, ,RGYA GAR SKAD DU, SARBA S'A RA SA MUTZTSA YA PRA KA RA nA, BOD SKAD DU, SNYING PO KUN LAS BTUS PA'I RAB TU BYED PA, BLA MA DANG SANGS RGYAS LA PHYAG 'TSAL LO, ,GANG DE DGA' BA'I RANG BZHIN GYIS, ,SNYING LA BDE BYED NYAMS MYONG BA, ,DE YANG KUN DU RTOG PA TZAM, , 'DOD CHAGS BRAL BA'I DNGOS PO GANG, ,DE NI GCIG TU SRID RGYU'I MCHOG ,GANG ZHIG YID KYIS SKYES PA YI, ,RNAM PAR RTOG PA GANG DAG KYANG, ,DE NYID RANG BZHIN YIN PHYIR TE, ,SNANG ZHING RGYU BA 'DI DAG LAS, ,MYA NGAN 'DAS PA GZHAN DU NI, ,YOD MIN YUL NI TZAL YANG, ,RNAM PAR MI RTOG BDAG NYID SEMS, ,RNAM RTOG SPANGS PA DE BZHIN TE, ,MYA NGAN 'DAS PA ZHES BRTAG GO, ,GNYIS MED MYA NGAN 'DAS PA MIN, ,'KHOR
, ,BA'ANG MA YIN PA KHO NA, ,SO SOR 'GEGS CHO GA GANG YIN DANG, ,SO SOR 'GAG BYAR 'GEGS PA YI, ,GSUM GYI DNGOS PO'ANG MED PAS NA, ,GANG GIS GANG ZHIG JI LTAR 'GRUB, ,YUL NI DNGOS MED GNYIS YIN NO, ,SO SOR 'GEGS PA'I BYE BRAG CI, , NAM MKHA'I ME TOG LA SOGS PAS, ,CIR YANG MTHONG ZHING RGYAS PA BZHIN, ,SKYE BA MED PA'I RANG BZHIN GYIS, ,BDEN PA'I DNGOS PO SBYIN SNANG BA, ,RNAM RTOG STOBS LAS BSAL BA LA, ,BUS PA'I 'BRAS BU NGO MTSAR CHE, ,JI LTAR BUS PA BKRES PA DAG ,SOR MO RANG GI KHAR BCUG NAS, ,NU ZHO 'BAB PA LTA BU NI, ,MCHIL MA 'THUNGS PAS DU BA MED, ,DE LTA BAS NA 'BRAS RMONGS PAS, ,MYA NGAN 'DAS LA SOGS PAR BYED, ,BDE BA THOB PAR 'DOD PA YI, ,SO SO'I SKYE BO DE NYID DMAN, ,'GRO RNAMS DE LTAR SDUG BSNGAL BAS, ,THOB PAR GYUR PA MI MNYAM STE, ,DRUD PA LAS BYUNG ME YIS NI, ,'OD MA TSIG GYUR JI BZHIN NO, ,CHAGS DANG CHAGS BRAL ZHES BYA BA, ,RNAM PAR SPANGS NAS MNYAM GZHAG NA, ,SDUG BSNGAL MED CING BDE BA MED, ,DE NYID MTHONG BAR SOM NYI MED, ,SNYING PO KUN LAS BTUS PA'I RAB TU BYED PA, SLOB DPON CHEN PO SHR'I A'A NANDA BADZRA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO BADZRA P'A nI DANG, BOD KYI LO TZ'A BA RMA BAN CHOS 'BAR GYIS BSGYUR BA'O,,