217 · GMLW-001192

An Exalted Sutra of Shrigupta (Ārya Śrigupta Nāma Sūtra)

PHAGS PA DPAL SBAS ZHES BYA BA'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:Going for RefugeEnlightenment

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 217 · Sutra

מהדורהrecensionDerge

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDE YE SHES SDES

פוליוfolios413a–438a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra with the full frame

מקום החיבורplace of compositionVulture Peakthe Buddha is at Rajgir on the Vulture's Peak with twelve hundred and fifty monks

אנשים ומקומותpeople and places namedShrigupta · Jinamitra · Danashila · Yeshe Dethe colophon names the imperial team

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesSanskrit and Tibetan title lines both match; the head writes PHAGS PA for 'PHAGS PA

הקבציםThe files

KL00217_PHAGS PA DPAL SBAS ZHES BYA BA'I MDO_An Exalted Sutra of Shrigupta (Ārya Śrigupta Nāma Sūtra).txt/10. MDO MANG_Collection of Sutras (Sūtra)$$/VOL 16 (MA)

הטקסטThe text

טיבטיתTibetanKL00217_PHAGS PA DPAL SBAS ZHES BYA BA'I MDO_An Exalted Sutra of Shrigupta (Ārya Śrigupta Nāma Sūtra).txt58,024 תוויםcharacters

413a

,,RGYA GAR

413b

SKAD DU, A'ARYA SHR'I GUPTA N'A MA S'U TRA, BOD SKAD DU, 'PHAGS PA DPAL SBAS ZHES BYA BA'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG THABS GCIG TU BZHUGS TE, DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS DANG, RGYAL PO DANG, BLON PO RNAMS DANG, BRAM ZE DANG, KHYIM BDAG RNAMS DANG, MU STEGS CAN SNA TSOGS DGE SBYONG DANG, BRAM ZE DANG, SPYOD PA CAN DANG, KUN TU RGYU RNAMS DANG, LHA RNAMS DANG, KLU RNAMS DANG, GNOD SBYIN RNAMS DANG, DRI ZA RNAMS DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO RNAMS KYIS BCOM LDAN 'DAS LA BSTI STANG DU BYAS, BLA MAR BYAS, RIM GRO BYAS TE MCHOD NAS, BCOM LDAN 'DAS KYIS LHA DANG, MI'I NA BZA' DANG, ZHAL ZAS DANG, GZIMS CHA DANG, SNYUN GSOS SMAN DANG, YO BYAD BZANG PO MANG PO BRNYES PA, PADMA LA CHU MI CHAGS PA BZHIN DU 'DOD PA DAG GIS KYANG BCOM LDAN 'DAS LA MI GOS TE, 'DI LTAR BCOM LDAN 'DAS, DE BZHIN GSHEGS PA, DGRA BCOM PA, YANG DAG PAR RDZOGS PA'I SANGS RGYAS, RIG PA

414a

, ,DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS ZHES BYA BAR BCOM LDAN 'DAS KYI BRJOD PA DANG, SGRA DANG, TSIGS SU BCAD PA DGE BA 'DI LTA BU 'DI MNGON PAR 'PHAGS PAR GYUR TO,, DES LHA DANG BCAS PA'I 'JIG RTEN DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG, BRAM ZER BCAS PA'I SKYE DGU DANG, LHA DANG, MIR BCAS PA'I SKYE DGU RANG GI MNGON PAR MKHYEN PAS MNGON DU MDZAD DE RDZOGS PAR MDZAD NAS MKHYEN TO, ,DE CHOS KYANG STON TE TSANGS PAR SPYOD PA THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA, YANG DAG PAR STON TO, ,DE'I TSE RGYAL PO'I KHAB KYI GRONG KHYER CHEN PO NI KHYIM BDAG DPAL SBAS ZHES BYA BA PHYUG PA, NOR CHEN PO, LONGS SPYOD CHE BA, BDAG DBANG BA MANG BA, NOR DANG, YO BYAD MANG BA, NOR DANG, 'BRU DANG, 'TSOG CHAS DANG, NOR BU DANG, MU TIG DANG, BEE d'URYA DANG, DUNG DANG, MAN SHEL DANG, BYU RU DANG, DNGUL DANG, SA LE SBRAM MANG BA, GLANG PO CHE DANG,

414b

RTA PHO RGOD DANG, BA LANG MANG BA, BRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG, BANG MDZOD GANG BA MANG PO DANG LDAN PA ZHIG GNAS TE, KHYIM BDAG DPAL SBAS DE MA DAD PA, MA DANG BA, SANGS RGYAS DANG, CHOS DANG, DGE 'DUN LA DBANG ZA BA, GCER BU PA'I NYAN THOS SU GYUR PA GCER BU PA NYE DU'I BU ZHES BYA BA LA MNGON PAR DAD PA ZHIG GO ,DE NAS KHYIM BDAG DPAL SBAS GCER BU PA NYE DU'I BU GA LA BA DER SONG STE PHYIN NAS, GCER BU PA NYE DU'I BU'I RKANG PA LA PHYAG BTZAL TE PHYOGS GCIG TU 'DUG GO ,KHYIM BDAG DPAL SBAS PHYOGS GCIG TU 'DUG NAS GCER BU PA NYE DU'I BUS KHYIM BDAG DPAL SBAS LA 'DI SKAD CES SMRAS SO, ,KHYIM BDAG ,GANG DGE SBYONG GOO TA MA NA TSOD KYIS GZHON PA, GSAR DU RAB TU BYUNG BA DE THAMS CAD MKHYEN PA'I NGA RGYAL CAN TE, THAMS CAD MKHYEN PA'I NGA RGYAL DES 'JIG RTEN 'DI THAMS CAD BSLUS PAR SHES PAR GYIS SHIG ,DE'I PHYIR KHYIM BDAG KHYOD SONG LA DGE SBYONG GOO TA MA DE'I SROG CHOD CIG ,DE 'CHI BA'I DUS BYAS TE SHI BA DANG, DGE SBYONG GOO TA MA DE TZAM DU RDZU 'PHRUL CHE BA, DE TZAM DU MTHU CHE BA, DE TZAM DU DBANG CHE BAR GRAGS PA KHYIM BDAG DPAL SBAS KYIS SROG BCAD DO ZHES KHYOD KYI BRJOD PA DANG, SGRA DANG, TSIGS SU BCAD PA DGE BA BRGYA CHEN PO 'DI LTA BU 'DI MNGON PAR GRAGS PAR 'GYUR RO,,

415a

, ,DPAL SBAS KYIS SMRAS PA, BTZUN PA, BDAG GIS DGE SBYONG GOO TA MA'I SROG BCAD PAR JI LTAR NUS, GCER PU BA NYE DU'I BUS SMRAS PA, KHYIM BDAG KHYOD SONG LA PHYI SGO'I SGO KHANG DU DONG CHEN PO RKOS SHIG ,DONG CHEN PO BRKOS NAS MES KHONG LA STENG DU PHYAG DAR SRAB MOS KHOBS SHIG ,KHYIM GYI NANG DU ZAS DUG CAN SBYOR LA; ZAS DUG CAN SBYAR NAS DGE SBYONG GOO TA MA DE'I GAN DU SONG STE ZAS LA BOS SHIG ,GAL TE DGE SBYONG GOO TA MA THAMS CAD MKHYEN CING THAMS CAD GZIGS PA YIN NA NI BTUB PAR MI 'GYUR RO, ,JI STE THAMS CAD MKHYEN PA MA YIN, THAMS CAD GZIGS PA MA YIN NA NI BTUB PAR 'GYUR TE, DE PHYI SGO'I SGO KHANG GI ME DONG DER LHUNG NAS NYAN THOS KYI DGE 'DUN DANG BCAS TE 'CHI BA'I DUS BYED PAR 'GYUR RO, ,'ON TANG RNAM GRANGS CI ZHIG GIS THAR BAR 'GYUR, KHYIM GYI NANG DU ZAS DUG CAN ZOS NA'ANG 'CHI BA'I DUS BYED PAR 'GYUR RO, ,DE BZHIN DU BGYI'O ZHES TE, KHYIM BDAG DPAL SBAS KYIS GCER PU BA NYE DU'I BU'I LTAR NYAN NAS STAN LAS LANGS TE, GCER BU BA NYE DU'I BU'I RKANG PA LA PHYAG BTZAL NAS LAN GSUM BSKOR BA BYAS TE, GCER BU PA NYE DU'I GAN NAS SONG NAS RANG GI KHYIM GA LA BA DER SONG STE PHYIN PA DANG, RANG GI ZHI SHAS 'TSO BA RNAMS

