ZUNG DU 'JUG PA RAB TU GSAL BA BSTAN PA ZHES BYA BA (Yuganaddha Prakāśa (Nāma))

, ,RGYA GAR SKAD DU, PRI nA PANYTZA KA ,BOD SKAD DU, DGA' GCUGS LNGA PA, SANGS RGYAS LA PHYAG 'TSAL LO, ,SNANG BA MCHOG TU GCUGS PA NI, ,RTEN CING 'BREL 'BYUNG TZAM NYID DO, ,MED PAR GYUR NA STONG PA NYID, ,'DOD PA MO DNGOS 'CHING BAR 'GYUR, ,STONG NYID SHIN TU MCHOG GYUR PA'I, ,MDZA' BO DPE MED GZUGS LDAN GANG, ,DE DANG BRGYA LA BYED NA NI,,

, ,DGA' BDE'I GTZO BO BRLAG PAR 'GYUR, ,DE PHYIR DOGS PAS KHYO SHUG GNYIS, ,BLA MA DAM PA'I SPYAN SNGAR GNAS, DE YIS DE DAG SNGON BZHIN DU, ,DGA' BAS LHAN CIG GCUGS PAR MDZOD, ,AE MA'O BLA MA MCHOG MKHAS NI, ,'DI LTA BU LA MKHAS PA MTSAR; ,RANG BZHIN GNYIS MED DMIGS PA MED, ,BLA NA MED PAR GNYIS KA SKYES, ,MTSAN NYID THAMS CAD YANG DAG RDZOGS, ,MTHA' GNYIS RNAM PAR SPANGS PA STE, ,DNGOS PO KUN GYI NGO BO NYID, ,RANG BZHIN MED PAR RTAG TU SHAR, ,DGA' GCUGS LNGA PA SLOB DPON MEE TRI PAS MDZAD PA RDZOGS SO,, ,,BLA MA PHYAG NA'I ZHAL SNGA NAS DANG, LO TZ'A BA RMA BAN GYIS BSGYUR BA'O,,

, ,RGYA GAR SKAD DU, YU GA NA DA PRA K'A SA N'A MA, BOD SKAD DU, ZUNG DU 'JUG PA RAB TU GSAL BA BSTAN PA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,GANG DANG GANG SNANG DE DAG PAR, ,RTOGS PAR GYUR NA MI 'GYUR NYID, ,RKYEN LAS SKYES PA DE 'GYUR BA, ,

DE YANG RKYEN LAS DE MA SKYES, ,GZUGS LAS GZUGS NI YOD MA YIN, ,MIG LA YANG NI YOD MA YIN, ,DE SKYES RNAM SHES LA YANG MIN, ,JI LTAR GTZUB SHING MI BSTEN BZHIN, ,GTZUB SHING DANG NI GTZUB GTAN DANG, ,SKYES BU'I LAG PA MA BSTEN PAR, , MNGON DU ME NI GRUB PA MED, ,DE NI 'DI DAG BSTEN NAS 'BYUNG, ,BDAG GIS BU BAS SNGAR RMONGS SAM, ,'ON TE BU LAS RMONGS PAR 'GYUR, ,BU NYID LA NI SNGAR ZHEN PA, ,DE NI RDZAS SU YOD MA YIN, ,DE LTAR RKYEN NYID 'BA' ZHIG PHYIR, ,CHOS RNAMS RANG BZHIN MED PA NYID, ,DE LA GNAS PA'I RNAL 'BYOR PAS, ,BDE MCHOG LAS NI NYAMS MI 'GYUR, ,THAMS CAD BLANG DANG DOR MED KYANG, ,THA SNYAD DU NI 'JUG PAR 'GYUR, ,'DI DAG SGYU MA BZHIN DNGOS MED, ,RKYEN LAS BYUNG BAR RTOGS PA'I PHYIR, ,MA SKYES PHYIR NA RANG BZHIN MED, ,RKYEN LAS BYUNG BA MI 'GAG NYID, ,DNGOS DANG DNGOS MED NYAMS PAS NA, ,ZUNG DU 'JUG PA SNANG BAR 'GYUR, ,STONG PA SNYING RJE GCIG GYUR PA, ,RANG GI RTOG PAS BYAS PA MIN, ,STONG PA NYID DANG RAB GSAL BA, ,RANG BZHIN ZUNG DU 'JUG PA NYID, ,RNAM PA KUN MCHOG RGYAS LDAN PA'I, ,ZAB MO GNYUG MA'I SNYING PO NYID, ,MNGON SUM RIG PA SANGS RGYAS KYIS, ,MCHOD PA LEGS SBYOR BYED PA YIN, ,LUS DANG NGAG DANG SEMS KYI NI, ,RTAG TU BLO BZANG RAB GNAS NA, ,SPYOD PA BYED DANG MI BYED KYANG, ,DE LA SPYOD PA BYED CES BRJOD; ,ZUNG DU 'JUG PA RAB TU GSAL BA BSTAN PA ZHES BYA BA, SLOB DPON AA BA DH'U T'IS MDZAD PA RDZOGS SO,, ,,BADZRA P'A nI DANG, NAGS TSOS BSGYUR BA'O,,