, ,RGYA GAR SKAD DU, ,TZITTA GU HYA PRA D'I PAm N'A MA, BOD SKAD DU, GSANG BA THUGS KYI SGRON MA ZHES BYA BA, 'JAM DPAL SMRA BA'I SENG GE LA PHYAG 'TSAL LO, ,DAM PA LNGA BCU RTZA LNGA YIS, ,ZHABS KYI PADMAR RAB BTUD NAS, ,SDUG BSNGAL ZHI BAR BYA BA'I PHYIR, ,KHYAD PAR LNGA YIS GDAMS PA BSTAN, ,KYE MA RNAM SHES RLUNG GIS 'KHRUGS, ,RLUNG NI LAS SU RUNG BA DANG, ,GTUM MO RLUNG GIS SBAR BAR BYA, ,'DU BA'I NAD KYANG RLUNG GIS BCOS, ,'BYUNG BA RO NI MNYAM PA DANG, ,BRTUL ZHUGS SPYOD PAS BAR CHOD SEL, ,'TSO BA'I BCUD NI LEN PA DANG, ,AE WAm BDE BA'I RLUNG GIS BSKYED, ,RTEN 'BREL SHES PA 'CHAR BA DANG, ,RDO RJE RKANG MGYOGS GRUB PAR 'GYUR, ,DH'U T'IR TSUD DE PHYAG RGYA CHE, ,'DAB LDAN PADMA GE SAR DBUS, ,RTZA DANG RLUNG DANG BYANG CHUB SEMS, , STONG PHRAG BDUN CU RTZA GNYIS NI, ,CHAGS DANG 'BRI BA BCU GNYIS BRGYA, ,LA LA RA SA DH'U T'AR BSDU, ,RLUNG DANG BYANG CHUB SEMS KYANG DE, ,'KHOR LO BZHI LA SROG SHING TSUL, ,MI 'DRA SBAR BAS HAm LAS 'DZAG, ,BCU DRUG PHYED PHYED THIG LE NI, ,DKYIL DANG BZLOG DANG DGRAM ZHING
BSTIM, ,DGA' BZHI'I KHYAD PAR PHYAG RGYA CHE, ,SKYE BA DANG NI 'GAG PA'O, ,SHES PA KHO NA 'BA' ZHIG YIN, ,SEMS NI KUN GYI SA BON TE, ,RANG SEMS RTOGS NAS SANGS RGYAS LA, ,BDE BA GZHAN DU MI BTZAL LO, ,SEMS NYID LAS SU RUNG BA DANG, ,RNAM PAR MI RTOG YANG DAG DON, ,GNYIS MED GNYIS SU MED PA LAS, ,GNYIS SU BYAR MED SPROS BRAL MKHA', ,SRID DANG MYA NGAN 'DAS LAS GROL, ,DON GYIS DBU MA PHYAG RGYA CHE, ,SNYING PO'I DON LA SA MA YENGS PAR, ,GNYUG MA'I YID NI GCIG TU GTAD, ,RNAL MA'I DON LA RAB GNAS NAS, YID LA MI DMIGS BDE BA CHE, ,LHAN CIG SKYES PA BDUD RTZI'I RO, ,MTSON DU YOD PA MA YIN TE, ,STON KA'I ZLA LTAR DRI MED 'OD, ,BDE GSAL STONG PA'I YE SHES CAN, ,RANG LA SPRAS PA MIG LTAR DBYE, ,BDE BA CHE LAS GZHAN MED PAS, ,PHYAG RGYA'I MCHOG DE PHYAG RGYA CHE, ,SDUG BSNGAL ZHI BAR BYA BA DANG, ,LUS SEMS 'PHYAN DU GZHUG PA DANG, ,'BRAS BU BLO YIS MA GRUB PA, ,SHES RGYUD NAM MKHAR 'PHANG BA DANG, ,DMIGS PA SNA TSOGS BSGYUR SHES SO, ,CHOS DANG CHOS MIN SEL BA DANG, ,RIG PA DANGS SNYIGS DBYE BA DANG, , RNAM SHES RLUNG YANG BSTIM PA'O, ,SGYU LUS 'OD GSAL BSRE BAR BYA, ,BAG CHAGS SBUBS SU GROL BA DANG, ,PHYAG RGYA CHEN PO DUS 'DIR THOB, ,DES NA RNAL 'BYOR BRTZON PAR BYA, ,SDUG BSNGAL ZHI BAR BYED PA GSANG BA THUGS KYI SGRON MA ZHES BYA BA, ,RNAL 'BYOR GYI DBANG PHYUG CHEN BO KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO DZNY'A NA GU HYA DANG, BOD KYI LO TZ'A BA LO BTZUN CHUNG GIS BRGYUR BA'O,,