DNGOS PO SPYOD PA ZHES BYA BA (Bhāva Saṃcara (Nāma))

, ,RGYA GAR SKAD DU, ,BHA BA SANYTZAR N'A MA, BOD SKAD DU, DNGOS PO SBYONG BA ZHES BYA BA, ,SANGS RGYAS LA PHYAG 'TSAL LO, ,DNGOS PO MED LA DNGOS POR SHIS, ,DNGOS MED SKYE BA YOD MA YIN, ,RTAG TU SKYE BA DNGOS PO NYID, ,DNGOS 'KHRUL NAM MKHA'I ME TOG BZHIN, ,MKHA' DANG MNYAM PA'I CHOS RNAMS NI, ,SKYE BA MKHA' DANG MNYAM NYID MCHOG ,THAMS CAD RANG BZHIN GYIS MKHA' MNYAM, ,DES NA SRID BA DAM PA'I DNGOS, ,RGYU MED 'BRAS BU MED PA STE, ,LAS KYI RANG BZHIN YOD MA YIN, ,'JIG RTEN PA MED 'JIG RTEN MED, ,'DI DAG THAMS CAD BDEN MA YIN, ,MA SKYES PAS NI DNGOS PO GANG, ,JI LTAR GZHAN LAS SHES BAR 'GYUR, ,MO GSHAM GYI NI BU NYID KYANG, ,DE TSE SKYE BAR 'GYUR MA YIN, ,'JIG RTEN GZOD NAS MA SKYES TE, ,GANG GIS KYANG NI SPRUL MA YIN, ,DON MED 'KHRUL PA'I 'JIG RTEN 'DI, ,ZLA BA BZANG PO'I GRONG KHYER BZHIN, ,'JIG RTEN RNAM PAR RTOG LAS 'BYUNG, ,RNAM RTOG SEMS LAS BYUNG BA STE, ,GANG PHYIR LUS LAS SEMS BYUNG BAS, ,DE PHYIR LUS LA RNAM PAR BRTAG ,GZUGS STONG TSOR BA RANG BZHIN MED, ,'DU SHES MED CING 'DU BYED MED, ,SEMS BYUNG MED CING DNGOS PO MED, ,DE PHYIR MI RTOG RANG BZHIN NO, ,DES NA SEMS MIN CHOS KYANG MIN, ,LUS MIN KHAMS LA SOGS PA MIN, ,GNYIS SU MED PA'I LAM 'DI NI, ,DE NYID RIG PA RNAMS KYIS GSUNGS, ,DMIGS PA MED PA'I CHOS 'DI KUN, ,DMIGS PA MED PAR RAB TU BSTAN, ,DMIGS PA MED PA'I BLO BYAS NA, ,DMIGS PA MED PAR 'GYUR BA YIN, ,SBYIN DANG TSUL KHRIMS BZOD BRTZON 'GRUS, ,BSAM GTAN LAS BYUNG BSTEN PAR BYA, ,DUS MI RING BA NYID NA NI, ,BLA MED BYANG CHUB THOB PAR 'GYUR, ,SHES RAB THABS LA GNAS GYUR PAS, ,SEMS CAN KUN LA BRTZE BAR BYA, ,

, ,THAMS CAD MKHYEN PA'I GO 'PHANG MCHOG ,LHA NYID DUS MI RING BAR 'THOB, ,'DI DAG THAMS CAD MING TZAM STE, ,THA SNYAD TZAM DU RAB TU 'JUG ,DNGOS PO MED LA THA DAD PA'I, ,BRJOD BYA YOD PA MA YIN TE, ,BDAG NYID GANG DANG GANG GIS NI, ,CHOS RNAMS GANG DANG GANG BRTAGS PA, ,DE NI DE LA YOD MIN TE, ,CHOS RNAMS KYI NI CHOS NYID DE, ,MING GIS MING NYID STONG PAS NA, ,MING LA MING NI YOD MA YIN, ,CHOS RNAMS THAMS CAD MING MED PAS, ,MING NI BTAGS PA TZAM NYID DO, , MI BDEN PAR GYUR CHOS 'DI DAG ,BRTAGS PA NYID DU RAB TU 'JUG ,GANG LA BRTAGS PA DE MED NA, ,STONG PA NYID DU BRTAGS PA GANG, ,MIG GIS MTHONG BA'I GZUGS RNAMS NI, ,DE NYID RIG PA ZHES DE BSHAD, ,'JIG RTEN LOG PA'I NGA RGYAL CAN, ,KUN RDZOB BDEN PA ZHES 'DIR 'JOG ,GANG DU TSOGS PA'I RKYEN MTHONG BA, ,'DREN PA GSAL BAR GYUR PA YIN, ,BLO DANG LDAN PAS DON DAM LA, ,BRTAGS TE GRAGS PA NGES PAR MTHONG, ,GZUGS NI MIG GIS MI MTHONG ZHING, ,YID KYIS CHOS RNAMS MI RIG PA; ;'DI NI MCHOG TU BDEN PA STE, ,'JIG RTEN GANG GIS KYANG MI SHES, ,DNGOS PO SBYONG BA ZHES BYA BA SLOB DPON CHEN PO 'PHAGS PA KLU SGRUB KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO BADZRA P'A nI DANG, ,BOD KYI LO TZ'A BA RMA BAN CHOS 'BAR GYIS BSGYUR CING ZHUS TE GTAN LA PHAB PA'O,,