, ,RGYA GAR SKAD DU, AA TZINTA BHA BA TI PA RI BH'A BA NA N'A MA, ,BOD SKAD DU, BSAM GYIS MI KHYAB PA BSGOM PA ZHES BYA BA, BYANG CHUB SEMS DPA' RNAMS LA PHYAG 'TSAL LO, ,BLA MA RNAMS LA PHYAG 'TSAL LO, ,DGONGS PA MDOR BSDUS RNAL 'BYOR GYI, ,TSAD MED BZHI YI NYAMS LEN NI, ,BSAM GYIS MI KHYAB BSHAD PAR BYA, ,RGYU 'BRAS STONG PA'I RANG BZHIN LA,, DNGOS MED GZUGS DANG GNYIS MED SMRA, ,DMIGS MED 'BRAS BU 'BAD MED 'GYUR, ,DPER NA 'BRUG MED CHAR BZHIN NO, ,DE PHYIR RANG BZHIN BDAG MED KYI, ,BRTUL ZHUGS SKAL LDAN RNAL 'BYOR PAS, ,SNANG ZHING SRID PA SNA TSOGS 'DI, ,DNGOS PO STONG PA BDAG MED DE, , NGO BO NYID KYIS RNAM PAR DAG ,DE LTA BU YI SNYING RJE LA, ,SANGS RGYAS SEMS CAN GNYIS SU MED, ,MI BSGOM MI RTOG RANG BZHIN GSAL, ,MTHA' DBUS BRAL BA DBU MA'I DON, ,DE LTA'I SEMS KYI RANG BZHIN BSGOM, ,MA RTOGS PA YI SEMS CAN LA, ,NAD 'DON SNYING RJE BSGOM PAR BYA, ,BDAG GI MDUN DU GANG ZHIG KYANG, ,MNYAM PAR BZHAG STE MNYAM PAR BSGOM, ,DE LA RNAM PA THAMS CAD KYI, ,GNYIS MED DON NI 'GRUB 'GYUR RO, ,DGON PA'I SNYAN RGYUD GDAMS NGAG NI, ,SANGS RGYAS THAMS CAD 'DUS PA'I SKU, ,KUN GYI SEMS NYID H'Um YIG
, ,YIG DKAR, ,BDAG DANG GZHAN GYI SNYING GAR BSGOM, ,NYI MA'I GDAN STENG THIG LER BSGOM, ,DE NYID KYI NI 'PHRO 'DU LAS, ,NYON MONGS THAMS CAD SPYANG BAR BSAM, ,DE NI GNYIS MED DON YIN TE, ,LHA YI DE NYID RANG BZHIN MED, ,DE LTAR SNYING RJE BSGOM BYAS NAS, ,BSAM MI KHYAB PA'I BSAM PA NI, ,PHAN PHYIR BDE LTAR BSAM PAR BYA, ,RNAL 'BYOR BDAG NYID SNYING GA RU, ,PADMA 'DAB BRGYAD SRAN MA'I TSAD, ,DE NAS 'OD GSAL DKAR DMAR TE, ,BAR DU ME LHA'I AAm YIG NI, ,DNGOS PO'I RNAL 'BYOR GANG YANG MED, ,DE LAS CI YANG BSAM MI KHYAB, ,GANG ZHIG SGOM PA'I RNAL 'BYOR DE, ,GNYIS MED YE SHES 'GRUB 'GYUR RO, ,GSAL RIG MED PA CHOS SKU DE, ,DE LTAR PHRA BA'I RNAL 'BYOR PAS, ,MNGON SHES SHAR TE GNYIS MED RTOGS, ,DGA' BA'I RANG BZHIN 'BYUNG 'GYUR LA, , BTANG SNYOMS 'BRAS BU THOB PA'O, ,KHA CIG LHA MO BZHI BSGOMS NAS, ,KHA CIG DAG GI DON LA BRTEN, ,GNYIS MED BSGOM PA MI SHES SO, ,ZHAL NAS ZHAL DU BRGYUD PA YI, ,ZHAL GDAMS GZHAN LA PHAN PHYIR NI, ,R'A HU LAS NI BSHAD PAR BYAS, ,TSAD MED BZHI BSAM GYIS MI KHYAB PA BSGOM PA ZHES BYA BA SLOB DPON R'A HU LAS MDZAD PA RDZOGS SO,,