415b

LA BOS TE 'DI SKAD CES SMRAS SO, ,ZHO SHAS 'TSO BA DAG, DENGS LA PHYI SGO'I SGO KHANG DU DONG CHEN PO RKOS SHIG ,DONG CHEN PO BRKOS NAS ME 'BAR BA MA YIN PA DU BA MI 'THUL BAS KHONGS LA STENG DU PHYAG DAR SRAB MOS KHOBS SHIG ,KHYIM GYI NANG DU ZAS DUG CAN SBYOR CIG ,DE NAS KHYIM BDAG DPAL SBAS KYIS RANG GI ZHO SHAS 'TSO BA RNAMS BSAGS NAS RGYAL PO'I KHAB NAS BYUNG STE, BYA RGOD KYI PHUNG PO'I RI GA LA BA DANG, BCOM LDAN 'DAS GA LA BA DER SONG NAS PHYIN PA DANG, BCOM LDAN 'DAS DANG LHAN CIG MNGON SUM DU DGA' BAR BYA BA DANG, MGU BAR BYA BA'I GTAM RNAM PA MANG PO BYAS TE PHYOGS GCIG TU 'DUG GO ,KHYIM BDAG DPAL SBAS PHYOGS GCIG TU 'DUG PA DANG, BCOM LDAN 'DAS KYIS CHOS KYI GTAM YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DO, ,DE NAS KHYIM BDAG DPAL SBAS BCOM LDAN 'DAS KYIS CHOS KYI GTAM YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS STAN LAS LANGS TE, BCOM LDAN 'DAS LA 'DI SKAD CES GSOL TO, ,KYE; GOO TA MA, NYAN THOS KYI DGE 'DUN DANG THABS GCIG TU SANG GDUGS TSOD SBYOR NA

416a

, ,GNANG BAR MDZAD DU GSOL, DE NAS BCOM LDAN 'DAS 'DI SNYAM DU DGONGS TE, KHYIM BDAG DPAL SBAS 'DI NI MI DGE BA'I BSHES GNYEN DANG BSTEN PA'I DBANG GIS NGA LA RNAM PA 'DI LTA BU BYA BAR 'DOD LA, DE RING PO MI THOGS PAR PHYIS CHOS 'DUL BA 'DI LA RNAM PAR DAG PA'I CHOS CAN DU 'GYUR RO SNYAM STE; DE LTAR MKHYEN NAS BCOM LDAN 'DAS KYIS KHYIM BDAG DPAL SBAS LA CANG MI GSUNG BAS GNANG NGO, ,DE NAS KHYIM BDAG DPAL SBAS KYIS BCOM LDAN 'DAS KYIS CANG MI GSUNG BAS GNANG BAR RIG NAS LAG PA BSGYUR TE MDZUB MO BSGRENG NAS 'DI SNYAM DU SEMS TE, 'DI LTAR BDAG GI SEMS KYANG SEMS KYIS MI SHES NA THAMS CAD SHES PA LTA SMOS KYANG CI DGOS TE, DGE SBYONG GOO TA MAS THAMS CAD MKHYEN PA'I NGA RGYAL GYIS 'JIG RTEN 'DI DAG THAMS CAD BSLUS SO SNYAM MO, ,DE NAS KHYIM BDAG DPAL SBAS KYIS BCOM LDAN 'DAS LA LAN GSUM BSKOR BA BYAS TE, BCOM LDAN 'DAS KYI GAN NAS SONG NAS RANG GI KHYIM GA LA BA DER SONG STE PHYIN PA DANG, PHYI SGO'I SGO KHANG DU DONG CHEN PO RKOR BCUG STE, BRKOS NAS ME MI 'BAR ZHING DU BA MI 'THUL BAS BKANG STE, STENG DU PHYAG DAR SRAB MOS G-YOGS SO, ,KHYIM GYI NANG DU'ANG ZAS DUG CAN

416b

SBYOR DU BCUG GO ,DE'I TSE KHYIM BDAG DPAL SBAS KYIS KHYIM BDAG MGON MED ZAS SBYIN GYI BU MO CHUNG MAR BLANGS PAR GYUR TE, KHYIM BDAG DPAL SBAS KYI CHUNG MAS KHYIM BDAG DPAL SBAS RNAM PA 'DI LTA BU BYED PAR MTHONG NGO, ,MTHONG NAS KYANG KHYIM BDAG DPAL SBAS LA 'DI SKAD CES SMRAS SO, ,JO BO LA DGRA SU ZHIG MCHIS NA DE DGUM PA'I SLAD DU DE LTAR BRTZON PAR MDZAD, DES SMRAS PA, DRA MA'I BU MO, SHES PAR GYIS SHIG ,DGE SBYONG GOO TA MA NA TSOD KYIS GZHON PA, GSAR DU RAB TU BYUNG BA DE THAMS CAD MKHYEN PA'I NGA RGYAL CAN TE, THAMS CAD MKHYEN PA'I NGA RGYAL DES 'JIG RTEN 'DI THAMS CAD BSLUS KYI, DE GSAD PA'I PHYIR 'DI LTAR BRTZON PAR BYED DO, ,DES SMRAS PA, JO BO, BCOM LDAN 'DAS DE BGRONGS PAR KHYOD KYIS MI SPYOD KYI SKYO BAR GYUR TA RE, DE CI'I SLAD DU ZHE NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SLAD DU'O, ,DE NAS KHYIM BDAG DPAL SBAS 'DI SNYAM DU SEMS TE, BDAG GI CHUNG MA SH'AKYA'I BRAN GYI BU MO 'DIS GSANG 'PHEL DU 'ONG ZHES DE'I THOR TO NAS BZUNG STE KHYIM DU BCUG NAS SGO GTAN BCUG GO ,SGO GTAN BCUG NAS BCOM LDAN 'DAS LA GDUGS TSOD LA BAB PA GSOL TE, KYE GOO TA MA, BSHOS LAGS KYI GDUGS TSOD LA BAB BO, ,DE NAS BCOM LDAN 'DAS

417a

, ,KYIS TSE DANG LDAN PA KUN DGA' BO LA BKA' STZAL PA, KHYOD SONG LA BSIL YAB THOGS TE GNAS KHANG NAS GNAS KHANG DU SONG LA, TSE DANG LDAN PA DAG ,BCOM LDAN 'DAS KYIS 'DI SKAD CES BKA' STZAL TE, NGA'I SNGA ROL TU DGE SLONG GANG YANG DPAL SBAS KYI KHYIM DU MA 'JUG CIG ,CES DON DE BSGO ZHIG ,BCOM LDAN 'DAS, DE BZHIN NO ZHES GSOL NAS, TSE DANG LDAN PA KUN DGA' BO BCOM LDAN 'DAS KYI LTAR MNYAN TE, BSIL YAB THOGS NAS DGE SLONG RNAMS KYI GAN DU SONG STE, TSE DANG LDAN PA DAG ,BCOM LDAN 'DAS KYIS 'DI SKAD CES BKA' STZAL TE, NGA'I SNGA ROL TU DGE SLONG GANG YANG KHYIM BDAG DPAL SBAS KYI KHYIM DU MA 'JUG CIG CES DON DE BSGO'O, ,DE NAS BCOM LDAN 'DAS SNGA DRO'I DUS KYI TSE SHAM THABS DANG, CHOS GOS GSOL TE, LHUNG BZED BSNAMS NAS DGE SLONG GI DGE 'DUN GYIS YONGS SU BSKOR, DGE SLONG GI DGE 'DUN GYIS MDUN DU BDAR TE BYA RGOD KYI PHUNG PO'I RI LAS BABS SO, ,DE NAS MI MJED KYI BDAG PO TSANGS PA TSANGS RIS KYI LHA'I BU DU MAS YONGS SU BSKOR CING MDUN DU BDAR NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA PHYAG BTZAL TE, BCOM LDAN 'DAS KYI G-YAS ROL NAS 'GRO'O,,

