, ,RGYA GAR SKAD DU, TZITTA SYA SAm PRA DH'A YA BY'A BAshtA NAm N'A MA, BOD SKAD DU, SEMS LA GROS 'DEBS PA ZHES BYA BA, YUM RDO RJE
, ,PHAG MO LA PHYAG 'TSAL LO, ,DPA' BO DPA' MO 'BYUNG PO RNAMS KYIS BSKOR BYAS PA'I, ,DPAL CHEN HE RU KA YI ZHABS LA PHYAG 'TSAL NAS, ,KHAMS GSUM SEMS CAN RNAMS KYI SGRIB PA BSAL BA'I PHYIR, ,BDAG GZHAN RNAMS KYI DON DU SEMS LA PHAN PA'I GROS 'DEBS BYA, ,'DOD PA PADMA'I CHU LTAR RIG NAS SEMS NYID KYI, ,BLA MED LTA SGOM 'BRAS BU KHYOD KYIS DRAN PAR GYIS, ,DE YIS DPAL LDAN ZHAL MTHONG GNYIS MED DON RTOGS TE, ,DE PHYIR NYAMS LEN BRTZON PAS PHYAG RGYA CHEN PO THOB PA'I PHYIR, ,SNA TSOGS GZUGS SGRA SOGS LA MA CHAGS MA ZHEN NA, ,'KHOR BAR MI GNAS RGYU MED MYA NGAN 'DAS PA THOB, ,PADMA'I BZHIN MDZES MNGON SUM MIG GI DBANG PO DANG, ,SGRA BRNYAN RNAMS SHING SEMS NYID RMONGS 'GYUR BAS, ,KYE MA ZHES SDANG PHRANG DOG DUG NI CI PHYIR 'DZIN, ,SKRA DKAR GNYER MA LA SOGS KHYOD KYIS MTHONG GYUR KYANG, ,YONGS SU TSOL BA'I ZHEN PAS NYES PA SKYON GYIS BCINGS, ,RAB 'BRING THA MA'I SPYOD LAM 'DOD CHAGS ZHE SDANG GIS, ,MKHAS BTZUN MNGON PA'I RGYAL 'KHOR BA'I GNAS SU 'KHYAM, ,YI DGAS LHA MIN DUNG 'GRO LA SOGS SDUG BSNGAL MANG, ,DE PHYIR PHRAG DOG SPANGS LAR RANG NYID DMIGS PAR GYIS, ,LHA DANG KLU DANG MI RNAMS BDE BAR GRANGS MANG THOB GYUR KYANG, ,SEMS KYI RGYAL PO 'DOD PAS MI NGOMS NGO MTSAR CHE, ,GNYEN BRAL SDUG BSNGAL MCHI MA RGYA MTSO BAS KYANG LHAG ,DUR KHROD GNAS KYI KENG RUS BSAGS PA RI DANG MNYAM, ,'DOD PA'I RMA PHYUNG 'KHRUGS PA'I KHRAG NI MTSO DANG 'DRA, ,KYE MA SEMS KYI RGYAL PO'I RNAL 'BYOR CI PHYIR SRID MI SPONG, ,MI LUS 'DOD BYA KHOM LDAN YANG DAG THOB BYAS NAS, ,DNGOS PO RNAMS NI CHU BUR LTA BUR BRTAGS BYAS LA, ,KHYOD KYIS BDAG GZHAN RNAMS LA JI SRID PHAN PAR GYIS, ,'KHOR PA'I 'DAM LA BYING 'GYUR THAR BA SHIN TU DKA', ,DMYAL BA'I SDUG BSNGAL DU 'BOD TSA GRANG SREG CING BTZIR, ,SRED PAS PHRAG DOG YI DGAS BKRES SKOM SKYE 'GYUR LA, ,SNYING RJE'I GNAS THOB DUD 'GRO PHAN TSUN ZHE SDANG CHE, ,LHA YANG GNAS NAS LTUNG 'GYUR MI RNAMS SDUG BSNGAL MANG, ,
DE LTAR 'GRO BA'I SDUG BSNGAL KHYOD KYIS DRAN KHYOS LA, ,DON DAM KUN RDZOB THA SNYAD SNA TSOGS SPANG BAR GYIS, ,LONGS SPYOD SPRIN PHUNG GLOG LTAR RNAM PAR G-YO BAR 'GYUR, ,TSE 'DI RLUNG GIS BSKYOD PA'I PADMA'I CHU LTAR 'JIG ,LANG TSO RNAMS NI MI RTAG DE LTAR BLTAS BYAS NAS, ,MKHAS PA RNAMS NI MYUR DU NAGS SU 'GRO BAR GYIS, ,'KHOR BA'I 'DOD PA'I GNYEN BSHES CHAGS PAS PHRAG DOG SKYE, ,MTHAR YANG GSHIN RJE'I GNAS 'GRO RGYAL BA THOB MI 'GYUR, ,KHYOD KYIS DE LTAR SHES NA THAR PA'I LAM THOB BO, ,MI LUS DAM PA YANG DANG YANG DU THOB PA DKA', ,DPER NA RGYA MTSO'I CHU RLABS RLABS SNANG ZLA BA'I GZUGS BRNYAN DANG, ,RMI LAM MIG 'PHRUL 'KHRUL SNANG SNA TSOGS SGOM BYED NA, ,'KHOR BA'I ZHAGS PAS BCINGS GROL RGYAL BYA BZHIN NO, ,DE PHYIR SEMS NYID MA CHAGS MA ZHE NA NYAMS LEN GYIS, ,'KHRUL ZAD GANG ZHIG RNAL 'BYOR BDE BA THOB PA DES, ,SEMS GSAL YAL GA BRGYA YIS SANGS RGYAS 'BRAS BU THOB, ,SEMS KYI GROS 'DEBS ZHES BYA BA SLOB DPON AA DZO KIS MDZAD BA RDZOGS SO,,