RNAL 'BYOR LAM GYI SGRON MA ZHES BYA BA (Yoga Patha Pradīpa (Nāma))

, ,RGYA GANG SKAD DU, P'A DA YO GA PRA D'I PAm NA MA, BOD SKAD DU, RNAL 'BYOR LAM GYI SGRON MA ZHES BYA BA, 'JAM DPAL SMRA BA'I SENG GE LA PHYAG 'TSAL LO, ,RNAL 'BYOR LAM GYI SGRON MA 'DI, ,BSTAN PA SLOG PA'I LAM MI 'JUG ,SDUG BSNGAL THAMS CAD ZHI MDZAD PA, ,DAM PA SKYES MCHOG DE LA 'DUD, ,A'A LI K'A LI'I SGRA DON RTOGS, ,SDE SNOD GSUM GYI DON YANG SHES, ,BDAG DANG SKYE 'GRO'I SEMS CAN RNAMS, ,YE NAS SKYE MED 'OD GSAL YANG, ,MA RIG PA YI RLUNG GIS 'KHRUL, ,'KHOR BA'I SDUG BSNGAL NYAMS SU MYONG, ,DE LAS GROL BAR BYED PA'I PHYIR, ,RNAL 'BYOR LAM PAS 'DI LTAR BYA, ,SDIG PA'I LAS RNAMS RAB SPANGS TE, ,DGE BA'I CHOS LA BRTZON PAR BYA, ,BKA' LA SOM NYI MI ZA ZHING, ,RTAG TU SKYABS 'GRO MA NYAMS BYA, ,BYAMS PA'I SEMS DANG RAB LDAN ZHING, ,'GRO LA SNYING RJE CI NUS BYA, ,'DOD YON DNGOS PO MI RTAG PAS, ,GZUNG 'DZIN CHAGS SEMS RNAM PAR SPANGS, ,GZHAN LA SMAD PAR MI BYA ZHING, ,'GRO BA'I BLA MA SPYI BOR BKUR, ,LOG PA'I LAM DU MI 'JUG CING, ,MTHU DANG NGAN SNGAGS SPEL MI BYA, ,LONGS SPYOD 'DU 'DZIN RNAM SPANGS TE, ,GCIG PU NAGS SU 'DUG LA BSGOM, ,'JIG RTEN 'CHAL TSIG MI BRJOD PAR, ,SANGS DANG SNYING PO MDO YANG BRJOD, ,YANG NA LKUGS PA'I TSUL DU BSDAD, ,RANG BYUNG DRI MA MED PA'I BRDA, ,LUS LA GRU YI BLO BZHAG LA, ,BCU LEN GYIS NI ZUNGS KYANG BSKYED, ,GTUM

, ,MO YIS NI RO BSNYAMS TE, ,'BYUNG BA BSNYAMS ZHING NAD RNAMS DBYUNG, ,GNOD SBYIN BAR CHAD BYED PA LA, ,BRTUL ZHUGS GDAMS PA'I SPYAN PA BYA, ,MI NGAL GSUM DANG 'DU BA GSUM, ,'KHOR LO GSUM DANG RTZA BA GSUM, ,'BAR BA GSUM DANG CHUD MI ZA, , THIM PA GSUM DANG RGYAS GDAB BO, ,MDOR NA THAMS CAD SEMS YIN TE, ,SEMS LAS MA GTOGS CHOS GZHAN MED, ,SEMS SU 'DZIN PA 'KHRUL PA'I BLO, ,BLO LAS GROL NA GNYIS SU MED, ,GNYUG MA'I NGANG LAS MA YENGS PAR, ,DNGOS POR SNANG BA SGYU MAR BLTA, ,SGYU MA BRDZUN PA RMI LAM TSUL, ,RMI LAM TSUL SOGS RAB SHES NAS, ,DPE BRGYAD BZHIN DU SHES PAR BYA, ,RNAL MA'I CHOS LA RAB GNAS NA, ,GANG LTAR SPYAD KYANG BDE BA THOB, ,DES NA RNAL 'BYOR BRTZON PAR BYA, ,SDUG BSNGAL ZHI BAR BYED PA RNAL 'BYOR LAM GYI SGRON MA ZHES BYA BA RJE BTZUN KA MA LA SH'I LAS MDZAD PA RDZOGS SO,,