417b

LHA'I DBANG PO BRGYA BYIN YANG SUM CU RTZA GSUM GYI LHA'I BU DU MAS YONGS SU BSKOR CING MDUN DU BDAR NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE, BCOM LDAN 'DAS KYI G-YON ROL NAS 'GRO'O, ,RGYAL PO CHEN PO BZHI PO RGYAL PO CHEN PO GNAS SRUNG PO DANG, 'PHAGS SKYES PO DANG, MIG MI BZANG DANG, RNAM THOS KYI BU'ANG GNOD SBYIN BRGYA STONG DU MAS YONGS SU BSKOR CING MDUN DU BDAR TE, BCOM LDAN 'DAS KYI PHYI BZHIN 'GRO'O, ,RGYAL PO CHEN PO RNAM THOS KYI BU NI BCOM LDAN 'DAS KYI GDUGS THOGS SO, ,GNOD SBYIN GYI SDE DPON CHEN PO NYI SHU RTZA BRGYAD KYANG BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE, BCOM LDAN 'DAS KYI PHYI BZHIN DU 'GRO'O, ,ROL MO MKHAN DU GTOGS PA'I LHA RNAMS NI MDUN NAS 'GRO ZHING, GAR DANG, GLU DANG, ROL MO'I SGRA CHEN PO BYED DO, ,DE'I TSE BCOM LDAN 'DAS KYI MDUN LOGS SU NI CHAR 'BAB, PHYI NAS NI NYI MA 'CHAR, BAR NA NI SPRIN LDING NGO, ,BCOM LDAN 'DAS KYI ZHABS GANG DANG, GANG GOM PA 'DOR BA DE DANG, DER BCOM LDAN 'DAS KYI SKU LA LHA RNAMS TZANDAN GYI PHYE MA DAG 'THOR, MNGON PAR 'THOR, MNGON PAR RAB TU 'THOR RO, ,LHA'I ME TOG AUTPA LA DANG,

418a

, ,PADMA DANG, KU MU DA DANG, PADMA DKAR PO DANG, LHA'I ME TOG MAND'A RA BA RNAMS BCOM LDAN 'DAS KYI SKU LA 'THOR, MNGON PAR 'THOR, MNGON PAR RAB TU 'THOR RO, ,DE NAS BCOM LDAN 'DAS RGYAL PO'I KHAB KYI GRONG KHYER CHEN PO GA LA BA DER GSHEGS PA DANG, 'DI NI SANGS RGYAS BCOM LDAN 'DAS RNAMS KYI CHOS NYID DE,, GANG GI TSE BCOM LDAN 'DAS GRONG KHYER DU 'JUG PA DE'I TSE CHO 'PHRUL DANG BCAS PAR 'JUG GI ,CHO 'PHRUL MED PAR MA YIN NO, ,DE NAS BCOM LDAN 'DAS RGYAL PO'I KHAB KYI GRONG KHYER GYI SGOR SGO GTAN LA THOG MA NYID DU ZHABS G-YAS PA GSER GYI KHA DOG CAN BZHAG STE, BCOM LDAN 'DAS KYI ZHABS G-YAS PA GSER GYI KHA DOG CAN RGYAL PO'I KHAB KYI GRONG KHYER CHEN PO'I SGOR SGO GTAN LA BZHAG MA THAG TU, DE NAS RGYAL PO'I KHAB KYI GRONG KHYER CHEN PO RNAM PA DRUG TU G-YOS, RAB TU G-YOS, KUN TU RAB TU G-YOS, 'GUL, RAB TU 'GUL, KUN TU RAB TU 'GUL TO, ,SHAR PHYOGS MTHO NA NUB PHYOGS DMA'O, ,NUB PHYOGS MTHON SHAR PHYOGS DMA'O, ,LHO PHYOGS MTHO NA BYANG PHYOGS DMA'O, ,BYANG PHYOGS MTHO NA LHO PHYOGS DMA'O, ,DBUS MTHO NA MTHA' DMA'O, ,MTHA' MTHO NA DBUS DMA'O, ,BCOM LDAN 'DAS KYIS RGYAL PO'I KHAB KYI

418b

SGO GTAN LA ZHABS G-YAS PA GSER GYI KHA DOG CAN BZHAG MA THAG TU LHA RNAMS LHA'I TZANDAN GYI PHYE MA DAG BCOM LDAN 'DAS KYI SKU LA 'THOR, MNGON PAR 'THOR, MNGON PAR RAB TU 'THOR RO, ,LHA'I ME TOG AUTPA LA DANG, PADMA DANG, KU MUD DANG, PADMA DKAR PO DANG, LHA'I ME TOG MANDA RA BA DAG BCOM LDAN 'DAS KYI SKU LA 'THOR, MNGON PAR 'THOR, MNGON PAR RAB TU 'THOR, NAM MKHA' LA LHA'I ROL MO'I SGRA 'BYIN TO, ,LHA'I SIL SNYAN GYI SGRA 'BYIN TO, ,BCOM LDAN 'DAS KYIS RGYAL PO'I KHAB KYI GRONG KHYER CHEN PO'I SGOR SGO GTAN LA ZHABS G-YAS PA GSER GYI KHA DOG CAN BZHAG MA THAG TU DE'I TSE LONG BA RNAMS NI MIG GIS GZUGS MTHONG BAR GYUR, 'ON PA RNAMS NI RNA BAS THOS PAR GYUR; SNA'I DBANG PO DANG BRAL BA RNAMS NI SNA RNAM PAR DAG PAR GYUR, LKUGS PA RNAMS NI SMRA BAR GYUR, RJED BYED KYIS ZIN PA RNAMS NI RJED BYED DANG BRAL BAR GYUR, SEMS CAN SMYON PA RNAMS NI DRAN PA RNYED PAR GYUR, DUG 'THUNGS PA NI DUG LAS GSOS PAR GYUR, SEMS CAN BTZON CHA DAM POS BSDAMS PA RNAMS NI BTZON CHA LHOD PAR GYUR; SEMS CAN PHAN TSUN DGRAR 'DZIN PA RNAMS NI BYAMS PA'I SEMS SU GNAS PAR GYUR, SIL SNYAN RNAMS NI MA BSKYOD PAR SGRA 'BYIN PAR GYUR, SNOD RNAMS NI

419a

, ,MA DKROL BAR SGRA 'BYIN PAR GYUR, KHYU MCHOG KYANG SGRA 'BYIN, GLANG PO'ANG SGRA 'BYIN, RTA'ANG SGRA 'BYIN, RGYAL PO'I KHAB KYI GRONG KHYER CHEN PO'I SGO NA BYA GANG DAG GNAS PA, 'DI LTA STE, DANG PA DANG, KHRUNG KHRUNG DANG, RMA BYA DANG, NE TZO DANG, RI SKEGS DANG, KHU BYUG DANG, KU NA LA DANG, SHANG SHANG TE'U DE DAG KYANG RANG RANG GI SKAD DU SGRA SKAD 'BYIN CING RGYAL PO'I KHAB KYI SGO'I KHOR YUG TU SKOR BAR BYED DO, ,RGYAL PO'I KHAB KYI GRONG KHYER CHEN PO NAS SKYES PA DANG, BUD MED DANG, KHYE'U DANG, BU MO BSIL KHANG DANG, KHANG PA BRTZEGS PA DANG, STEGS BU DANG, SGO KHANG DANG, SKAR KHUNG NAS LTA ZHING 'KHOD PA DE DAG GIS KYANG BCOM LDAN 'DAS LA ME TOG GI PHUR MA GTOR TO, ,RGYAL PO'I KHAB KYI GRONG KHYER CHEN PO'I SKYE BO PHAL PO CHE'ANG NGO MTSAR DU GYUR, RMAD DU BYUNG BAR GYUR TE, YI RANGS PAR GYUR NAS SGRA GSANG MTHON PO DANG, SGRA CHEN POR HI HI ZHES BYA BA DANG, HA HA ZHES BYA BA DANG, AA LA LA ZHES BYA BA DANG, A'U ZHES SGRA CHEN PO 'BYIN TO, ,BCOM LDAN 'DAS LA GOS KYANG 'THOR RO, ,DE NAS BCOM LDAN 'DAS RGYAL PO'I KHAB TU ZHUGS TE, KHYIM BDAG DPAL SBAS KYI KHYIM GA LA BA DER GSHEGS PA DANG, DGE BSNYEN ZHIG

