, ,RGYA GAR SKAD DU, PRADZNY'A P'A RA MI T'A S'A DH'A NAm, BOD SKAD DU, SHES RAB KYI PHA ROL TU PHYIN PA'I SGRUB THABS, 'JAM DPAL SMRA BA'I SENG GE LA PHYAG 'TSAL LO, ,YUM GYI SGRUB PA BSHAD PAR BYA, ,SHES RAB PHA ROL PHYIN 'BYUNG BA'I, ,GANG ZHIG BSGOMS BTZAM GYIS NI, ,RGOL BA THAMS CAD TSAR GCOD PA, ,ZHAL GCIG PHYAG NI GNYIS PA STE, ,SKU MDOG DKAR ZHING YID 'ONG MA, ,SKRA BCINGS PA LA CUNG ZHIG 'PHYANG, ,CHU SKYES DKAR LA LEGS GNAS PA, ,PHYAG G-YAS SU NI PADMA STE, ,KHA DOG DMAR BA'I RNAM PAR BSGOM, ,SHES RAB PHA ROL PHYIN PA G-YON, ,RDO RJE SKYIL KRUNG LEGS PAR BCAS, ,RGYAN KUN GYIS NI LEGS PAR BRGYAN, , LTE BA'I DKYIL 'KHOR DAG TU BSGOM, ,AA YIG YI GE LA ZHUGS SHING, ,MCHOG TU DGA' BAR BYED PA'O, ,DAM TSIG SEMS DPA' RNAM BSKYED LA, ,YE SHES SEMS DPA' RNAM PAR BSGOM, ,ZLA BA DRUG GI SBYOR BA YIS, ,SHES RAB PHA ROL PHYIN PAR 'GYUR, ,MTSAN MA BDUN GYI SBYOR BA YIS, ,BSTAN BCOS KUN LA MKHAS PAR 'GYUR, ,ZLA BA SHAR BA'I RIM GYIS NI, ,ZLA BA PHYED NI BSGOM PAR BYA, ,BZLAS PA 'BUM BYAS SBYOR BA YIS, ,NYIN RE BZHIN DU TSIGS BCAD BRGYA, ,'BAD PA MED PAR SBYOR BA 'BYUNG, ,GZHUNG YANG BRGYA TZAM 'DZIN BAR 'GYUR, ,DE LA SNGAGS NI 'DI YIN TE, ,AOm PI TZU PI TZU PRADZNY'A BARDHA NI, DZVA LA DZVA LA ME DHA BARDHA NI, ,DHI RI DHI RI BUDHI BARDHA NI SV'A H'A, BYA ROG GI SKAD MA GRAG PAR SNGAGS 'DI LAN BDUN DU MNGON PAR BSNGAGS PAR BYAS NAS, MA BRLANG PA'I SKYUR PO'I KHU BA 'THUNGS NA ZLA BA DRUG TU
, ,GANG 'THUNG BAR BYED PA, DE SHES RAB CHEN PO DANG LDAN PAR 'GYUR RO, ,SHES RAB KYI PHA ROL TU PHYIN PA'I SGRUB THABS, ,RJE BTZUN KA MA LA SH'I LAS MDZAD PA RDZOGS SO,,