RGYA GAR SKAD DU; A'ARYA BHE BA SAm KR'ANTI N'A MA MA H'A Y'A NA S'U TRA, BOD SKAD DU, 'PHAGS PA SRID PA 'PHO BA ZHES BYA BA THEG PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA 'OD MA'I TSAL BYA GA [?] LANTA KA GNAS PA NA DGE SLONG STONG NYIS BRGYA LNGA
BCU'I DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO RAB TU MANG PO DANG THABS CIG TU BZHUGS TE, DE NAS BCOM LDAN 'DAS 'KHOR BRGYA STONG DU MAS YONGS SU BSKOR CING MDUN GYIS BLTAS NAS CHOS STON TO, ,TSANGS PAR SPYOD PA, THOG MAR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA YANG DAG PAR STON TO, ,DE'I TSE YUL MA GA DHA'I RGYAL PO BZO SBYANGS GZUGS CAN SNYING PO RGYAL PO'I KHA BA KYI GRONG KHYER CHEN PO NAS BYUNG STE, RGYAL PO'I 'BYOR PA CHEN PO DANG, RGYAL PO'I MTHU CHEN POS PHYIR 'OD MA'I TSAL GA LA BA DANG, BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE LAN GSUM BSKOR BA BYAS NAS PHYOGS GCIG TU 'DUG GO ,PHYOGS GCIG TU 'DUG NAS YUL MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI LTAR NA, LAS BGYIS SHING BSAGS PA 'GAGS NAS YUN RING DU 'GAGS PA 'GUM PA'I DUS KYI TSE NYE BAR GNAS SHING YID LA MNGON DU 'GYUR LAGS, 'DU BYED THAMS CAD STONG PA LA JI LTAR LAS RNAMS CHAB MI 'TSAL BAR GDA', DE SKAD CES GSOL PA DANG, BCOM
, ,LDAN 'DAS KYIS YUL MA GA DHA'I RGYAL PO BZO SBYANGS GZUGS CAN SNYING PO LA 'DI SKAD CES BKA' STZAL TO, ,RGYAL PO CHEN PO, 'DI LTA STE, DPER NA, MI ZHIG NYAL BA'I RMI LAM NA YUL GYI BUD MED BZANG MO DANG LHAN CIG TU YONGS SU SPYOD PA RMIS LA, DE NYA LA BA LAS SAD NAS YUL GYI BUD MED BZANG MO DE DRAN NA, RGYAL PO CHEN PO, 'DI JI SNYAM DU SEMS, RMI LAM GYI YUL GYI BUD MED BZANG MO DE YOD DAM, GSOL PA, BCOM LDAN 'DAS, DE NI, MA MCHIS LAGS SO, ,BCOM LDAN 'DAS KYIS BKA' STZAL PA; RGYAL PO CHEN PO, 'DI JI SNYAM DU SEMS, 'O NA GANG RMI LAM GYI YUL GYI BUD MED BZANG MO LA MNGON PAR ZHEN PA'I MI DE CI MKHAS PA'I RANG BZHIN CAN YIN NAM ,GSOL PA; BCOM LDAN 'DAS ,DE NI, MA LAGS TE, DE CI'I SLANG DU ZHE NA, BCOM LDAN 'DAS, RMI LAM GYI YUL GYI BUD MED BZANG MO'ANG SHIN TU MA MCHIS SHING MI DMIGS LAGS NA, DE DANG YONGS SU SPYOD PA LTA GA LA MCHIS TE, 'DI LTAR MI DE NI, PHONGS SHING DUB PA'I SKAL PA CAN DU 'GYUR LAGS SO, ,BCOM LDAN 'DAS KYIS BKA' STZAL PA; RGYAL PO CHEN PO, DE BZHIN DU BYIS PA SO SO'I SKYE BO THOS PA DANG MI LDAN PA'ANG MIG GIS GZUGS RNAMS MTHONG NA YID BDE BAR 'GYUR BA'I GZUGS RNAMS LA MNGON PAR
ZHEN TE; MNGON PAR ZHEN PAR GYUR NAS RJES SU CHAGS PAR 'GYUR RO, ,RJES SU CHAGS NAS KUN TU CHAGS PAR 'GYUR RO, ,KUN TU CHAGS NAS 'DOD CHAGS LAS BYUNG BA DANG, ZHE SDANG LAS BYUNG BA DANG, GTI MUG LAS BYUNG BA'I LAS LUS DANG, NGAG DANG, YID KYIS MNGON PAR 'DU BYED DE, LAS DE MNGON PAR 'DUS BYAS PAR GYUR NAS 'GAG GO ,'GAG PA NA SHAR PHYOGS SU BRTEN TE GNAS PA MA YIN, LHO PHYOGS SU MA YIN, NUB PHYOGS SU MA YIN, BYANG PHYOGS SU MA YIN, STENG DU MA YIN, 'OG TU MA YIN, PHYOGS MTSAMS RNAMS SU BRTEN TE GNAS PA MA YIN NO, ,DUS GZHAN JI TZAM ZHIG NA 'CHI BA'I DUS DANG TSOD NYE BAR GNAS PA'I TSE DE DANG SKAL PA 'DRA BA'I LAS ZAD NAS RNAM PAR SHES PA THA MA 'GAG PA'I TSE 'DI LTA STE, DPER NA, NYAL NYAL