, ,RGYA GAR SKAD DU, BH'A WA NA KRA MA shA tA N'A MA, BOD SKAD DU, BSGOM RIM DRUG PA ZHES BYA BA, BLA MA DAM PA RNAMS LA PHYAG 'TSAL LO, ,DANG PO THUGS BRTZE BLA MA STE, ,BLA MA'I MTSAN NYID BRTAG PAR BYA, ,RJES SU BZUNG BA SLOB MA STE, ,BLA MAS KYANG NI DE BZHIN BTAGS, ,MTSAN NYID KUN LDAN BLA MA LA, ,SGO GSUM GUS DANG DNGOS PO YIS, ,ZHEN PA MED PAR MCHOD BYAS LA, ,KHYIM PA'I GNAS SAM DUR KHROD DAM, ,SHING GCIG CI BDE'I SA PHYOGS SU, ,CHO GA'I RIM PA BRTZAM BYA ZHING, ,'JAM PA'I STAN LA 'KHRUL 'KHOR BCAS, ,BAR CHOD BSAL PHYIR GO CHA BGO, ,TSOGS CHEN RNAM GNYIS BSAGS PA'I PHYIR, ,BLA MA
SPYI BOR RJES DRAN BYA, ,DBANG PO GNYIS KYI BYE BRAG GIS, ,DANG PO LTA BA THAG BCAD DE, ,TING 'DZIN NGO BO BRTAG PAR BYA, ,RTOGS THOB DUS MNYAM BYUNG MA BYUNG, ,RANG DANG BLA MA'I NYAMS LAS SHES, ,PHYI ROL SPYOD PA DE BZHIN SHES, ,MA BYUNG RIGS PA NYAMS SU BLANGS, ,RO SNYOMS BZHI LA RIM GYIS BSLAB, ,YANG NA LUS NGAG YID GSUM SBYANGS, ,THA MA 'GRO SAR GTANG BAR BYA, ,GAL TE DUS MNYAM BYUNG BA NA, ,GZHI DANG LAM DANG 'BRAS BU GSUM, ,BRDA YIS PHYE LA DON DU DRIL, ,GZHI GTAN LA 'BEBS PA'I CHOS DRUG DANG, ,GZHI SMIN PAR BYA BA'I CHOS GSUM DANG, ,GZHI 'GROL BAR BYED PA'I CHOS GSUM STE, ,GZHI LA BRDA CHOS BCU GNYIS BSTAN, ,LAM LA NYE DANG RING BA DANG, ,NYE RING MED PA'I LAM DANG GSUM, ,RE RE LA YANG LNGA LNGAR BRTAG ,LNGA GSUM BCO LNGA LAM GYI CHOS, ,'BRAS BU'I MTSAN NYID BSTAN PA YANG, ,SKU BZHI RGYUN CHAD MED PA LA, ,NGO BO BSAM BRJOD BRAL BA STE, ,GDAGS BYA SNA TSOGS MI 'GAG STE, ,YID BZHIN NOR BU BUM PA BZANG, ,DPAG BSAM SHING CHEN LTA BU'O, ,BSGOM RIM DRUG PA ZHES BYA BA, SANGS RGYAS GNYIS PA LTAR GRAGS PA'I BADZRA P'A nI SA MDZAD PA RDZOGS SO,, ,, LO TZ'A BA NAG TSOS BSGYUR BA'O,,