, ,RGYA GAR SKAD DU, DO HA TI N'A MA TA TTVA AU PA DE SHA, BOD SKAD DU, DO HA TI ZHES BYA BA DE KHO NA NYID KYI MAN NGAG ,DPAL HE RU KA LA PHYAG 'TSAL LO, ,THEG PA GSUM NI GNAS PA ZHES BSHAD DE, ,BYE BRAG SMRA BA GNYIS SU SHES PAR BYA, ,NYAN THOS DMAN DANG 'BRING BO NUB PHYOGS PA, ,MCHOG DANG RANG RGYAL DAG NI KHA CHE BA'O, ,PHUNG PO LNGA NI KUN GYI GRUB MTHA' YIN, ,GANG ZAG BRJOD MED NUB PHYOGS PA GNYIS 'DOD, ,THAMS CAD JI SRID 'TSO BAR GSUM SKYABS 'GRO, ,BDAG NYID DUL BA'I SNYING RJE LHAG PAR 'BYUNG, ,THEG PA DMAN PA MI GTZANG BAM PA DE, ,LUS GTZANG BLO DE DRI MAR SHES PAR BYA, ,'BYUNG DANG 'JUG PA 'BRING PO'I SGOM PA STE, ,DE YI DRI MA BUM PAR MNYAM SBYOR YIN, ,RAB KYI SGOM PA BDEN PA BZHI PO STE, ,YAN LAG RGYAS LAM GANG ZAG STONG PA NYID, ,SDUG BSNGAL 'KHOR BA KUN 'BYUNG CHAGS PA STE, ,'GOG PA MYA NGAN 'DAS PA ZAG MED LAM, ,RTAG PA BZHI PA LA DMIGS DRI MA MED, ,RANG GI BSAM MI KHYAB SGOM RANG SANGS RGYAS, ,MNYAM GZHAG 'DI NI DRI MA GNYIS SHES TE, ,MYOS DANG SEMS MED PA RU SHES PAR BYA, ,PHRA BA 'DUS PA MDO SDE PA YI LUGS, ,BSAM MI KHYAB SGOM DRI MA SNGON DANG 'DRA, ,'DI YI LTA BA PHA ROL PHYIN DRUG NYID, ,SNYING
RJE'I STOBS KYIS YONGS SU BSNGO BA'O, ,'GRO BA SEMS TZAM YIN TE RDUL PHRAN MED, ,RNAL 'BYOR SPYOD PA RMI LAM LTA BU STE, ,SNGON PO SER PO LA SOGS SNA TSOGS SNANG, ,GANG ZHIG 'DOD PA THAMS CAD RANG BZHIN TE, ,THAMS CAD RANG GIS RIG PA'I BSAM GTAN NO, ,RTAG PAR LTA BA SGOM PA'I DRI MAR SHES, ,GZHAN YANG SRID PA'I BAG CHAGS 'DOD PA'O, ,RNAM PA THAMS CAD MI MTHUN PHYOGS SU GNAS, ,GNYIS SU MED MNYAM BSAM YAS RNAM PAR DAG ,SNYING RJE'I RANG BZHIN RNAM MED RDZOGS SANGS RGYAS, ,GZUGS KYI SA GNYIS RTZA BA LAS 'PHROS TE, BSAM GTAN LTA BA'I DRI MA SNGON RANG BZHIN, ,MTHA' BZHI SPANGS NAS RANG GI RIG PA TZAM, ,CHU ZLA SGYU MA RMI LAM LTA BU NYID, ,LTA BA 'DI YI BSAM GTAN DE GSUNGS PA'O, ,RANG RIG SPANGS PA'I CHAD PA DRI MA YIN, ,'GRO BA GZHAN NAS GZHAN DU GZHAN THOB 'GYUR, ,RNAM PA THAMS CAD RANG BZHIN DAG PA STE, ,'DI NI DPE MED RAB TU MI GNAS PA'O, ,BSAM GTAN LTA BA'I DRI MA MTHA' DAG RIG ,RNAM PA DE PHYIR PHA ROL PHYIN THEG PA'O, ,BDE BA'I RANG BZHIN NYAMS MYONG GSANG SNGAGS CHE, ,RDO RJE DANG NI MTSO SKYES SBYOR BA'I SEMS, ,MCHOG TU CHAGS PA'I NYI ZLA YANG DAG SBYOR, ,SNYING RJE'I THABS KYI STOBS KYIS 'GRO BA KUN, ,GDOD MA'I BDE BA DER NI DE BZHIN NYID, ,GANG DU RO MNYAM BYANG CHUB SEMS RANG BZHIN, ,DE NI LHAN CIG SKYES PA'I BDE BA'O, ,DE TSE GNYIS NI SNGON DU DER LHUNG BA, ,GZHAN YANG STONG DANG SNYING RJE DER MNYAM GYUR, ,'GRO KUN LHAN CIG SKYES PA'I RNAM PA RU, ,BLA MA MCHOG GIS BKA' STZAL JI LTAR RTOGS, DO HA TI ZHES BYA BA DE KHO NA NYID KYI MAN NGAG RDZOGS SO,, ,,AA BA DH'U T'I PAS MDZAD PA, ,RJE BTZUN DHI RI SHR'I DZNY'A NAS BSGYUR BA'O,, ,,