BA LAS SAD PA'I MI'I YUL GYI BUD MED BZANG MO LTA BUR LAS DE YID LA MNGON DU 'GYUR RO, ,RGYAL PO CHEN PO, DE LTAR RNAM PAR SHES PA THA MA 'GAG CING SKYE BA'I CHAR GTOGS PA'I RNAM PAR SHES PA DANG, PO YANG NA NI, LHA'I NANG DU, YANG NA NI, MI'I NANG DU, YANG NA NI, LHA MA YIN GYI NANG DU, YANG NA NI, SEMS CAN DMYAL BA'I RNAMS SU, YANG NA NI, DUD 'GRO RNAMS SU, YANG NA NI, YI DVAGS RNAMS SU 'BYUNG BAR 'GYUR RO, ,RGYAL PO CHEN PO, RNAM PAR SHES PA DANG BO DE 'GAGS MA
, ,THAG TU GANG LA RNAM PAR SMIN PA MYONG BAR 'GYUR BA MNGON PA DE DANG SKAL PA 'DRA BA'I SEMS KYI RGYUD 'BYUNG NGO, ,RGYAL PO CHEN PO, DE LA CHOS GANG YANG 'JIG RTEN 'DI NAS 'JIG RTEN PHA ROL TU 'PHO BA'ANG MED LA 'CHI 'PHO DANG SKYE BAR MNGON PA'ANG YOD DE, RGYAL PO CHEN PO, DE LA GANG RNAM PAR SHES PA THA MA 'GAG PA DE NI, 'CHI 'PHO ZHES BYA; GANG RNAM PAR SHES PA DANG PO 'BYUNG BA DE NI, SKYE BA ZHES BYA'O, ,RGYAL PO CHEN PO, RNAM PAR SHES PA THA MA 'GAG PA'I TSE'ANG GANG DU'ANG MI 'GRO ,RNAM PAR SHES PA DANG PO SKYE BA'I CHAR GTOGS PA 'BYUNG BA'I TSE'ANG GANG NAS KYANG MI 'ONG NGO, ,DE CI'I PHYIR ZHE NA, NGO BO NYID DANG BRAL BA'I PHYIR RO, ,RGYAL PO CHEN PO, DE LA RNAM PAR SHES PA THA MA NI, RNAM PAR SHES PA THA MAS STONG, 'CHI 'PHO NI, 'CHI 'PHOS STONG, LAS NI, LAS KYIS STONG, RNAM PAR SHES PA DANG PO NI, RNAM PAR SHES PA DANG POS STONG, SKYE BA NI, SKYE BAS STONG LA, LAS RNAMS CHUD MI ZA BAR MNGON PA'ANG YOD DO, ,RGYAL PO CHEN PO, RNAM PAR SHES PA DANG PO'I SKYE BA'I CHAR GTOGS PA 'GAGS MA THAG TU BAR MA CHAD PAR GANG LA RNAM PAR SMIN PA MYONG BAR 'GYUR BA MNGON PA'I SEMS KYI RGYUD 'BYUNG NGO, ,BCOM LDAN 'DAS KYIS DE SKAD CES BKA' STZAL TO, ,BDE BAR GSHEGS PAS DE SKAD GSUNGS NAS STON PAS GZHAN YANG 'DI
SKAD CES BKA' STZAL TO, ,'DI DAG THAMS CAD MING TZAM STE, ,'DU SHES TZAM DU GNAS PA YIN, ,BRJOD PA LAS NI GZHAN GYUR PA, ,BRJOD PAR BYA BA YOD MA YIN, ,MING NI GANG DANG GANG GIS SU; ;CHOS RNAMS GANG DANG GANG BRJOD PA, ,DE LA DE NI YOD MA YIN, ,'DI NI CHOS RNAMS CHOS NYID DO, ,MING GIS MING NYID STONG PA STE, ,MING NI MING GIS YOD MA YIN, ,MING MED PA YI CHOS RNAMS KUN, ,MING GIS YONGS SU BRJOD PAR BYAS, ,CHOS RNAMS 'DI DAG YOD MIN TE, ,RTOG PA LAS NI KUN TU 'BYUNG, ,GANG GIS STONG PAR RNAM RTOG PA, ,RTOG PA DE'ANG 'DI NA MED, MIG GIS GZUGS NI MTHONG NGO ZHES, ,YANG DAG GZIGS PAS GANG GSUNGS PA, ,'JIG RTEN LOG PA'I NGANG CAN LA, ,KUN RDZOB BDEN PAR DE GSUNGS SO, ,TSOGS NAS MTHONG ZHES GANG DAG TU; ;'DREN PAS RAB TU BSTAN MDZAD PA, ,DE NI DON DAM GDAGS PA'I SA, ,BLO DANG LDAN PAS BKA' STZAL TO, ,MIG GIS GZUGS RNAMS MI MTHONG ZHING, ,YID KYIS CHOS RNAMS MI RIG PA; ;DE NI BDEN PA MCHOG YIN TE, ,DE LA 'JIG RTEN MI DPOG GO ,BCOM LDAN 'DAS KYIS DE SKAD CES BKA' STZAL NAS YUL MA GA DHA'I RGYAL PO BZO SBYANGS GZUGS CAN SNYING PO DANG, BYANG CHUB SEMS DPA' DE DAG DANG, DGE SLONG DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON
, ,BSTOD DO, ,'PHAGS PA SRID PA 'PHO BA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LO TZ'A BA BANDHE YE SHES SDES BSGYUR CING ZHUS TE, SKAD GSAR BCAD KYIS KYANG BCOS NAS GTAN LA PHAB PA,