, ,RGYA GAR SKAD DU, NIR BI KALPA PRA KA RA nA, BOD SKAD DU, RNAM PAR MI RTOG PA'I RAB TU BYED PA, BLA MA DANG SANGS RGYAS LA PHYAG 'TSAL LO, ,RNAM PAR RTOG PA GANG GANG GIS; ,DNGOS PO GANG DANG GANG BRTAGS PA, ,YONGS SU BRTAGS PA 'DI NYID DANG, ,RANG BZHIN YOD MIN PA KHO NA, ,SLOB DPON KLU SGRUB ZHAL SNGA YI, ,LAM LAS PHYI ROL SONG GYUR CING, ,LEGS PAR MNGON PA'I THABS MED PA'I, ,KUN RDZOB DE NYID BDEN PA LAS, ,NYAMS PAS THAR PA'I DNGOS GRUB NI, ,YOD PA MA YIN DE DAG NYAMS, ,GANG ZHIG LAS LAS BYUNG BA YI, ,RNAM PAR RTOG PA GANG CI'ANG RUNG, ,DE DAG SPANGS PA'I RANG BZHIN LAS, ,MYA NGAN 'DAS PA GZHAN NA NI, ,YOD MIN YUL NI GANG DU YANG, ,RNAM PAR MI SEMS BDAG NYID DO, ,GANG YANG DGA' BA'I RANG BZHIN GYIS, ,SEMS LA BDE BA 'BYUNG GYUR CING, ,NYAMS SU MYONG BA'I SAR PHYIN PA, ,DE YANG KUN DU RTOG PA TZAM, ,GANG DE 'DOD CHAGS BRAL BA YI, ,
RANG GI NGO BO DE DAG DANG, ,GNYIS PO GANG YIN PA DE NI, ,SRID PA'I RGYU YI MCHOG YIN NO, ,DNGOS PO DNGOS PO LAS MI SKYE, ,DNGOS PO DNGOS MED LAS KYANG MIN, ,DNGOS PO SKYE BA RTAG TU SPANGS, ,DNGOS 'KHRUL NAM MKHA'I ME TOG BZHIN, , MKHA' DANG MNYAM PA'I CHOS RNAMS KUN, ,SKYE BA MKHA' DANG MNYAM PA NYID, ,RKYEN NI MKHA' DANG MNYAM KUN NGES, ,SRID PAR GYUR PA BDEN PA YIN, ,RGYU MED 'BRAS BU MED GYUR CING, ,LAS KYI RANG BZHIN YOD MA YIN, ,'JIG RTEN PA MED 'JIG RTEN MED, ,MI BRTAN PAR GYUR CHOS 'DI KUN, ,MA SKYES PAS NI DNGOS PO GANG, ,JI LTAR GZHAN LAS SHES PAR GYUR, ,MO GSHAM BU YI BZHIN YANG NI, ,DE LTAR SHES PAR MI NUS SO, ,'JIG RTEN GZOD NAS MA SKYES TE, ,GANG GIS KYANG NI SPRUL PA MED, ,DON MED 'KHRUL PA'I 'JIG RTEN 'DI, ,DRI ZA'I GRONG KHYER JI BZHIN NO, ,RNAM RTOG LAS GANG 'JIG RTEN 'BYUNG, ,RNAM RTOG SEMS LAS BYUNG BA STE, ,GANG PHYIR LUS LAS SEMS BYUNG BAS, ,DE PHYIR LUS LA RNAM PAR BRTAG ,GZUGS STONG TSOR BA RANG BZHIN MED, ,'DU SHES MED CING 'DU BYED KYIS, ,DNGOS PO YOD PA MA YIN TE, ,RANG RIG GSAL BA'I BDAG NYID DO, ,DE LA SHES DANG SHES BYA MED, ,SEMS DANG SEMS LAS BYUNG BA MED, ,'BYUNG BA MED DE DE YI PHYIR, ,RNAM PAR MI RTOG RANG BZHIN NO, ,DE NI SEMS MIN LUS KYANG MIN, ,KHAMS RNAMS MA YIN CHOS KYANG MIN, ,GNYIS SU MED PA'I LAM MCHOG 'DI, ,DE NYID RIG PA RNAMS KYIS GSUNGS, ,DMIGS PA MED PA'I CHOS 'DI KUN,, DMIGS PA MED LAS RAB TU GROL, ,DMIGS MED BLO YI DANG BYAS NA, ,DMIGS PA MED PAR 'GYUR BA YIN, ,RNAM PAR MI RTOG PA'I RAB TU BYED PA SLOB DPON CHEN PO A'ARYA DE WA'I ZHAL SNGA NAS MDZAD PA RDZOGS SO,, ,,PAndI TA CHEN PO MA H'A
, ,K'A RU nA DANG, BOD KYI LO TZ'A BA RMA BA NA CHOS 'BAR GYIS BSGYUR BA'O,,