, ,RGYA GAR SKAD DU, KARMA TZAndA L'I KA DO HA G'I TI N'A MA, BOD SKAD DU, LAS KYI GTUM MO'I DO HA MDZOD KYI GLU ZHES BYA BA, DON THAMS CAD GRUB PA LA PHYAG 'TSAL LO,,
, ,NANG NAS GTUM MO'I ME SGAR BAS, ,DBUS NAS BDUD RTZI 'BAB PAR BYED, ,RANG BYUNG SDONG BU SKYES PA YIS, ,RTZE MO'I RI LA PHYIN TE GNAS, ,MGON PO'I BDUD RTZI 'BAB PAR BYED, ,'KHOR BA'I SDUG BSNGAL YUN RING BCOM, ,GSHIN RJER 'GRO BA'I 'JIGS PA SPANGS, ,SANGS RGYAS YON TAN PHRENG BA 'BYUNG, ,BDE BA CHEN PO RGYAS PA YIS, ,THAMS CAD KYIS NI KHYAB PAR 'GYUR, ,'KHOR BA'I SDUG BSNGAL YUN RING BCOM, ,GSHIN RJER 'GRO BA'I 'JIGS PA SPANGS, ,RDO RJES BRKOS SHING BGOS PA LA, ,NYI ZLA GNYIS NI BSRES BYAS NAS, ,NAM MKHA'I DBYINGS SU THIM PAR 'GYUR, ,BDE BA CHEN PO'I GRONG DU PHYIN, ,KUN DBUS SANGS RGYAS YON TAN GYIS, ,RIN CHEN 'BYUNG BA'I GNAS SU BRTOL, ,'KHOR BA'I SDUG BSNGAL YUN RING BCOM, ,GSHIN RJER 'GRO BA'I 'JIGS PA SPANGS, ,'BYUNG RGYU'I RLUNG NI BKAG PA YIS, ,RIN CHEN GSAL BA'I GNAS SU PHYIN, ,BRTAGS SHING BRTAGS SHING DPYAD PA YIS, ,BI R'U BDAG GIS 'GRUB PAR 'GYUR, ,'KHOR BA'I SDUG BSNGAL YUN RING BCOM, ,GSHIN RJER 'GRO BA'I 'JIGS PA SPANGS, ,LAS KYI GTUM MO'I DO HA MDZOD KYI GLU ZHES BYA BA SLOB DPON BI R'U PAS MDZAD PA RDZOGS SO,,