419b

GIS BCOM LDAN 'DAS RGYANG RING PO NAS BYON PA MTHONG NGO, ,MTHONG NAS KYANG DES 'DI SNYAM DU BSAMS TE, KHYIM BDAG DPAL SBAS 'DI NI BCOM LDAN 'DAS LA RNAM PA 'DI LTA BU 'DI BYED PAR 'DOD NA BCOM LDAN 'DAS BKRONGS PAR MI 'GYUR GRANG, 'JIG RTEN GYI MI GSHIN TU MYUR DU MED PAR MI 'GYUR GRANG, 'JIG RTEN DU MUN PA SHIN TU MYUR DU MI 'GYUR GRANG, BSKAL PA GRANGS MED PA GSUM DU YANG DAG PAR BSGRUBS PA'I SANGS RGYAS SHIN TU MYUR DU NUB PAR MI 'GYUR GRANG, BDAG CAG CHOS KYI LONGS SPYOD LAS SHIN TU MYUR DU NYAMS PAR MI 'GYUR GRANG SNYAM STE, DE NAS DGE BSNYEN DE BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE, BCOM LDAN 'DAS LA BSKOR BA BYAS NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BDE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, KHYIM BDAG DPAL SBAS KYI KHYIM DU MA GSHEGS SHIG ,DE CI'I SLAD DU ZHE NA, BTZUN PA BCOM LDAN 'DAS, KHYIM BDAG DPAL SBAS KYIS NI BCOM LDAN 'DAS DANG, DGE SLONG GI DGE 'DUN BKRONGS PA'I SLAD DU PHYI SGO'I SGO KHANG DU DONG CHEN PO RKOR STZAL TE, DONG BRKOS NAS ZHUGS ME 'BAR ZHING DU BA MA MCHIS

420a

, ,PAS GTAMS TE, STENG DU PHYAG DAR SRAB MOS G-YOGS SHING MCHIS NA, BCOM LDAN 'DAS DANG, DGE SLONG GI DGE 'DUN LA CUNG ZAD GNOD PAR LTA MI 'GYUR RAM SNYAM BGYID LAGS SO, ,BCOM LDAN 'DAS KYIS BKA' STZAL PA, DGE BSNYEN, KHYOD 'DI SNYAM DU MA SEMS SHIG ,DGE BSNYEN, NGA DUD 'GRO'I SKYE GNAS SU GYUR PA NA'ANG NGA'I LUS LA MES MA TSUGS NA, DA LTAR BYANG CHUB MNGON PAR RDZOGS PAR SANGS RGYAS PA LTA CI SMOS, NGAS NI 'DOD CHAGS KYI ME DANG, ZHE SDANG GI ME DANG, GTI MUG GI ME DANG, ME GSUM BSAD PAS NGA'I LUS LA MES TSUGS PAR 'GYUR BA 'DI NI GNAS MED DO, ,BTZUN PA BCOM LDAN 'DAS, DUD 'GRO'I SKYE GNAS SU GYUR PA NA JI LTAR SKU LA ZHUGS KYIS MTSUGS LAGS, BCOM LDAN 'DAS KYIS BKA' STZAL PA, DGE BSNYEN, SNGON BYUNG BA 'DAS PA'I DUS NA YUL KA LINGKA'I RGYAL PO ZHIG BYUNG BA DE'I TSE, YUL KA LINGKA'I RGYAL POS GLING BEGS BUR CHAD PA'I RI DVAGS RNAMS GSOD PA'I PHYIR SREG PA'I ME CHEN PO BTANG NGO, ,DE NAS GLING BEGS BUR CHAD PA NA RI DVAGS DANG BYA GANG DAG GNAS PA, NAM MKHA' LA RGYU BA'AM, THANG LA RGYU BA'AM, CHU LA RGYU BA DE DAG SREG PA'I ME DES 'KHRUGS NAS DE NA GAG DAG NAM MKHA' LA

420b

RGYU BA DE DAG NI NAM MKHA' LA BYER RO, ,GANG DAG CHU LA RGYU BA DE DAG NI CHUR ZHUGS SO, ,GANG DAG THANG LA RGYU BA DE DAG NI PHAN TSUN 'BYER ZHING RGYUG STE 'BROS SO, ,GLING BEGS BUR CHAD PA DE NA SREG PA'I PHRUG GU 'DAB GSHOG MA SKYES PA ZHIG YOD DE, DE NAS SREG PA MA MO DES 'DAB MA CHUR BCUG STE, SREG PA'I PHRUG GU'I KHO RA YUG TU GTOR TO, ,GTOR NAS KYANG RGYUG CING YANG DANG, YANG DE LTAR BRTZON PAR BYAS SO, ,DE NAS SREG PA'I PHRUG GU DES MA 'DI LTAR RTZOL BA BYED PA MTHONG NGO, ,MTHONG NAS KYANG DES MA LA 'DI SKAD CES SMRAS SO, ,YUM, CI'I SLAD DU 'DI LTAR RTZOL BAR MDZAD, DES SMRAS PA, BU, SHES PAR GYIS SHIG ,YUL KA LINGKA'I RGYAL POS GLING BEGS BUR CHAD PA'I RI DVAGS GSOD PA'I PHYIR ME CHEN PO BTANG NGO, ,DE NAS GLING BEGS BUR CHAD PA NA RI DVAGS DANG, BYA GANG DAG GNAS PA NAM MKHA' LA RGYU BA DANG, THANG LA RGYU BA DANG, TSUL RGYU BA DE DAG SREG PA'I ME CHEN PO DES 'KHRUGS NAS DE NA GANG DAG NAM MKHA' LA RGYU BA DE DAG NI NAM MKHA' LA BYER, GANG DAG CHU LA RGYU BA DE DAG NI CHUR ZHUGS, GANG DAG THANG LA RGYU BA DE DAG PHAN TSUN 'BYER ZHING RGYUG STE BROS SO, ,NGA NI 'DI LTAR KHYOD TSIG TU 'ONG NGO ZHES KHYOD KYI PHYIR 'DI LTAR RTZOL BAR BYED DO, ,DES SMRAS PA, YUM, THONGS SHIG,

421a

, ,THONGS SHIG ,YUM KHYOD NI BYIS PA STE, KHYOD KYIS RTZOL BA 'DI LTA BUS BDAG SREG PA'I ME 'DI LAS THAR PAR MI SPYOD DO, ,YUM KHYOD KYIS BDAG NYID KYI MTHU DANG, STOBS BSKYED DE, NGAN BU LEGS PAR SHIN TU BLANGS LA GLING BEGS BUR CHAD PA 'DIR SHING NANG GI MTHON PA'I KHAR NGAN BU GZHAG PAR SPYOD DAM, DE BZHIN BYA'O ZHES TE, SREG PA MA MO DES SREG PA'I PHRUG GU'I LTAR MNYAN NAS RANG GI MTHU DANG, STOBS BSKYED DE, SREG PA'I PHRUG GU DE KUN TU LEGS PAR BLANGS NAS GLING BIGS BUR CHAD PA DE'I SHING NANG GI MTHON PO'I KHAR BZHAG GO ,DE NAS SREG PA'I PHRUG GU DES SREG PA'I ME CHEN PO DE MTHONG NAS BYAMS PAS KHYAB PAR BYED DO, ,BYAMS PAS KHYAB PAR BYAS NAS DE'I TSE TSIGS SU BCAD PA 'DI DAG SMRAS SO, ,RKANG MED SEMS CAN RNAMS KYANG YOD, ,'DAB CHAGS RKANG BCAS PA 'ANG YOD, ,PHA MA DAG GIS BSRUNGS SHING 'KHOD, ,ME GDUG TSUR NI MA 'ONGS SHIG ,DGE BSNYEN, SREG PA'I PHRUG GU DES TSIGS SU BCAD PA DE SMRAS MA THAG TU ME SHI BAR GYUR TE, GANG NAS BTANG BA DE NYID DU SHI'O, ,DE LTAR DE TSUN CHAD DENG SANG GI BAR DU GLING BEGS BUR CHAD PA DER ME MA SHOR TO, ,DGE BSNYEN, DE'I TSE DE'I DUS NA GLING BEGS BUR CHAD PA NA SREG PA'I PHRUG GU

