, ,RGYA GAR SKAD DI, PRA DZNYO P'A YA BI NISHTZA YA SA MUD YAm N'A MA, BOD SKAD DU, THABS DANG SHES RAB GTAN LA PHAB PA'I BSDUS PA ZHES BYA BA, DPAL HE RU KA LA PHYAG 'TSAL LO, ,GANG ZHIG SPRIN LTAR RTOG PA SEL CING RANG BZHIN DRI MA MED, ,NANG PA RNAMS KYI MNYAM DANG MI MNYAM GNYIS MED CHOS SKU DE, ,GZUGS LDAN SNA TSOGS LONGS SKU'I RANG BZHIN RNAMS KYI RGYUR GYUR PA, ,THABS DANG SHES RAB GNYIS MED SPRUL SKU DE LA PHYAG 'TSAL NAS, ,LHAM MKHAN RIG 'DZIN BDAG GZHAN DON DU RNAM PAR BSDU BYAS NAS, ,MA RTOGS SEMS CAN RNAMS LA PHAN PHYIR MA LUS DE NYID NI, ,BDAG GIS BSHAD BYA BLO LDAN RNAMS KYIS GUS PAS MNYAN PAR GYIS, ,DNGOS PO'I RTOG PA LA BRTEN NAS, ,DNGOS MED BDAG MED YANG DAG 'BYUNG, ,GNYI GA RTOG PA MNYAM MOD KYI, ,BYIS PA RNAMS LA DRANG PHYIR GSUNGS, ,DE LA NYON MONGS THAMS CAD DE, ,SKYE 'JIG SDUG BSNGAL DE LAS 'BYUNG, ,BDAG GZHAN GNYIS KYI 'DZIN PA YIS, ,THAR BA THOB PAR MI 'GYUR BAS, ,DE PHYIR DNGOS PO SPANG BYA ZHING, ,DNGOS MED LA YANG BRTEN MI BYA, ,RNAL 'BYOR DNGOS PO LA BRTEN NA, ,'KHOR BA NYID LAS GZHAN DU
MIN, ,PHAN TSUN 'BREL PHYIR DE DAG MIN, ,DE MIN BDAG GZHAN GRUB PA MED, ,DPER NA NAM MKHA'I ME TOG BZHIN, ,DE PHYIR DNGOS DANG DNGOS MED NI, ,BRDZUN PA'I CHO 'PHRUL SPANG BAR BYA, ,RANG BZHIN MA GRUB DRI MA MED, ,DE PHYIR PHA ROL PHYIN MAR GRAGS, ,KHYAB BYED SNYING RJE DBYAR MED DE, ,RNAL 'BYOR PA YI THABS YIN NO, ,CHU DANG 'O MA 'DRES PA LTAR, ,THABS DANG SHES RAB GNYIS MED PA, ,'DZIN BYA 'DZIN BYED THOG MTHA' MED, ,DRI MED DNGOS PO'I MTSAN MA BRAL, ,GNYIS DANG GNYIS MIN ZHI BA'I BDAG ,DE RNAMS LA GNAS BDE BA'I MCHOG ,RANG RIG YE SHES CHOS KYI DBYINGS, ,ZHI DUL PHA ROL PHYIN MA YIN, ,THEG PA GSUM DANG SKU GSUM LDAN, ,SNGAGS NI 'BUM SDE GRANGS LAS 'DAS, ,DKYIL 'KHOR RGYAL MCHOG PHYAG RGYA DANG, ,'JIG RTEN 'DAS DANG 'JIG RTEN RNAMS, ,LHA DANG LHA MIN BRGYA BYIN DANG; ,MI DANG YI DAGS DUD 'GRO SOGS, ,DPER NA CHU YI RLABS BZHIN TE, ,DE LAS BYUNG ZHING THIM PAR 'GYUR, ,DE PHYIR THABS DANG SHES RAB KYIS, ,GNYIS MED DON NI BSGOM PAR BYA, ,MI MNYAM PA YI SNGAGS NYID KYIS, ,STONG NYID BSGOM PAR MI BYA ZHING, ,DE BZHIN DNGOS PO BSGOM MI BYA, ,DE DAG GNYIS KYI 'DZIN PA NI, ,MYA NGAN 'DAS KYANG 'KHOR BA YIN, ,DE NI MI RTAG SPANG BYAS PAS, ,DMIGS MED STONG NYID 'GRUB 'GYUR RO, ,BRJOD BRAL NAM MKHA'I SNYING RJE STE, ,DE NYID YID BZHIN NOR BU LTAR, ,'GRO BA'I DON NI BYAMS PA YIN, ,NAM MKHA' KUN LA KHYAB PA BZHIN, ,GNYIS MED SEMS NI DGA' BA YIN, ,DNGOS DANG DNGOS MED GNYIS DAG LA, ,BSGOM PA'I BTANG SNYOMS DE NYID NI, ,DNGOS MED DON DAM BSGOM PAR BYA, ,BYA BA DANG NI BYED PA PO, ,BSGOM DANG SGOM RGYU GNYIS KA MED, , SBYIN DANG SBYIN BYA GNYIS MA GRUB, ,'DZIN BYA DANG NI 'DZIN PA PO, ,BRTAGS PAS NYON MONGS DNGOS PO MED, ,DE NYID LDAN PA'I RNAL 'BYOR PA, ,BYANG CHUB SEMS NI GRUB 'GYUR RO, ,CHAGS PAS BSGRIBS PAS 'KHOR BA YIN, ,SPRIN MED NAM MKHA' LTA BU NI, ,RTOG PA DANG BRAL MYA
, ,NGAN 'DAS, ,DE PHYIR SEMS NI BRTAN BYAS NAS, ,BLO DANG LDAN PAS BSGOM PAR BYA, ,BLA MA'I ZHAL GYI PADMA LAS THOB GDAMS NGAG BRIS, ,BDAG NYID GRUB PA GANG ZHIG DGE BA'I 'BRAS BU DES, ,'GRO DRUG NYON MONGS 'DAM LAS RGAL ZHING DRI MED PA, ,BYANG CHUB SEMS LA GNAS SHING GRUB PA THOB PAR SHOG ,THABS DANG SHES RAB GTAN LA PHAB PA'I DNGOS GRUB BSDUS PA ZHES BYA BA SLOB DPON TZAM RIS GSUNGS PA RDZOGS SO,,