSOL PA, BCOM LDAN 'DAS, GANG BDAG GIS CHOS KYI DBYINGS MA LAGS PA'I CHOS DE BDAG GIS YANG DAG PAR RJES SU MA MTHONG LAGS SO, ,BKA' STZAL PA, MNGON PA'I NGA RGYAL CAN RNAMS RAB TU SKRAG PAR 'GYUR RO, ,GSOL PA, BCOM LDAN 'DAS, GAL TE YANG DAG PA'I MTHA' SKRAG PAR GYUR NA, DE'I SLAD DU MNGON PA'I NGA RGYAL KYANG SKRAG PAR 'GYUR RO, ,DE CI'I SLAD DU ZHE NA, YANG DAG PA'I MTHA' DANG, MNGON

PA'I NGA RGYAL CAN GNYIS GCIG CING DBYER MED PA'I PHYIR RO, ,BCOM LDAN 'DAS KYIS BKA' STZAL PA, 'JAM DPAL, KHYOD NI RDO RJE'I GZHI YIN NO, ,'JAM DPAL GYIS GSOL PA, BCOM LDAN 'DAS, CHOS THAMS CAD MI PHYED CING BSAM GYIS MI KHYAB PAS NA RDO RJE'I GZHI LAGS SO, ,DE CI'I SLAD DU RDO RJE'I GZHI ZHES BGYI NA, SEMS CAN MA MCHIS PA DANG, DNGOS PO MA MCHIS PA'I SLAD DU RDO RJE'I GZHI LAGS SO, ,GSOL PA, BCOM LDAN 'DAS, DE LTAR LAGS PA'I YANG DAG PA'I MTHA' NI MA MCHIS PA LAGS TE, DE LTA BU'I MTHA' GANG LAGS PA DE NI TSUR MCHI BA DANG, PHAR MCHI BA MA MCHIS TE, BCOM LDAN 'DAS, DE LTA BU'I MTHA' CAN GYI DON LA GNAS NAS RANG BZHIN MED PA'I DON SGOM PAR BYED DO, ,DBEN PA STEN PAR YANG BYED DO, ,'DU 'DZI SPONG NGO, ,DE NAS TSE DANG LDAN PA SH'A RI'I BUS BYANG CHUB SEMS DPA' 'JAM DPAL LA 'DI SKAD CES SMRAS SO, ,'JAM DPAL, KHYOD KYIS CHOS BSTAN PA NI RAB TU NGO MTSAR TO, ,'JAM DPAL GYIS SMRAS PA, BTZUN PA SH'A RI'I BU, NGO MTSAR MI CHE STE, DGRA BCOM PA ZAG PA MED PA NI CHOS STON PA'I SNOD MA YIN TE, DE CI'I PHYIR ZHE NA, 'DI LTAR CHOS BSTAN PA 'DI NI SO SO'I SKYE BO'I CHOS LA ZHUGS PA MA YIN, DGRA BCOM PA'I CHOS LA ZHUGS PA MA YIN, RANG SANGS RGYAS KYI CHOS LA ZHUGS PA MA YIN, DE BZHIN GSHEGS

, ,PA'I CHOS LA ZHUGS PA MA YIN PA'I PHYIR TE, 'DI NI CHOS DMIGS PA'I PHYIR YANG ZHUGS PA MA YIN NO, ,'DI NI GANG DU'ANG ZHUGS PA DANG, LDOG PA MED PA'I PHYIR RO, ,CHOS THAMS CAD SHIN TU DBEN PA'I PHYIR RO, ,SMRAS PA, 'JAM DPAL, CI LA BSAMS TE SMRA, 'JAM DPAL GYIS SMRAS PA, BTZUN PA SH'A RI'I BU, DGRA BCOM PA NYID NI 'DOD CHAGS DANG, ZHE SDANG DANG, GTI MUG ZAD PA YIN NA DE DAG GANG GI SNOD YIN ZHING DE GANG JI LTA BU ZHIG GI SNOD DU 'GYUR SNYAM STE, DE LAS BSAMS NAS DGRA BCOM PA; ZAG PA ZAD PA, CHOS BSTAN PA'I SNOD MA YIN PAR KHO BO DE SKAD SMRA'O, ,SMRAS PA, BTZUN PA SH'A RI'I BU, KHYOD 'CHI 'PHO BA DANG, SKYE BA MED PA'I CHOS YIN PAR MOS SAM, SMRAS PA, 'JAM DPAL, BDAG MOS SO, ,DE NAS BCOM LDAN 'DAS KYIS BYANG CHUB SEMS DPA' 'JAM DPAL LA BKA' STZAL PA, 'JAM DPAL, LEGS SO, ,LEGS SO, ,CHOS ZAB MO'I DON LA KHYOD RAB TU MKHAS PAR BSNGAGS GYUR TO, ,BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' 'JAM DPAL GZHON NUR GYUR PA DANG, TSE DANG LDAN PA SH'A RI'I BU DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA TING NGE 'DZIN GYI 'KHOR LO

ZHES BYA BA THEG PA CHEN PO'I MDO RDZOGS SO,,