421b

'DAB GSHOG MA SKYES PA DE GZHAN ZHIG YIN SNYAM DU KHYOD DOGS SHING THE TSOM ZA'AM, YID GNYIS ZA NA DE LTAR MI BLTA STE, DGE BSNYEN, NGA DE'I TSE DE'I DUS NA SREG PA'I PHRUG GUR GYUR TO, ,DGE BSNYEN, NGA DUD 'GRO'I SKYE GNAS SU GYUR PA DE'I TSE'ANG LUS LA MES MA TSUNGS NA, DA LTAR BYANG CHUB MNGON PAR RDZOGS PAR SANGS RGYAS PA LA LTA CI SMOS TE, NGA'I LUS LA MES TSUGS PAR 'GYUR BA 'DI NI GNAS MED DO, ,DE NAS BCOM LDAN 'DAS KYIS DGE BSNYEN DE DANG, SKYE BO PHAL PO CHEL CHOS KYI GTAM YANG DAG PAR BSTAN, YANG DAG PAR 'DZIN DU 'JUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DO, ,CHOS KYI GTAM YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS MDUN DU BZHUD PA DANG, DGE BSNYEN ZHIG GIS BCOM LDAN 'DAS RGYANG RING PO NAS BYON PA MTHONG NGO, ,MTHONG NAS DE 'DI SNYAM DU SEMS TE, KHYIM BDAG DPAL SBAS 'DI NI BCOM LDAN 'DAS LA RNAM PA 'DI LTA BU 'DI BYED PAR 'DOD NA, BCOM LDAN 'DAS BKRONGS PAR MI 'GYUR GRANG, BDE BAR GSHEGS PA BKRONGS PAR MI 'GYUR GRANG, 'JIG RTEN GYI MIG SHIN TU MYUR DU MED PAR MI 'GYUR GRANG, 'JIG

422a

, ,RTEN DU MUN PA SHIN TU MYUR DU MI 'BYUNG GRANG, BSKAL PA GRANGS MED PA GSUM DU YANG DAG PAR BSGRUBS PA'I SANGS RGYAS SHIN TU MYUR DU NUB PAR MI 'GYUR GRANG, BDAG CAG CHOS KYI LONGS SPYOD LAS SHIN TU MYUR DU NYAMS PAR MI 'GYUR GRANG SNYAM STE, DE NAS DGE BSNYEN DE BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE, BCOM LDAN 'DAS LA LAN GSUM BSKOR BA BYAS NAS, BUS MO GNYIS KA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, KHYIM BDAG DPAL SBAS KYI KHYIM DU MA GSHEGS SHIG ,DE CI'I SLAD DU ZHE NA, BTZUN PA BCOM LDAN 'DAS, KHYIM BDAG DPAL SBAS KYIS NI BCOM LDAN 'DAS DANG, DGE SLONG GI DGE 'DUN BKRONGS PA'I SLAD DU PHYI SGO'I SGO KHANG DU DONG CHEN PO RKOR STZAL TO, ,DONG BRKOS NAS ZHUGS ME 'BAR ZHING DU BA MA MCHIS PAS GTAMS TE, STENG DU PHYAG DAR SRAB MOS G-YOGS SHING MCHIS NA BCOM LDAN 'DAS DANG, DGE SLONG GI DGE 'DUN LA CUNG ZAD GNOD PAR LTA MI 'GYUR RAM SNYAM BGYID

422b

LAGS SO, ,BCOM LDAN 'DAS KYIS BKA' STZAL PA, DGE BSNYEN, KHYOD 'DI SNYAM DU MA SEMS SHIG ,DGE BSNYEN, NGA DUD 'GRO'I SKYE GNAS SU GYUR PA NA'ANG NGA'I LUS LA MES MI TSUGS NA; DA LTAR BYANG CHUB MNGON PAR RDZOGS PAR SANGS RGYAS PA LTA LA CI SMOS, NGAS NI 'DOD CHAGS KYI ME DANG, ZHE SDANG GI ME DANG, GTI MUG GI ME DANG, ME GSUM BSAD PAS NGA'I LUS LA MES TSUGS PAR 'GYUR BA 'DI NI GNAS MED DO, ,BTZUN PA BCOM LDAN 'DAS, DUD 'GRO'I SKYE GNAS SU GYUR PA NA JI LTAR SKU LA ZHUGS KYIS MA TSUNGS LAGS, BCOM LDAN 'DAS KYIS BKA' STZAL PA, DGE BSNYEN, SNGON BYUNG BA 'DAS PA'I DUS NA DZAMBU'I GLING 'DI NA NAGS STUG PO, LO MA PHUN SUM TSOGS PA, ME TOG PHUN SUM TSOGS PA, 'BRAS BU PHUN SUM TSOGS PA, SKYED MOS TSAL PHUN SUM TSOGS PA ZHIG YOD DE, DE'I TSE NAGS STUG PO DE NA RI BONG GI GROGS DRANG SRONG ZHIG GNAS TE, RI BONG DE NI MI SKAD SMRA BA ZHIG GO ,DE'I TSE DUS GZHAN ZHIG NA NAGS STUG PO DER THAN PA CHEN PO BYUNG STE, DE NA 'DAB MA DANG LDAN PA'I SHING GANG YIN PA DE DAG NE SKAM, ME TOG DANG LDAN PA'I SHING GANG YIN PA DANG, 'BRAS BU'I SHING GANG YIN PA DE DAG KYANG SKAM MO, ,SKYED MOS TSAL GANG YIN PA DE DAG KYANG YONGS SU SKAM MO, ,DE NAS DRANG SRONG DE RI BONG DE GA LA BA DER SONG STE

423a

, ,PHYIN NAS RI BONG DE LA 'DI SKAD CES SMRAS SO, ,RI BONG, SHES PAR GYIS SHIG ,NAGS STUG PO 'DIR THAN PA CHEN PO BYUNG STE, 'DAB MA DANG LDAN PA'I SHING GANG YIN PA DE DAG NI SKAM, ME TOG DANG LDAN PA'I SHING GANG YIN PA DANG, 'BRAS BU'I SHING GANG YIN PA DE DAG KYANG SKAM MO, ,SKYED MOS TSAL GANG YIN PA DE DAG KYANG YONGS SU SKAM STE, RI BONG, BDAG NI NAGS STUG PO 'DI NAS NAGS STUG PO GZHAN DU 'GRO BAR 'DOD DO, ,RI BONG GIS SMRAS PA, DE'I SLAD DU DRANG SRONG DGUNG GCIG NAGS STUG PO 'DIR BZHUGS SHIG ,BDAG GIS KHYOD BSHOS GSOL TO, ,DE NAS DRANG SRONG DE GNAS SU SONG STE ME BUS NAS SNGAGS KYIS SBYIN SREG BYED DO, ,DE NAS RI BONG DE NAGS DER GOM PAS 'GRO ZHING RNAM PAR RGYU'ANG GANG NAS KYANG 'BRAS BU'AM, RTZA BA MA RNYED NAS, DE 'DI SNYAM DU SEMS TE, BDAG GIS DRANG SRONG DE ZAS LA MGRON DU BOS LA; BDAG GIS NAGS STUG PO 'DI THAMS CAD DU SON KYANG, GANG NAS KYANG 'BRAS BU'AM, RTZA BA MA RNYED KYI, BDAG RANG GI SHAS DRANG SRONG DE TSIM PAR BYA'O SNYAM STE, DE NAS RI BONG DE DRANG SRONG DE GA LA BA DER SONG STE PHYIN NAS, DRANG SRONG DE LA 'DI SKAD CES SMRAS SO, ,DRANG SRONG, MKHYEN PAR MDZOD CIG ,BDAG GIS KHYOD LA BSHOS GSOL BAR SPYAN DRANGS LA,

423b

BDAG GIS NAGS STUG PO 'DI THAMS CAD DU MCHIS KYANG GANG NAS KYANG 'BRAS BU DANG, RTZA BA MA RNYED NAS BDAG ZHUGS KYI DONG 'DIR BDAG NYID KYIS MCHONG GI ,KHYOD KYIS BDAG GI SHA DE GSOL LA DGUNG GCIG NAGS STUG PO 'DI NA BZHUGS SHIG ,DRANG SRONG GIS SMRAS PA, RI BONG, MA BYED CIG ,DE SKAD MA SMRA ZHIG ,NGA NI RI BONG KHYOD LA GNOD PAR YANG MI 'DOD NANG KHYOD KYI SHA ZA BA LTA CI SMOS, RI BONG GIS SMRAS PA, DRANG SRONG, DE SKAD MA GSUNG ZHIG ,KHYOD KYIS BDAG GI BSAM PA NGES PAR BSKANG 'TSAL LO, ,DE NAS RI BONG DE 'DI LTA BU'I BDEN PA'I TSIG 'DI SMRAS TE, NAGS STUG PO 'DI'I LHA RGYA CHEN PO RNAMS BDAG LA DGONGS SU GSOL, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO GANG DAG GNAS PA DE DAG THAMS CAD BDAG LA DGONGS SU GSOL, BDAG NI GTONG BA BGYID DE SHIN TU GTONG BA DANG, GTONG BA'I YANG GTONG BA DANG, BDAG NYID GTONG BA BGYID DO, ,BDAG GI BDEN PA DANG, BDEN PA'I TSIG GANG GIS BDAG YONGS SU GTONG BA NI RGYAL PO'I SLAD DU MA LAGS, LONGS SPYOD KYI SLAD DU MA LAGS, MTHO RIS KYI SLAD DU MA LAGS, BRGYA BYIN NYID KYI SLAD DU MA LAGS, BDUD KYI SLAD DU MA LAGS, TSANGS PA'I SLAD DU MA LAGS, 'KHOR LOS BSGYUR

