, ,RGYA GAR SKAD DU, H'Um KA RA TZITTA BINDU BH'A BA NA KRA MA, BOD SKAD DU, H'Um YIG SEMS NYID THIG LE BSGOM PA'I RIM PA ZHES BYA BA, YUM RDO RJE PHAG MO LA PHYAG 'TSAL LO, ,G-YAS DANG G-YON DANG DBUS MA YI, ,GYE NA THUR GNAS PA'I RTZA DRUG LA, ,DE RNAMS LA NI SMAN DRUG 'BAB, ,DRI DANG ZLA BA SMAN GNYIS NI, ,GYEN THUR GNYIS KYI DBYE BA YIS, ,RA SA N'A NAS YANG DAG RGYU, ,CHU DANG NYI MA KUN 'DAR MA, ,GYEN THUR GNYIS KYI DBYE BA YIS, ,SNGA MA BZHIN DU YANG DAG RGYU, ,DBUS MA AA BADH'U T'I LA, ,DBUGS DANG SGRA GCAN MI RGYU BA, ,ME DANG CHU KHAMS MGRIN PA YI, ,DUS GSUM GNAS PA'I PHAG MO MCHOD, ,NYI ZLA'I SHU KRA RAKTA YI, ,THIG LE 'DZIN BYED SGRA GCAN DANG, ,SEMS NYID THIG LE JI LTAR DAG ,THIG LE DE NI GANG LA GNAS, ,
'KHOR LO BZHI YI DBUS SU NI, ,KHA SBYOR PADMA'I 'DAB BRGYAD LA, ,DE DBUS NYI ZLA KHA SBYOR LA, ,N'A DA BINDU RNAM PAR BRGYAN, ,GNAS PA PHRA ZHING YUNGS KAR TSAD, ,YI GE H'Um NYID BSGOM PAR BYA, ,DE LAS 'OD 'PHROS THIG LE BZHI, ,PAD MA 'DAB PA BZHI LA 'PHRO BAR BSAM, ,SHAR GYI THIG LE MKHA' 'GRO MA, ,MI BSKYOD CHU YI RANG BZHIN NO, ,NUB PHYOGS L'A MA'I THIG LE NI, ,GSAL BA'I DRIN RNIM [?] SNANG NGO, ,KHAndA RO HA BYANG PHYOGS TE, ,BYANG CHUB SEMS KYI THIG LER 'PHRO, ,LHO'I PHYOGS SU R'U PI NI, ,THIG LE DMAR PO BSGOM PAR BYA, ,GNAS BZHI'I 'KHOR LO DAG PA YI, ,SKYE GNAS BZHI NI DAG PAR BYAS, ,DE LTAR 'PHROS PA'I 'OD ZER GYIS, ,'OG DRUG SEMS CAN DAG PAR BSAM, ,SLAR YANG THIG LER THIM PA YIS, ,SBYOR BA 'DI LTAR SHES PAR BYA, ,THIG LE BZHI NI H'Um THIM PA'I, ,H'Um NI ZLA TSES BSDU BAR BYA, ,ZLA TSES NAM MKHA'I THIG LER BSDU, ,NAM MKHA'I THIG LE KHONG STONG LA, ,NYI ZLA'I KHA SBYOR THIG LE NI, ,GSAL ZHING KHA DOG DBYIBS DANG BRAL, ,RNAL 'BYOR PA YIS BSGOM PAR BYA, ,H'Um YIG SEMS NYID THIG LE BSGOM PA'I RIM PA ZHES BYA BA SLOB DPON NAG PO NAS BRGYUD PA'I SLOB DPON DHARMA PAS MDZAD PA RDZOGS SO,,