, ,RGYA GAR SKAD DU, BADZRA B'A R'A H'A S'I DHA NAm, BOD SKAD DU, ,RDO RJE PHAG MO'I SGRUB THABS, DPAL RDO RJE MKHA' 'GRO MA LA PHYAG 'TSAL LO, ,DPAL LDAN RDO RJE MKHA' 'GRO NI, ,'KHOR LO'I GTZO LA RAB BTUD NAS, ,DE YI ZAB MO SGRUB PA'I THABS, ,DRA BA SDOM PA'I TSUL BZHIN BSHAD, ,DE LA RDO RJE PHAG MO SGRUB PAR 'DOD PAS DUR KHROD LA SOGS PA'I GNAS SU STAN BDE BA LA 'DUG LA, KHA NUB TU BLTAS TE DANG POR SEMS BSKYED PA SNGON DU SONG BAS DAD PAS GZHI BZUNG BSOD NAMS KYIS TSOGS BSAG GO, ,DE NAS RIM GYIS SNANG BA 'BYUNG BA LA BLA MA SPYI BOR BSGOMS LA, YI GE GSUM GYI SNGAGS KYIS BYIN GYIS BRLAB CING, AOm BAm, HAm YOm, HRIm MOm, HRIm HR'Im, H'Um H'Um, PHAt PHAt, CES PAS LAG PA BYIN GYIS BRLABS LA GO BGO STE BGEGS THAMS CAD ZHI BAR BYED PA'I SNGAGS 'DI BRJOD DO, ,AOm HRIm GHA GHA GH'A TA YA GH'A TA YA SARBA DUsht'Am PHAt SR'A H'A, DE NAS MCHOG DANG THUN MONG GI DNGOS GRUB 'BYUNG BAS LUS NGAG YID GSUM GYIS THABS LA MKHAS PAR BYA STE, AOm SVA BH'A WA SHUDDHA:SARBA DHARM'A:SVA BH'A WA SHUDDHO&HAm ZHES BRJOD PAS LUS RNAM PAR DAG PA LHA'I GZHAL YAS KHANG CHOS 'BYUNG GI DKYIL DU BSAM, AOm BADZRA SHUDDHA:SARBA DHARM'A BADZRA SHUDDHO&HAm ZHES BRJOD PAS NGAG RNAM PAR DAG PA SNGAGS KYI 'KHOR LO LA AOm AOm AOm SARBA BUDDHA d'A KI N'I YE, AOm BADZRA WARnA N'I YE, AOm BADZRA BEE RO TZA N'I YE, H'Um H'Um H'Um PHAt PHAt PHAt SV'A H'A, ZHES BZLAS SO, ,AOm YO GA SHUDDHA:SARBA DHARM'A YO GA SHUDDHO&HAm ZHES BRJOD YID RNAM PAR DAG PA LHA'I SKU ZHAL GCIG PHYAG GNYIS PA GRI GUG DANG THOD PA DANG KHA tV'Am GI 'DZIN PA, SKU MDOG DMAR BA LA DUR KHROD CHAS KYIS BRGYAN PA ZHABS G-YAS BSKUM PA, G-YON BRKYANG BAS DUS MTSAN
MA MNAN PA, ,GAR DGU'I NYAMS KYIS BZHUGS PA BSGOM PAR BYA'O, ,DE'I GSANG GNAS SU CHU'I SA BON LAS 'OD 'PHROS PAS PHYAG RGYA BZHIS YE SHES KYI LHA MO DGUG GZHUG LA SOGS PA BYA'O, ,DE YANG RANG NYID LTA BU GCIG SPYAN DRANGS LA PHYAG 'TSAL MCHOD PA DBUL, SDIG PA BSHAGS, RJES SU YI RANG, CHOS KYI 'KHOR LO BSKOR BAR BSKUL, GSOL BA GDAB, DGE BA BSNGO, ,BYIN GYIS BRLABS, DBANG BSKUR, BDAG LA MKHA' 'GRO MA BZHIS BSTOD, ,SNGAGS 'DIS GTOR MA GTANG STE, AOm BADZRA YO GI N'I K'A MA RU PA YO GI N'I, DZVA LA MU KHI NI KHA KHA KH'A HI KH'A HI H'Um H'Um PHAt PHAt CES BRJOD CING RKANG PA BRGYAD KYIS BSTOD, DE NAS THABS BLA NA MED PAS RDZOGS PA'I BYANG CHUB THOB PAS YOD MED GNYIS SU MED PA'I GDAMS NGAG BLA MA'I ZHAL LAS SHES PAR BYA'O, ,MAR GYUR THUGS KYI DPAL BE'U LAS, ,ZAB MO BCUD KYI THIGS PA BYUNG, ,SKAL LDAN RIN CHEN LTA BU YI, ,RDO RJE PHAG MO 'GRUB PAR SHOG ,RDO RJE PHAG MO'I SGRUB THABS RJE BTZUN KA MA LA SH'I LAS MDZAD PA RDZOGS SO,,