424a

, ,BA'I RGYAL PO'I YUL GYI SLAD DU MA LAGS TE, GZHAN DU BDAG JI LTAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BGYI BA DANG, SEMS CAN MA DUL BA GDUL BAR BGYI, MA GROL BA DGROL BAR BGYI, DBUGS MA PHYIN PA DBUGS DBYUNG BAR BGYI, YONGS SU MYA NGAN LAS MA 'DAS PA YONGS SU MYA NGAN LAS 'DA' BAR BGYI BA'I SLAD DU STE, BDEN PA DANG, BDEN PA'I TSIG DES BDAG YONGS SU GTONG BA 'BRAS BU MA MCHIS PAR MA GYUR CIG CES SMRAS NAS BDAG NYID ME DONG CHEN PO DER MCHONGS SO, ,DGE BSNYEN, RI BONG DES ME DONG DER MCHONGS MA THAG TU ME DONG DE'I ME SHI STE PADMA CAN GYI RDZING DU GYUR NAS, RI BONG DE BUNG BA ZI ZI ZER BAR GYUR PA'I PADMA 'DAB MA STONG YOD PA'I STENG NA 'DUG CING CHOS STON TE, TSANGS PAR SPYOD PA, THOG MAR DGE BA, BAR DU DGE BA, THA MAR DGE BA; DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA YANG DAG PAR STON TO, ,DRANG SRONG GIS DE MTHONG STE; MTHONG NAS KYANG DGA' MGU YI RANGS TE RAB TU DGA' NAS, DGA' BA DANG, YID BDE BA SKYES TE, RI BONG DE LA THAL MO SBYAR TE PHYAG BTZAL TO, ,DGE BSNYEN, DE'I TSE

424b

DE'I DUS NA NAGS STUG PO DE NA GNAS PA'I DRANG SRONG DE GZHAN ZHIG YIN PA SNYAM DU KHYOD DOGS SHING THE TSOM ZAN DE LTAR MI BLTA STE, DGE SLONG 'OD SRUNG DE'I TSE DE'I DUS NA NAGS STUG PO'I DRANG SRONG DU GYUR TO, ,DGE BSNYEN, DE'I TSE DE'I DUS NA NAGS STUG PO'I RI BONG DU GYUR PA DE GZHAN ZHIG YIN PA SNYAM DU KHYOD DOGS SHING THE TSOM ZAN DE LTAR MI BLTA STE, NGA DE'I TSE DE'I DUS NA RI BONG DU GYUR TO, ,DGE BSNYEN, NGA DUD 'GRO'I SKYE GNAS SU GYUR PA DE'I TSE'ANG NGA'I LUS LA MES MI TSUGS NA, DA LTAR BYANG CHUB MNGON PAR RDZOGS PAR SANGS RGYAS PA LTA LA CI SMOS TE, NGA'I LUS LA MES TSUGS PAR 'GYUR BA 'DI NI GNAS MED DO, ,DE NAS BCOM LDAN 'DAS KYIS DGE BSNYEN DE DANG, SKYE BO PHAL PO CHE LA CHOS KYI GTAM YANG DAG PAR STON, YANG DAG PAR 'DZIN DU 'JUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DO, ,CHOS KYI GTAM YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS KHYIM BDAG DPAL SBAS KYI KHYIM GA LA BA DER GSHEGS SO, ,DE'I TSE RGYAL PO'I KHAB KYI GRONG KHYER CHEN PO'I SKYE BO PHAL PO CHE RNAMS 'DI JI LTAR 'GYUR SNYAM STE, KHYIM BDAG

425a

, ,DPAL SBAS KYI PHYI SGO'I SGO KHANG GA LA BA DER DONG NGO, ,DE NAS BCOM LDAN 'DAS ME DONG CHEN PO GA LA BA DER GSHEGS TE BYON NAS ME DONG CHEN PO DER ZHABS G-YAS PA GSER GYI KHA DOG CAN THOG MAR BZHAG STE, BCOM LDAN 'DAS KYIS ME DONG DER ZHABS G-YAS PA GSER GYI KHA DOG CAN DE BZHAG MA THAG TU ME DONG DE'I ME SHI BAR GYUR TE PADMA'I RDZING BUR GYUR NAS BUNG BA ZI ZI ZER BAR GYUR TO, ,BCOM LDAN 'DAS KYIS ZHABS G-YAS PA GSER GYI KHA DOG CAN ME DONG DER BZHAG MA THAG TU LHA RNAMS LHA'I TZANDAN GYI PHYE MA DAG BCOM LDAN 'DAS KYI SKU LA 'THOR, MNGON PAR 'THOR, MNGON PAR RAB TU 'THOR RO, ,LHA'I ME TOG AUDPA LA DANG, PADMA DANG, KU MU DA DANG , PADMA DKAR PO DANG, LHA'I ME TOG MAN D'A RA BA DAG BCOM LDAN 'DAS KYI SKU LA 'THOR, MNGON PAR 'THOR, MNGON PAR RAB TU 'THOR RO, ,LHA'I ROL MO'I SGRA'ANG 'BYIN TO; ,SIL SNYAN GYI SGRA'ANG 'BYIN TE, ,DUNG DANG, RNGA BO CHE DANG, RNGA RNGA DANG, 'KHAR RNGA LA SOGS PA'I SGRA'ANG PHYUNG NGO, ,RGYAL PO'I KHAB KYI GRONG KHYER CHEN PO'I SKYE BO PHAL PO CHE RNAMS NGO MTSAR DU GYUR, RMAD DU BYUNG BAR GYUR TE GSANG BSTOD NAS SGRA DRAG PO DANG, SGRA CHEN POR HA HA ZHES BYA BA DANG, HI HI ZHES BYA BA DANG, CA CO DANG GA ZHA

425b

'THON TO, ,BCOM LDAN 'DAS LA GOS KYANG 'THOR RO, ,DE'I TSE KHYIM BDAG DPAL SBAS NI GCER BU BA NYE DU'I BU DANG LHAN CIG TU KHANG STENG NA 'DUG GO ,KHYIM BDAG DPAL SBAS KYI CHUNG MA KHYIM GYI NANG NA 'DUG PAS RGYAL PO'I KHAB TU SGRA DRAG PO DANG, SGRA CHEN PO PHYUNG BA THOS SO, ,THOS NAS DE 'DI SNYAM DU SEMS TE, 'DI LTAR RGYAL PO'I KHAB KYI GRONG KHYER CHEN PO 'DIR SGRA MTHON PO DANG, SGRA DRAG PO DANG, SGRA CHEN PO BYUNG BA LAS BCOM LDAN 'DAS ME DONG CHEN PO DER LHUNG STE GRONGS PAR MA GYUR GRANG, BDE BAR GSHEGS PA GRONG PAR MA GYUR GRANG SNYAM NAS BSGRIMS TE STOBS GTUGS NAS SGO PHYE STE, BANG THAG PAR SGO KHANG GA LA BA DER SONG BA DANG, KHYIM BDAG DPAL SBAS KYI CHUNG MA DES ME DONG DE'I ME SHI STE PADMA'I RDZING DU GYUR NAS BUNG BA ZI ZI ZER BA'I PADMA LA BCOM LDAN 'DAS KYI ZHABS BZHAG STE DPAL SBAS KYI KHYIM DU GSHEGS PA MTHONG NGO, ,MTHONG NAS DGA' MGU YI RANGS TE RAB TU DGA' NAS, DGA' BA DANG, YID BDE BA SKYES TE KHYIM BDAG DPAL SBAS GA LA BA DER SONG NAS PHYIN PA DANG, KHYIM BDAG DPAL SBAS LA 'DI SKAD CES SMRAS SO, ,JO BO, ZHUGS DONG GI ZHUGS GUM NAS PADMA'I RDZING BUR GYUR TE BUNG BA ZI ZI MCHI BA'I PADMA LA BCOM

