, ,RGYA GAR SKAD DU, STH'A NA M'A RGA PHA LA MA H'A MU DRA BH'A BA NA N'A MA, BOD SKAD DU, GZHI LAM 'BRAS BU BSGOM PA'I PHYAG RGYA CHEN PO'I NYAMS LEN ZHES BYA BA, DPAL HE RU KA LA PHYAG 'TSAL LO, ,GZHI LAM 'BRAS BU GSUM GYI NI, ,RTZA GSUM BRGYUD PA'I BLA MA DANG, ,YIG 'BRU GSUM GYI NYAMS LEN NI, ,NYAM CHUNG NYON CIG BSHAD PAR BYA, ,LTE BA SBRUL PA'I 'KHOR LO NAS, ,SNA BU KA GNYIS DANG TSANGS PA'I BAR, ,RTZA GSUM LA NI SEMS GTAD BYA, ,G-YON GYI DKAR DANG G-YAS RTZA DMAR, ,DBUS KYI MI BSKYOD MTHING GA LA, ,G-YAS PAR H'Um DANG G-YON PAR AOm, ,TSANGS PA'I BU GAR AA YIG BSAM, ,'OD GSAL MTHING GA DKAR DANG DMAR, ,KHAMS GSUM SBRUL BA'I 'OD KYIS KHYAB, ,GDUL BYA BTUL NAS SLAR YANG THIM, ,YI GE GSUM GYI ZLA TSES LA, ,STONG PA'I THIG LE STENG DU NI, ,BRGYUD PA'I BLA MA 'OD GSAL NI, ,DE STENG 'DI LTAR BSGOM PAR BYA, ,G-YON GYI SNA BUG YI GE LA, ,YID CHES NYAMS MYONG BLA MA NI, ,SKAR MA LTA
, ,BU'I 'OD GSAL BSGOM, ,'BRAS BU MNGON SUM BLA MA STE, ,H'Um YIG ZLA TSES STENG DU STE, ,BRTAN PAR BSAM GTAN BSGOM PAR BYA, ,RLUNG GSUM 'GAGS TE GDON GSUM SEL, ,DUG GSUM RNAM RTOG BRAL 'GYUR BA, ,RGYU 'BRAS CHOS KYI RTOG PA SPANGS,, LUS KYI DGON PA BRTAN 'GYUR BAS, ,BDAG GZHAN GNYIS MED DON RTOGS TE, ,DUR KHROD KYI NI 'JIGS PA SPANGS, ,HA RI TZANDRA NAM MKHA'I DBYINGS, ,DRI ZA'I GRONG KHYER LONGS SPYOD BYED, ,GZHI LAM 'BRAS BU BLA MA BSGOM PA'I PHYAG RGYA CHEN PO'I NYAMS LAN ZHES BYA BA SLOB DPON PAm KA LAS MDZAD PA RDZOGS SO,,