, ,RGYA GAR SKAD DU, MA H'A Y'A NA BING SHA TI, ,BOD SKAD DU, ,THEG PA CHEN PO NYI SHU PA, ,SNYING PO'I SKU LA PHYAG 'TSAL LO, ,ZUNG 'JUG GO 'PHANG YANG DAG SON, ,RNAM PA KUN GYI MCHOG LDAN PA, ,MTSAN NYID MED CING 'DUS MA BYAS, ,GNYUG MA'I SKU LA PHYAG
, ,'TSAL LO, ,'DI NI CHOS DANG LONGS SPYOD SBRUL, ,SNYING PO DE YI RANG BZHIN PAS, ,DE LA 'DI MTHONG LDAN PA YIS, ,YANG DAG RDZOGS PA'I BYANG CHUB 'GRUB, ,'DI LA MTHONG BAR GYUR PA YIS, ,SGRO MA BTAGS PAS LHAG PAR MTHONG, ,GSANG SNGAGS THEG PA'I RJES 'BRANGS NAS; ,DE 'DIR DA LTAR BSHAD PAR BYA, ,SNA TSOGS RTOG PA'I GZHUNG NI MED, ,CHAD PAR SEMS PA'ANG MED PA STE, ,RTAG DANG CHAD PA'ANG GNYIS KA MED, ,GNYIS PO MED PAS GNYIS MIN TE, ,MTHA' BZHI RNAM GROL DE NYID NI, ,DE NYID RIG PA MKHAS PAS SHES, ,MTHA' BZHI RNAM PAR DAG PA NYID, ,MTHA' BZHI LA NI RNAM PAR BRTEN, ,NAM MKHA' DANG MNYAM ZHI BA DANG, ,THOG MA DBUS DANG THA MA SPANGS, ,BSAM GYIS MI KHYAB SEMS NYID NI, ,DNGOS PO KUN GYI RANG BZHIN NO, ,'GRO BA RO GCIG PAR RTOGS NA, ,RNYOG PA MED CING 'OD GSAL BA'O, ,KUN DU RTOG PAS 'JIGS MED NA, ,JI LTAR BDE BA KHYOD GNAS BYOS, ,BYANG CHUB NYON MONGS THA DAD MED, ,NYON MONGS BYANG CHUB LAS MI 'BYUNG, ,'KHRUL PAS NYON MONGS RTOGS PA STE, ,'KHRUL PA'I NGO BO DRI MA MED, ,LUS KYI LAS SU SPYOD LAM STE, ,NGAG GI LAS NI CHOS STON TE, ,YID KYI LAS SU YANG DAG 'DZIN, ,RNAM PAR MI RTOG BLO LDAN PA'O, ,'GRO BA SGYU MA SGYU MA 'DI, ,SGYU MAS SGYU MA MI BYA STE, ,SGYU MA RMONGS PAS 'KHRUL PA CHE, ,'KHRUL 'GYUR 'KHRUL PA DAM PA'I LUGS, ,JI LTAR RANG BZHIN RNAM SHES NA, ,SANGS RGYAS LA SOGS BSDUS PA STE, ,KUN NAS KUN DU LONGS SPYOD NA, ,DE NYID RIG PAR RAB TU 'GRUB, ,CHOS KYI PHUNG PO STONG PHRAG GIS, ,RTOG PA ZHES BYA STONG PA NYID, ,RTAG PA 'DI NI DPYAD PAS MIN, ,BLA MAS DPYAD PA MIN PAR 'GYUR, ,SKYES BU RNAM RTOG BRAL BA NI, ,RNAM KUN BDE BA'I DE NYID DO, ,STONG NYID BDE BA'I DE NYID MIN; ,BSAM MI KHYAB MIN BDE BA MIN, ,DES NA SANGS RGYAS SGRO MA BTAGS, ,DE NI DON DAM MTHONG BA MED, ,GANG LA SPYOD PA JI LTAR BDE, ,DE LTA RIG PA MTHONG BA MED, ,GNYIS SU MED PA GNYIS MED MIN, ,BYANG CHUB DAG PA'I MTSAN NYID MED, ,RE BA MED 'DI RNAL 'BYOR CHE, ,
RNAM PA THAMS CAD RTOGS PA'O, ,JI LTAR GSUNGS PA DANG PO'I LAS, ,RNAL 'BYOR KUN GYI BYA BA YIN, ,STONG DANG SNYING RJE DBYER MED PA, ,DE NI SANGS RGYAS YE SHES 'DOD, ,STONG LAS SNYING RJE GZHAN MIN TE, ,SNYING RJE YI NI MING GZHAN YIN, ,BDAG GIS 'DUS BYAS SU MI BRJOD,, BRJOD PA ZUNG DU 'JUG PAR RO, ,BUM PA LA SOGS 'DZIN GANG LA, ,RNAL 'BYOR KUN GYI BSAM GTAN BYA, ,'DIS NI SANGS RGYAS CHEN POR 'GYUR, ,RNAM PA KUN GYI LUS GCIG PA'O, ,'DUS MA BYAS SEMS CHOS YIN TE, ,RTOGS PA'I LONGS SPYOD RDZOGS MTSAN NYID, , SNA TSOGS SEMS NI SBRUL PA'O, ,GNYUG MA KUN GYI RANG BZHIN NO, ,DE LTAR 'DI YIS THOB PA NI, ,BSOD NAMS LDAN PA'I BSOD NAMS KYIS, ,DE NI 'JIG RTEN MA LUS PA, ,SANGS RGYAS BYANG CHUB THOB PAR SHOG ,THEG PA CHEN PO NYI SHU PA SLOB DPON GNYIS MED RDO RJES MDZAD PA RDZOGS SO,, ,,PA RI PA TA PRADZNY'A SHA RA SA MA DHYA NA, RGYA GAR GYI MKHAN PO DE B'A KA RA TZANDRA DANG, BOD KYI LO TZ'A BA DGE SLONG SH'A KYA BRTZON 'GRUS KYIS BSGYUR CING ZHUS TE GTAN LA DBAB PA'O,,