, ,RGYA GAR SKAD DU, PANYTZA G'A TH'A N'A MA, BOD SKAD DU, TSIGS SU BCAD PA LNGA PA ZHES BYA BA, DPAL HE RU KA LA PHYAG 'TSAL LO, ,CHU ZAD PAS NI 'DAM GYI PADMA SKAMS, ,SBRANG RTZI BROS PAS GAR SONG CHA YANG MED, ,RTZA BA LO MA SDONG PO ME YI SBYOR BAS ZAD, ,NAG PO NA RE DBANG PO'I BZHAD GAD LA NI LTOS, ,ZA ZHING 'THUNG DANG GNAS NAS YAL GA BCAG NAS SONG, ,KYE HO 'DI NI BDAG GI LAS NI GTUM MO LTA BU YIN, ,RGYUN GYI BA MO
, ,LTA BUS PADMA BSREGS, ,YON TAN BRGYA NI SKYON GCIG GIS NI ZAD PAR BYAS, ,RGYA MTSO ZAD PAS PADMA RNAMS KYANG SKAMS, ,DE TSE SGO BCU LAS NI DU BA BYUNG, ,'JIG RTEN PA NI NAG PO MED CES ZER, ,NAG PO THEG CHEN ZAB MO'I NAGS NA GNAS, ,SEMS NI STONG ZHING GNYUG MA'I NGANG DU RDZOGS, ,PHUNG PO BZHAD GAD GYUR KYANG 'GYOD PA MED, ,'O MA'I NANG NA MAR YOD PA NI MI MTHONG BZHIN, ,'DOD PA YOD DE 'JIG RTEN PAS NI MA MTHONG NGO, ,'JIG RTEN 'TSO BA 'AM NI 'CHI BA GANG YANG MED, , 'DI LTA'I LONGS SPYOD NAG PO RNAL 'BYOR PA, ,PADMA BZHIN DU LUS CHA SKAMS GYUR KYANG, ,NAG PO CI YI PHYIR NA SHI ZHES BYA, ,BRTUL ZHUGS SPYOD PA'I SLOB DPON CHEN PO NAG POS MDZAD PA'I TSIGS SU BCAD PA LNGA PA RDZOGS SO,, ,,RNAL 'BYOR GYI DBANG PHYUG SHR'I BEE RO TZA NA BADZRA SA BSGYUR BA'O,,