, ,RGYA GAR SKAD DU, SAMPA RA TZAKRA A'A LI K'A LI MAH'A YO GA BHA BA NA N'A MA, BOD SKAD DU, AA PHRENG KA PHRENG BDE MCHOG 'KHOR LO'I RNAL 'BYOR CHEN PO BSGOM PA ZHES BYA BA, DPAL HE RU KA LA PHYAG 'TSAL LO, ,'KHOR BA'I THOG MTHA'I TSAD NAD NI, ,BDE BA CHEN PO'I BDAG NYID KYI, ,RGYA MTSO LTA BU'I BDUD RTZIS SEL, ,DGA' CHEN DE LA PHYAG 'TSAL LO, ,DPAL LDAN PHAG MO'I SNYING PO YIS, ,BDE CHEN DKYIL 'KHOR SHIN TU MDZES, ,DPA' BO DPA' MO NYI SHU BZHIS, ,SA MU DRA YI LUS NYID LA, ,GO CHA DRUG GI RGYAS BTAB LA, ,YI GE BDUN PA'I RNA RGYAN CAN, ,DPAL LDAN PHRENG BA'I SNGAGS KYIS NI, ,MGO PHRENG BZHI BCU RTZA DGUS BRGYAN, ,GLANG PO CHE YI GA YANG GZHI NI, ,SANGS RGYAS KUN GYI MKHA' 'GRO 'DZIN, ,RNAL 'BYOR MA YI RIG PA NI, ,RNAL 'BYOR RGYA MTSOS RKED RGYAN BYAS, ,THOD PHRENG YE SHES LNGA YIN TE, ,BDE GSHEGS LNGA YIS SPYI BOR BRGYAN, ,S'A GA RA BDAG GAR BYED DO, ,TSANGS SPYOD RTAG TU BSRUNG BYAS NAS, ,RNAL 'BYOR CHEN PO GNYIS MED BSAM, ,RKANG PA BRGYAD PA'I SNGAGS MCHOD BYA, ,BDAG NYID RNAL 'BYOR S'A GA RA, ,DUR KHYOD BRGYAD DU GNAS BYED KYANG, ,'JIGS PA RNAMS DANG BRAL BA YIN, ,DE PHYIR RNAL 'BYOR DBANG PHYUG RNAMS, ,BDE MCHOG 'KHOR LOR RTAG TU MCHOD, ,KYE HO RIGS LNGA'I SPYOD PA 'DI, ,RNAL 'BYOR PA YIS TAG TU RTOGS, ,RTOG PA MED PA'I SEMS KYIS NI, ,'DOD YON LNGA NI SPYOD PAR
GYIS, ,RGYAN DRUG GIS NI BRGYAN PA'I SKU, ,SENG GE BZHIN DU RTAG TU SPYOD, ,AA PHRENG KA PHRENG RNAL 'BYOR CHE, ,MDUN DU BSAM ZHING GNYIS MED SKYE, ,RNAL 'BYOR CHEN PO BSRE BYAS NAS, ,BDAG GI LTE BA'I KHUNG BU LA, ,ZLA BA'I THIG LE RGYAS PAR BSAM, ,YANG DAG PA YI YI GE NI; ,BDUD RTZI'I RGYA MTSO'I DBUS BSAMS NAS, ,DBANG PO ZHI ZHING GNYIS MED 'GRUB, ,BSAM GTAN BSAM MED 'GRUB RGYU MED, ,BSAM MED BSAMS NA GRUB PA THOB, ,S'A GA RA BDAG SMRA BAR BYED, ,GRUB PA'I RTAGS NI GLANG CHEN THUL, ,RNAL 'BYOR CHEN PO GNYIS MED DO, , AA PHRENG KA PHRENG BDE MCHOG 'KHOR LO'I RNAL 'BYOR CHEN PO BSGOM PA ZHES BYA BA SLOB DPON S'A GA RAS MDZAD PA RDZOGS SO,,