, ,RGYA GAR SKAD DU, TATTVA PRA KAS N'A MA, BOD SKAD DU, DE KHO NA NYID RAB TU BSTAN PA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,SANGS RGYAS SKU GSUM NGO BO CAN, ,GANG GI MTHU LAS SKYES GYUR PA, ,SRID DANG MYA NGAN 'DAS PA MCHOG ,SHES RAB THABS BDAG LA PHYAG 'TSAL, ,SKYE BO RAB RIB CAN DAG LA, ,MKHA' LA SKRA SHAD SNANG BA LTAR, ,DE BZHIN MA RIG MUN BSGRIBS PA'I, ,BYIS PA RNAMS NI 'GRO SNYAM SEMS, ,'KHRUL PAS MKHA' LA MTSON PA YI, SKRA LA DAG PA'I MIG GIS LTA, ,MTHONG BA DAG PA'I RNAL 'BYOR PAS, ,SRID PA THAMS CAD DE LTAR RTOGS, ,KYE LAGS NAM MKHA'I DKYIL LTOS DANG, ,SKRA SHAD 'DZINGS PA BDAG GIS MTHONG, ,DAG PA'I MIG CAN DES SMRAS PA, ,YOD MIN KHYOD KYI BLO GROS 'KHRUL, ,RAB RIB KYIS 'KHRUL BSAL BA'I PHYIR, ,PHYI NAS YOD MIN ZHES BRJOD KYI, ,GSAL DANG MI GSAL STONG PA'I PHYIR, ,DE NYID DU NI DGAG GRUB MED, ,DE BZHIN ZAG PA MED CHOS RNAMS, ,LONGS SPYOD SPRUL PA'I SKU DAG GI, ,RTEN 'BREL SMON LAM DAG GIS NI, ,SEMS CAN DON DU RAB TU 'JUG ,DE DAG DE LAS THA DAD MIN, ,DE DAG DE YI RANG BZHIN PHYIR, ,DE DAG RANG BZHIN MA BCOS GRUB, ,DE DBYES SEMS KYI DOGS PA SEL, ,GAL TE SKYE MED MI 'DOD NA, ,LDOG PAS DNGOS LA THA DAD PAS, ,RNAL 'BYOR SPYOD GZHUNG LAS GZHAN PA'I, ,DBU MA'I DON DU I LTAR 'GYUR, ,GAL TE MTHA' BZHI RNAM SPANGS PAS, ,DBU MA'I DON NI KHYAD 'PHAGS NA, ,RNAM RIG LA YANG THAL BAR 'GYUR, ,DE YANG 'DI DAG RNAM SPANG PHYIR, ,MTHA' BZHI LAS NI RNAM GROL BA'I, ,SHES PA GNYIS MED RDZAS BDEN PA, ,BRTAGS PAS STONG ZHING GNYIS SU MED, ,RNAM RIG SMRA BA'I MKHAS PAS RIG ,YANG DAG MTHA' LAS SNA TSOGS 'DI, ,RTEN CING 'BREL LAS 'BYUNG BAR 'GYUR, ,DE NI MA SKYES
RDZAS KYIS STONG, ,MA 'DRES MING TZAM PA NYID DO, ,BDAG BYIN BRLAB DANG 'OD GSAL BA'I, ,DBYE BA KUN MKHYEN GYIS GSUNGS PA, ,GANG TSE DE DAG GCIG BSTAN PA, ,DES NI CHAD PAR LTA BA SPANGS, ,'BRAS BU DE NYID MI MTHUN PHYOGS, ,GANG LA CHAGS PA YOD MIN PA, ,'BAD MED SBYOR BA DE YIS NI; ,SANGS RGYAS GO 'PHANG DES RDZOGS BYED, ,DE BZHIN GSHEGS PAS LUNG BSTAN PA'I, ,'PHAGS PA KLU SGRUB KYIS BZHED PA, ,SANGS RGYAS CHOS KYI RJES 'BRANGS NYID, ,CHOS KYI DE NYID MA SKYES PA'O, ,DE NYID RAB TU BSTAN BYAS LAS, ,BDAG GIS BSOD NAMS GANG THOB PA, ,DES NI 'JIG RTEN MA LUS PA, ,ZUNG DU 'JUG PA'I SNOD GYUR CIG ,DE KHO NA NYID RAB TU BSTAN PA ZHES BYA BA, ,SLOB DPON GNYIS MED RDO RJES MDZAD PA RDZOGS SO,,