426a

, ,LDAN 'DAS KYI ZHABS BZHAG NAS KHYOD KYI KHYIM DU BYON PA LA GZIGS SHIG ,GZIGS SHIG ,DE NAS KHYIM BDAG DPAL SBAS 'JIGS, DNGANGS, SKRAG STE SPU ZING ZHES BYED NAS RINGS SHING MYUR BAR LA GOR DU KHANG STENG NAS BABS TE SGO KHANG GA LA BA DANG, BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE, BCOM LDAN 'DAS, BDAG GIS NONGS, BDE BAR GSHEGS PA, BDAG GIS NONGS TE, SLAR 'CHAGS SO, , BYIS PA JI LTA BA DANG, RMONGS PA JI LTA BA DANG, MI MKHAS PA JI LTA BA BZHIN DU BDAG MI DGE BA'I BSHES GNYEN DANG BSTEN PA'I DBANG GIS BCOM LDAN 'DAS LA RNAM PA 'DI LTA BU BGYI BAR BSAMS NA, BCOM LDAN 'DAS, BDAG NONGS PAS NONGS PA CAN DU GZUNG DU GSOL, SLAN CHAD KYANG SDOM PAR 'TSAL LO, , BCOM LDAN 'DAS KYIS BKA' STZAL PA, DE'I PHYIR KHYIM BDAG KHYOD BYIS PA JI LTA BA DANG, RMONGS PA JI LTA BA DANG, MI MKHAS PA JI LTA BA BZHIN DU MI DGE BA'I BSHES GNYEN DANG BSTEN PA'I DBANG GIS KHYOD KYIS RNAM PA 'DI LTA BU 'DI BYAS PA NYES PAS NYES PA CAN DU RTOGS SHIG ,KHYIM BDAG ,KHYOD GANG GI TSE NYES PAS NYES

426b

PA CAN DU MTHONG LA, NYES PAS NYES PA CAN DU MTHONG NAS 'CHAGS, MTHOL PHYIN CHAD KYANG SDOM NA DE'I PHYIR NGAS KHYOD LA NYES PAS NYES PA CAN DU BZUNG NGO, ,DE CI'I PHYIR ZHE NA, KHYIM BDAG ,CHOS 'DUL BA 'DI LA 'DI NI 'PHEL BA STE, NYES PAS NYES PA CAN DU MTHONG NAS 'CHAGS SHING MTHOL TE PHYIN CHAD KYANG SDOM PA'O, ,KHYIM BDAG KHYOD LONGS, 'DI LTAR 'DIR SEMS DAD PAS MCHOD PA BYAS SO, ,DE NAS KHYIM BDAG DPAL SBAS KYIS BCOM LDAN 'DAS KYI ZHABS LA MGO BOS PHYAG BTZAL NAS MDUN DU BDAR TO, ,DE NAS BCOM LDAN 'DAS STENG GI KHANG BZANG GA LA BA DER GSHEGS TE BYON NAS GDAN BSHAMS PA LA DGE SLONG GI DGE 'DUN DANG THABS GCIG TU BZHUGS SO, ,DE NAS KHYIM BDAG DPAL SBAS KYIS BCOM LDAN 'DAS DANG, DGE SLONG GI DGE 'DUN BZHUGS PAR RIG NAS BCOM LDAN 'DAS GA LA BA DER SONG STE PHYIN PA DANG, PUS MO GNYIS KA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD DO, ,THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, CUNG ZAD TSIG GZHES SU GSOL, BDAG GIS BCOM LDAN 'DAS KYI SLAD DU BSHOS GTZANG

427a

, ,GZHAN BGYID DU STZAL TO, ,DE CI'I SLAD DU ZHE NA, BTZUN PA BCOM LDAN 'DAS, MI DGE BA'I BSHES GNYEN DANG BSTEN PA'I DBANG GIS BDAG GIS BSHOS GTZANG CI SBYAR BA DE THAMS CAD KYI NANG DU DUG DRAG PO STZAL PAS, DES BCOM LDAN 'DAS DANG, DGE SLONG GI DGE 'DUN LA CUNG ZAD GNOD PAR 'GYUR DU GLO BA CHUD LAGS SO, ,BCOM LDAN 'DAS KYIS BKA' STZAL PA, KHYIM BDAG ,DE SNYAM DU MA SEMS SHIG ,KHYIM BDAG ,NGA DUD 'GRO'I SKYE GNAS SU GYUR PA'I TSE'ANG LUS LA DUG GIS MA TSUGS NA, DA BYANG CHUB MNGON PAR RDZOGS PAR SANGS RGYAS PA LTA LA CI SMOS TE, NGA'I LUS LA DUG GIS TSUGS PAR 'GYUR BA 'DI NI GNAS MED DO, ,BCOM LDAN 'DAS DUD 'GRO'I SKYE GNAS SU GYUR PA NA JI LTAR SKU LA DUG GIS MA TSUGS LAGS, BCOM LDAN 'DAS KYIS BKA' STZAL PA; KHYIM BDAG ,SNGON BYUNG BA 'DAS PA'I DUS NA GRONG KHYER W'A RA n'A SI'I RGYAL PO TSANGS PAS BYIN ZHES BYA BA PHYUG PA, NOR CHE BA, LONGS SPYOD CHE BA NAS BANG MDZOD YONGS SU GANG BA'I BAR DANG LDAN PA ZHIG BYUNG NGO, ,KHYIM BDAG ,RGYAL PO TSANGS PAS BYIN LA BTZUN MO DPE MED CES BYA BA GZUGS BZANG BA, MDZES PA, BLTA NA

427b

SDUG PA, KHA DOG BZANG PO RGYAS PA MCHOG DANG LDAN PA ZHIG YOD DO, ,BTZUN MO DPE MED NI RGYAL PO TSANGS PAS BYIN LA SDUG PA, MDOS PA, PHANGS PA, YID DU 'ONG BA, 'DOD PA, BLTA BA DANG MTHUN PA'O, ,KHYIM BDAG ,DE'I TSE NA RI'I RGYAL PO GANGS RI'I LHO PHYOGS KYI NGOS LA RMA BYA'I RGYAL PO GSER DU SNANG BA ZHES BYA BA 'KHOR LNGA BRGYA DANG LDAN PA; YAN LAG BKRA BA, LUS BKRA BA, RIN PO CHE'I MCHU CAN ZHIG GNAS TE, DE GANG DANG, GANG DU 'GRO'ANG RMA BYA DE DAG THAMS CAD KYI THOG MA NYID LA 'GRO'O, ,DE'I TSE DUS GZHAN ZHIG NA RMA BYA'I RGYAL PO GSER DU SNANG BA NAM PHYED KYI DUS NAM GYI GUNG THUN LA GRONG KHYER W'A RA n'A SI'I STENG DU SKAD PHYUNG STE, SKAD DES GRONG KHYER DE KHYAB PAR GRAG GO, DE'I TSE RGYAL PO TSANGS PAS BYIN BTZUN MO DPE MED DANG KHANG STENG NA 'DUG PAR GYUR TO, ,DE NAS BTZUN MO DPE MED KYIS SGRA DE THOS NAS RGYAL PO TSANGS PAS BYIN DE LA DRIS PA, LHA; 'DI LTAR CHAGS PAR BGYID PA, 'DI LTAR 'DOD PAR BGYID PA, 'DI LTAR DREGS PAR BGYID PA, 'DI LTAR ZHEN PAR BGYID PA, 'DI LTAR 'CHING BAR BGYID PA, 'DI LTAR DGA' BAR BGYID PA, 'DI LTAR RO MYANG BAR 'OS PA, 'DI LTAR SNYAN CING YID DU MCHIL MNYAN PAR 'OS PA'I SGRA GDA' BA 'DI SU'I LAGS, RGYAL POS SMRAS PA, LHA MO, NGAS KYANG MA MTHONG STE, GTAM DU

