, ,RGYA GAR SKAD DU, TZA TUR YO GA BH'A BA NA N'A MA, BOD SKAD DU, RNAL 'BYOR BZHI'I NYAMS LEN GYI THABS ZHES BYA BA, DPAL RDO RJE SEMS DPA' LA PHYAG 'TSAL LO, ,SEMS DANG SEMS NYID RGYU MED DE, ,BSGRUB BYA SGRUB BYED THIG LA'I NGO, ,'BRAS BU MA GRUB MYA NGAN 'DAS, ,DPAL LDAN DPA' BO YI GE MED, ,LTE BAR GSANG BA'I GE SAR LA, ,A'A LI K'A LI LA BRTEN NAS, ,RNAL 'BYOR BZHI YI NYAMS LEN BSHAD, ,LTE BA YI SHES 'KHOR LO RU, ,RTZA NI BRGYAD KYI THIG BTAB NAS, ,A'A PHRENG K'A PHRENG MNYAM BSAMS NAS, ,MKHA' 'GRO BRGYAD KYI ME LCE SBAR, ,BYANG CHUB SEMS KYI RANG BZHIN NI, ,NAM MKHA'I DBYIBS KYI 'OD LAS NI, ,GNYIS MED ZUNG 'JUG 'DZAG BYAS PAS, ,DPA' BO RNAMS KYI LAM NAS RGYU, ,DE 'GAG RNAL 'BYOR MTSAN MA MED, ,BRTAN PA'I RNAL 'BYOR GRUB 'GYUR BA, ,SANGS RGYAS RNAMS KYI SA LAM THOB, ,A'A LI K'A LI'I RNAL 'BYOR RO, ,AA HO BZLAS PA'I RNAL 'BYOR PA, ,DNGOS DANG DNGOS MED BRAL 'GYUR BAS, ,PHYI NANG DUG GI RNAM
, ,PA SEL, ,RNAL 'BYOR 'DI NI BRTAN GRUB NA, ,ZLA BA DRUG NAS 'GRUB 'GYUR BA'I, ,RDO RJE SEMS DPA' DANG MNYAM MO, ,DE NI RIG BA'I RNAL 'BYOR RO, ,SEMS NYID GNAS SU PADMA NI, ,MNYAM PA NYID NI DMAR POR BSAM, ,PAD 'DAB BZHI LA THIG LE NI, , DBUS SU RGYU MED THIG LE YIN, ,DE DAG RNAMS KYI KHA DOG NI, ,SHAR DU DMAR DANG BYANG DU SER, ,NUB TU DKAR DANG LHO RU GNAG ,SNA TSOGS 'OD GSAL DBUS SU 'PHRO, ,SNGAR BSHAD SNGAGS DANG BCAS PA NI, ,SGOM NA RNAL 'BYOR DBANG PHYUG DE, ,SKAD CIG GCIG LA RDZOGS SANGS RGYAS, ,DE NI MNYAM NYID RNAL 'BYOR RO, ,MI BSKYOD CHU DANG RNAM SNANG DANG, ,PHYI NANG BDUD RTZI LNGA YIS NI, ,SNGAGS PA'I THABS KYI RNAL 'BYOR GYI, ,TAN TI BDAG GIS GRUB PA THOB, ,RNAL 'BYOR BZHI'I NYAMS LEN CES BYA BA SLOB DPON TAN TI PAS MDZAD PA RDZOGS SO,, ,,