RGYA GAR SKAD DU, A'ARYA TRI SHRA RA nA GA MA NA N'A MA MA H'A Y'A NA S'U TRA, BOD SKAD DU, 'PHAGS PA GSUM LA SKYABS SU 'GRO BA ZHES BYA BA THEG PA CHEN PO'I MDO, DKON MCHOG GSUM LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RLA BA NA, DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG THABS CIG TU BZHUGS SO,,
DE NAS DE'I TSE TSE DANG LDAN PA SH'A RA DVA TI'I BU GCIG PU DBEN PAR 'DUG PA DANG, SEMS KYIS SEMS KYI YONGS SU RTOG PA 'DI LTA BU SKYES SO, ,STON PA NI, BDAG GI MNGON SUM DU GYUR NA, BDE BAR GSHEGS PA CHOS KYI RJE'I SPYAN SNGAR BDAG SONG LA RIGS KYI BU'AM, RIGS KYI BU MO DAD PA DANG LDAN PA GANG LA LA SANGS RGYAS DANG, CHOS DANG, DGE SLONG GI DGE 'DUN LA SKYABS SU SONG BA'I GANG ZAG DE'I BSOD NAMS JI SNYED CIG ,GSOG PAR 'GYUR BA'I DON DE ZHU BAR BYA'O SNYAM DU SEMS SO, ,DE NAS TSE DANG LDAN PA SH'A RI'I BU PHYE MA RED KYI DUS KYI TSE NANG DU YANG DAG PAR 'JOG LAS LANGS TE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BTZUN PA, BDAG GCIG PU DBEN PAR MCHIS TE, NANG DU YANG DAG 'JOG LA MCHIS PA NA SEMS KYIS SEMS KYI YONGS SU RTOG PA 'DI LTA BU SKYES TE, RIGS KYI BU'AM, RIGS KYI BU MO DAD PA DANG LDAN PA GANG LA LA SANGS RGYAS DANG, CHOS DANG, DGE SLONG GI DGE 'DUN LA SKYABS SU MCHIS PA'I GANG ZAG DE'I BSOD NAMS JI SNYED CIG GSOG PAR 'GYUR SNYAM BGYID LAGS SO, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO,,
, ,SH'A RI'I BU, KHYOD SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, SKYE BO'I TSOGS PHAL PO CHE'I DON DANG, LHA DANG MI RNAMS LA PHAN PA DANG, BDE BA'I PHYIR ZHUS PA LEGS SO LEGS SO, ,GANG KHYOD DE BZHIN GSHEGS PA'I SPYAN SNGAR 'ONGS TE DON 'DI YONGS SU ZHU BAR SEMS PA DE NI, SH'A RI'I BU; DON DE NYID RNAM PAR SHES PAR BYA BA'I PHYIR DPES BSTAN PAR BYA STE, SKYES BU GANG ZAG 'GA' ZHIG RDZU 'PHRUL GYI MTHU 'DI LTA BU DANG LDAN PAR GYUR PAS GANG 'DI DZAMBU'I GLING DANG, NYE BA'I GLING ZHENG DANG SRID DU DPAG TSAD BDUN STONG YOD PA'I DZAMBU'I GLING DE NA GANG SROG CHAGS GNAS PA DE DAG 'JIG RTEN GYI KHAMS GZHAN DU BKOD DE, LAG MTHIL LTAR MNYAM PAR BYAS PA RIN PO CHE SNA BDUN LA 'DI LTA STE, GSER DANG, DNGUL DANG, BEEd'URYA DANG, SHEL DANG, MU TIG DMAR PO DANG, RDO'I SNYING PO DANG, SPUG RNAMS LA DZAMBU'I GLING CAM GYI MCHOD RTEN SRID DU TSANGS PA'I 'JIG RTEN GYI BAR LA THUG PAR BRTZIGS TE, MCHOD RTEN DE LA LHA'I SPOS DANG, LHA'I ME TOG DANG, LHA'I PHRENG BA DANG, LHA'I GDUGS DANG RGYAL MTSAN DANG, BA DAN RNAMS KYIS MCHOD PA BYAS LA, DE NAS SKYES BU DE RDZU 'PHRUL GYI MTHU 'DI LTA BU DANG LDAN PAR GYUR PAS GANG RGYA MTSO CHEN PO BZHI'I CHU DE DAG 'JIG RTEN
GYI KHAMS GZHAN DU BYO STE, MA RU KA'I TIL MAR GYIS RGYA MTSO CHEN PO BZHI LTAR BKANG BA'I NANG DU SNYING PO RI RAB TZAM BTZUGS LA, BSKAL PA MANG PO'I MTHA'I JI SRID PAR MAR ME'I RGYUN MI 'CHAD PAR BUS NA, SH'A RI'I BU, DE JI SNYAM DU SEMS, SKYES BU DE GZHI DE LAS BSOD NAMS MANG DU GSOG SNYAM MAM, GSOL PA, BCOM LDAN 'DAS, MANG LAGS SO, ,BDE BAR GSHEGS PA, MANG LAGS SO, ,NYAN THOS DANG, RANG SANGS RGYAS THAMS CAD LAS 'DAS PA LAGS TE, BCOM LDAN 'DAS, 'DI NI, DE BZHIN GSHEGS PA'I YUL LO, , BDE BAR GSHEGS PA, 'DI NI, DE BZHIN GSHEGS PA'I YUL LO, ,BKA' STZAL PA, SH'A RI'I BU, RIGS KYI BU'AM, RIGS KYI BU MO GANG LA LA ZHIG SANGS RGYAS DANG, CHOS DANG, DGE 'DUN LA SKYABS SU SONG BA'I BSOD NAMS KYI PHUNG PO DE LA BSOD NAMS KYI PHUNG PO SNGA MA DES BRGYA'I CHAR YANG NYE BAR MI 'GRO STE, STONG DANG, BRGYA STONG GI CHA DANG, GRANGS DANG, RGYU DANG, BGRANG BAR YANG NYE BAR MI 'GRO'O, ,DE NAS CHOS KYI RNAM GRANGS 'DI BSHAD PA'I TSE STONG GSUM GYI STONG CHEN PO'I 'JIG RTEN GYI KHAMS 'DI G-YOS, RAB TU G-YOS, KUN TU RAB TU G-YOS, 'GUL, RAB TU 'GUL, KUN TU RAB TU 'GUL, LDEG ,RAB TU LDEG GO ,KUN TU RAB TU LDEG GO ,DE'I TSE DER KLOG GI RGYUN CHEN PO BYUNG NGO, ,LHA RNAMS KYIS KYANG RNGA SGRA BSGRAGS
, ,SO; ;DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL PA, KUN DGA' BO, KHYOD KYIS 'DI LTAR CHOS KYI RNAM GRANGS 'DI SGO MTHA' YAS PA SGRUB PA ZHES BYA BAR ZUNGS SHIG ,DE'I DON NI, DE LTAR BLTA BAR BYA STE, DE DE BZHIN DU ZUNGS SHIG ,BCOM LDAN 'DAS KYIS DE SKAD CES BKA' STZAL NAS TSE DANG LDAN PA SH'A RI'I BU DANG, DGE SLONG GZHAN DAG KYANG BCOM LDAN 'DAS KYIS BKA' STZAL PA LA MNGON PAR BSTOD DO, ,'PHAGS PA GSUM LA SKYABS SU 'GRO BA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO SARBA DZNY'A DE BA DANG, ZHU CHEN GYI LO TZ'A BA BANDHE DPAL BRTZEGS KYIS BSGYUR CING ZHUS TE GTAN LA PHAB PA,