, ,DBANG GI SBYIN SREG SBYOR KA NI, ,SA GZHI DMAR BA'I THAB KHUNG DU, , BHA GA LTA BU'AM ZLA GAM BYA, ,TSAD NI RGYAS PA'I CHUNG 'BRING NGO, ,KHA KHYER MU RAN GNYIS DANG BZHI, ,GRI GUG GAM GZHUS NI DBUS SU MTSAN, ,PADMA DMAR PO 'DAB BRGYAD LA'O, ,BUD SHING DMAR PO TSER MA'I SHING, ,YAM SHING SOR NI BCU GNYIS SAM, ,SOR BRGYAD TSAD LA DRI
MAR BSKU, ,MCHOD RDZAS DMAR PO G-YAS SU GZHAG ,MAR LA SOGS PA'I SREG RDZAS NI, ,DMAR PO'I RO DANG DRIS BSGYUR NAS, ,G-YON DU BZHAG NAS STAN DMAR PO, ,ROL BA'I 'DUG STANGS NUB PHYOGS BLTA, ,DMAR PO LA SOGS RGYAN CHAS BGO ,BUD SHING BCER TE GSANG BAR BYA, ,BSKYED PA'I RIM PA TSUL BSGOMS NAS, ,ME SBAR LA SOGS CHO GA BYA, ,RLUNG GI YI GE BSNGAGS PA YIN, ,KHA DOG DMAR PO RLUNG LA GNAS, ,SPYAN DRANGS BSTIMS TE DBANG BSKUR RO, ,MCHOD PA LA SOGS DBUL BA NI, ,ME LHA'I SNGAGS LA MTHA' BSKYUR LA, , CHO GA LA SOGS RDZOGS NAS NI, ,ME LHA'I THUGS KAR LHA BSKYED NAS, ,SPYAN DRANGS LA SOGS CHO GA BYA, ,'OD ZER DMAR PO 'PHROS NAS NI, ,LHA MNYES PAS NI DGUG PAR BSAM, ,YANG NA MAN NGAG SBYOR BA GSUM, ,THA MA ME YI CHO GA NI, ,ME LHA'I SNGAGS KYIS GSUM MAM BDUN; ,LHA YI NYI SHU RTZA BRGYAD SNGAGS, ,BDUN NAM BRGYA YI BAR DU BYA, ,DE LTAR SBYIN SREG SBYOR KA LA, ,NYIN MTSAN DU NI BRTZON PAR BYA'O, ,SLOB DPON BHA BAS MDZAD PA DBANG GI SBYIN SREG GI SBYOR KA STE GSUM PA RDZOGS SO,,