, ,RGYA GAR SKAD DU, A'ATMA YO GA N'A MA, BOD SKAD DU, BDAG GI RNAL 'BYOR ZHES BYA BA, DPAL RDO RJE SEMS DPA' LA PHYAG 'TSAL LO, ,RNAL 'BYOR SPYOD LA MKHAS PA YIS, ,SEMS CAN RNAMS LA RJES BRTZE BAS, ,DNGOS GRUB CHED DU LAS SGRUB THABS, ,DE NAS DE LA YANG DAG BSHAD, ,'JIG RTEN THAR LA BA RTEN PHYIR YANG, ,'KHOR LO DRUG GI CHO GA DANG, ,DE BZHIN LAS SBYOR CHO GA YIS, ,LAS KYI SGRUB THABS MCHOG BYA'O, ,GANG ZHIG RNAM PAR SHES TZAM GYIS, ,SANGS RGYAS NYID NI NGES 'THOB PA, ,BDAG NYID KYI NI SGRUB THABS MCHOG ,DE PHYIR DE LAS BSHAD PAR BYA, ,DANG POR RE ZHIG BSHAD LAM NAS, ,SUM MDO RU NI DGUG BYA STE, ,SGO BZHI 'DAB MA BZHI PA LA, ,GE SAR RGYAN GYIS DGE BYAS PA, ,DE YI DBUS NA NGES PHYUNG BA'I, ,BANDHU KA MTSUNGS SA BON DMAR, ,DE NAS 'KHOR LO LA GNAS LNGA, ,
, ,NAG PO 'JIGS SU RUNG BA'I GZUGS, ,'JIGS BYED CES BYAR BSGRAGS PA NI, ,'JIGS PA 'JOMS PAS 'JIGS BYED DO, ,GNYIS PA LTE BA'I DBUS GNAS SHING, ,LAG 'GRO'I RNAM PAR RAB NYAL PA, ,DE LA 'KHYIL BAR BSGRAGS PA STE, ,'CHAR DANG NUB PA'I RGYU YIN NO, ,ME YI SA BON RE PHAS KYANG, ,GRU GSUM PA CAN ME YI LHA, ,KHA DOG DMAR ZHING LUS CHE BA, ,'BAR BA'I PHRENG BA'I 'OD 'KHRIGS BA'O, ,GSUM PA SNYING GA'I 'KHOR LO NI, ,SUM CU RTZA DRUG 'DAB MAR KHYAB, ,PADMA'I SNAL MA DANG 'DRA ZHING, ,NYI MA DANG MNYAM GZI BRJID CAN, ,SNA TSOGS PADMA 'DAB BRGYAD KYI, ,LTE BA'I ZE'U 'BRU LA GNAS PA, ,N'A DA THIG LER YANG DAG LDAN, ,SEMS KYI RDO RJE DE BZHIN GSHEGS, ,BZHI PA MGRIN BA LA GNAS PA'I, ,RTZA YI TSOGS KYI SPYOD YUL NI, ,RTZA RNAMS THAMS CAD TSOGS PA STE, ,RDZU 'PHRUL LA SOGS SPYOD YUL LO, ,BCU DRUG 'DAB MA'I ZE'U 'BRU LA, ,GSUNG GI RDO RJE DE BZHIN GSHEGS, ,RKAN DANG MGRIN PA RNAM DAG CHE, , KHA DOG DMAR PO DPAL LDAN CHE, ,LNGA PA TSANGS PA'I BUG PAR NI, ,DUS GSUM NAM MKHA'I SPYOD YUL TE, ,NAM MKHA' LAS 'DAS MCHOG TU PHRA, ,THIG LE'I GZUGS CAN DBYANGS DBANG PHYUG ,'KHOR LO'I NGES PA DRUG PA RKAN, ,LHA RNAMS KYIS KYANG RNYED DKA' BA, ,ZLA BA CHU SHEL DANG MTSUNGS PA, ,'DZAG PA ZHES BYA BSAM PAR BYA, ,SO GNYIS BDUD RTZI'I CHA SHAS RIGS KYI NI, ,'KHOR LOR GNAS PA SKU YI RDO RJE STE, ,DE BZHIN GSHEGS PA KHA DOG DKAR PO CHE, ,RAL PA'I COD PAN LA BRGYAN DPAL LDAN NO, ,DE BZHIN SPYI BO'I RTZA BAR NI, ,'KHOR LO ZLA BA ZLUM POS BRGYAN, ,CHOS KYI DBYINGS DANG DE BZHIN LHA, ,THIG LE YI NI GZUGS RANG BZHIN, ,YE SHES RNAM SHES SBYOR BA DANG, ,SUM CU'I DBANG PHYUG
KHYAB BYAD DE, ,RDZU 'PHRUL DNGOS GRUB SBYIN PA DANG, ,THAR PA'I LAM SBYIN DE ZHES BYA'O, ,BDAG GI RNAL 'BYOR ZHES BYA BA, ,TOG RTZE BA'I ZHABS KYIS MDZAD PA RDZOGS SO,, ,,RGYA GAR SHAR PHYOGS SANG NA GA RA'I MKHAS PA CHEN PO NAGS KYI RIN CHEN GYI SPYAN SNGAR, DGE SLONG CHOS SMRA BA BSOD NAMS RGYA MTSO'I SDES BSGYUR BYA'O,,