, ,RGYA GAR SKAD DU, SA H'A DZA AA NANTA A'A B'A YAm N'A MA, BOD SKAD DU, LHAN CIG SKYES PA'I GDAMS PA ZHES BYA BA, BYANG CHUB SEMS DPA' RNAMS LA PHYAG 'TSAL LO, ,SNYING GA'I KHA SBYOR DBUS SU NI, ,GNYIS MED THIG LE YUNGS KAR TSAD; ,DE YANG 'O MA'I RGYA MTSO LTAR, ,RIM GYIS RGYAS PA BSAM PAR BYA, ,BDAG DANG GZHAN GYI LUS NYID NI, ,DRI MED BDUD RTZIS ZHO LTAR GANG, ,RLUNG NA SEL ZHING SEMS NYID BCING, ,ME DHI BDAG NI SMRA BAR BYED, ,DNGOS POR SEMS GTANG DNGOS MED RTOGS, , KYE HO MA YENGS RANG SEMS ZUNG, ,RNAL 'BYOR GRUB RTAGS DNGOS MED PA, ,PHAN TSUN GNYIS KYI 'BREL PA BCAD, ,DNGOS DANG DNGOS MED RANG BZHIN LA, ,MTHA' GNYIS MI GNAS LHAN SKYES GRUB, ,DNGOS PO THAMS CAD SKYE MED DE, ,BSGRIBS PAS BDAG GIS MA RTOGS
SO; ,SNANG BA THAMS CAD SEMS NGO BO, ,SEMS NYID MA GRUB SEMS NYID DE, ,BDAG NYID SNYING RJE KUN DU KHYAB, ,NAM MKHA' LTA BUR 'GYUR BA MED, ,GNYIS LA MI GNAS SEMS NYID YIN, ,ME DHI BDAG NI SMRA BAR BYED, ,RANG RIG MA BCOS BYA BA THONG, ,'DZIN MED DRAN MED SEMS NYID DE, ,CHAD PAR MI 'GYUR RANG RIG RTOGS, ,RTAG PAR MI 'GYUR SGRO 'DOGS BCAD, ,STONG PA'I RANG BZHIN RTAG CHAD MED, ,ME DHI BDAG NI SMRA BAR BYED, ,LTA BA BSGOM MED 'BRAS BU MED, ,SNANG LA RANG BZHIN DNGOS PO MED, ,RNAM RTOG SPRUL GYI MDUD PA LTAR, ,RANG GROL ZUNG 'JUG THA SNYAD MED, ,DE LTAR BSGOMS PAS STONG NYID RTOGS, ,ME DHI BDAG NI SMRA BAR BYED, ,LHAN SKYES ZUNG 'JUG STONG NYID DE, ,RNAL 'BYOR BDAG GIS RTOGS PA'O, ,LHAN SKYES ZUNG 'JUG GI GDAMS PA SLOB DPON ME DHI NIS MDZAD PA RDZOGS SO,, ,,