428a

, ,THOS NA RI'I RGYAL PO GANGS RI'I LHO PHYOGS KYI NGOS LA RMA BYA'I RGYAL PO GSER DU SNANG BA YAN LAG BKRA BA, LUS BKRA BA, RIN PO CHE'I MCHU CAN, 'KHOR LNGA BRGYA DANG LDAN PA ZHIG GNAS TE, DE GANG DANG, GANG DU 'GRO'ANG RMA BYA DE DAG THAMS CAD KYI THOG MA NYID LA 'GRO STE, LHA MO, DE'I SGRA NI 'DI LTAR CHAGS PAR BYED PA, 'DI LTAR 'DOD PAR BYED PA, 'DI LTAR DREGS PAR BYED PA, 'DI LTAR ZHEN PAR BYED PA, 'DI LTAR 'CHING BAR BYED PA, 'DI LTAR DGA' BAR BYED PA, 'DI LTAR RO MYANG BAR 'OS PA, 'DI LTAR SNYAN CING YID DU 'ONG LA MNYAN PAR 'OS PAR GRAG CE'O, ,BTZUN MO DPE MED KYIS SMRAS PA, LHA; RMA BYA'I RGYAL PO GSER DU SNANG BA MYUR DU 'DI BLANG BAR GSOL, RGYAL PO TSANGS PAS BYIN GYIS SMRAS PA, LHA MO, NAM MKHA' LA RGYU BA 'DI LTA BU NGAS KYANG MTHONG BAR GA LA NUS, BTZUN MO DPE MED KYIS SMRAS PA, LHA; GAL TE RMA BYA'I RGYAL PO GSER DU SNANG BA MA MTHONG DU LAGS NA BDAG 'GUM PAR 'GYUR RO, ,RGYAL PO TSANGS PAS BYIN BTZUN MO DPE MED LA KUN TU CHAGS PA'I SEMS SU GYUR TE, SEMS ZHEN PAS RGYAL PO TSANGS PAS BYIN GYIS SMRAS PA, LHA MO, NGAS RNGON PA DANG, BYA BA DGYE YI, RE ZHIG SDOD CIG ,DE NAS RGYAL PO TSANGS PAS BYIN GYIS RNGON BA DANG, BYA PA'I MI RNAMS

428b

BOS TE 'DI SKAD CES SMRAS SO, ,MCHOG RNAMS, RI'I RGYAL PO GANGS RI'I LHO PHYOGS KYI NGOS LA RMA BYA'I RGYAL PO GSER DU SNANG BA ZHES BYA BA YAN LAG BKRA BA, LUS BKRA BA, GSER GYI MCHU CAN ZHIG GNAS ZHES GRAG GI KHYED KYIS RMA BYA'I RGYAL PO GSER DU SNANG BA BYA RGYA DANG, RNYIS BZUNG LA 'DIR 'ON CIG ,GAL TE 'DIR BLANG NUS NA DE LTA NA NI LEGS SO, ,JI STE MI NUS NA KHYED THAMS CAD KYI SROG YAL LO, ,DE NAS RNGON PA DANG, BYA PA'I MI RNAMS SROG GIS 'JIGS SKRAG ,'CHI BAS 'JIGS SKRAG STE, BYA RGYA DANG, RNYI RNAMS THOGS NAS RI'I RGYAL PO GANGS RI'I LHO PHYOGS KYI NGOS GA LA BA DER SONG NAS PHYIN PA DANG, RMA BYA'I RGYAL PO GSER DU SNANG BA GANG NA GNAS PA'I PHYOGS DER RGYA BRES, RNYI BTZUGS PA DANG, RMA BYA'I RGYAL PO GSER DU SNANG BA DE GANG DANG, GANG DU LTA BA DE DANG, DER RGYA RAL, RNYI CHAD DE PHYOGS DER ZHAG BDUN GYI BAR DU SHA THANG YANG RMA BYA'I RGYAL PO GSER DU SNANG BA DE BYA RGYA DANG, RNYIS GZUNG BAR MA NUS PA DANG, RMA BYA'I RGYAL PO DES SNYING RJE NYE BAR BZHAG NAS RNGON PA DANG, BYA BA RNAMS LA 'DI SKAD CES SMRAS SO, ,ZHO SHAS 'TSO BA KHYED RNAMS, CI'I PHYIR PHYOGS 'DI NA SHA THANG ZHING 'KHOD, DE DAG GIS SMRAS PA, RMA BYA'I RGYAL PO, SHES PAR GYIS SHIG ,RGYAL PO TSANGS PAS BYIN DES SGO BA, MCHOG RNAMS SHES PAR GYIS SHIG ,RI'I RGYAL PO

429a

, ,GANGS RI'I LHO PHYOGS KYI NGOS LA RMA BYA'I RGYAL PO GSER DU SNANG BA ZHES BYA BA YAN LAG BKRA BA, LUS BKRA BA, RIN PO CHE'I MCHU CAN, 'KHOR LNGA BRGYA DANG LDAN PA ZHIG GNAS KYI, DE KHYED KYIS BYA RGYA DANG, RNYIS GZUNG LA 'DIR 'ON CIG ,GAL TE 'DIR BLANG BAR NUS NA NI SHIN TU LEGS SO, ,JI STE MA NUS NA KHYED THAMS CAD KYI SROG YAL LO ZHES BSGO STE, BDAG CAG SROG GIS 'JIGS SKRAG NAS KHYOD KYI PHYIR 'DI LTA BUR 'BAD PAR BYED DO, ,RMA BYA'I RGYAL PO DES SMRAS PA, ZHO SHAS 'TSO BA DAG ,KHYED KYIS RNYI DANG, BYA RGYAS NGA GZUNG BAR NI MI NUS SO, ,ZHO SHAS 'TSO BA DAG ,GAL TE RGYAL PO TSANGS PAS BYIN NGA BLTA BAR 'DOD NA GRONG KHYER W'A RA n'A SI'I NANG SHIN TU PHYAG DAR BYAS TE, SPOS CHUS CHAG CHAG THOB LA ME TOG SIL MA KHROM STE, GDUGS DANG, BA DAN BRES SHIG ,RGYAL MTSAN SGRENG LA POG PHOR NAS BDUG PAS BDUGS LA RIN PO CHE SNA BDUN GYI SHING RTA BGYIS TE, ZHAG BDUN GYI NYIN PAR DPUNG GI TSOGS YAN LAG BZHI PA DANG LHAN CIG TU 'DIR SHOG CIG DANG, NGA NYID DER 'GRO BAR BYA'O, ,DE LTAR BYA'O ZHES TE RNGON PA DANG, BYA PA'I MI DAG RMA BYA'I RGYAL PO GSER DU SNANG BA'I LTAR MNYAN NAS MTHAR GYI GRONG KHYER W'A RA n'A SI'I DER RGYAL PO TSANGS PAS BYIN GA LA BA DER SONG STE PHYIN NAS

429b

RGYAL PO TSANGS PAS BYIN LA 'DI SKAD CES SMRAS SO, ,LHA, MKHYEN PA MDZAD DU GSOL, BDAG CAG 'DI NAS BYA RGYA DANG, RNYI THOGS TE RI'I RGYAL PO GANGS RI'I LHO PHYOGS KYI NGOS GA LA BA DER MCHIS PA DANG, PHYOGS GANG NA RMA BYA'I RGYAL PO GSER DU SNANG BA GNAS PA'I PHYOGS DER RNYI BTZUGS, RGYA BRES NA RMA BYA'I RGYAL PO GSER DU SNANG BA GANG DANG, GANG DU LTA BA DE DANG, DER RGYA RAL RNYI CHAD DE, BDAG CAG PHYOGS DE NA DGUNG BDUN GYI BAR DU SHA THANG YANG RMA BYA'I RGYAL PO DE RGYA DANG, RNYIS GZUNG BA'I RNGO MA THOGS PA DANG, RMA BYA'I RGYAL PO DE SA SNYING RJE NYE BAR BZHAG STE BDAG CAG LA 'DI SKAD CES MCHI'O, ,KYE MI DAG ,CI'I PHYIR PHYOGS 'DI NA SHA THANG ZHING 'KHOD, BDAG CAG GIS SMRAS PA, RMA BYA'I RGYAL PO, SHES PAR GYIS SHIG ,RGYAL PO TSANGS PAS BYIN GYIS BDAG CAG LA BSGO BA, RI'I RGYAL PO GANGS RI'I LHO PHYOGS KYI NGOS LA RMA BYA'I RGYAL PO GSER DU SNANG BA ZHES BYA BA YAN LAG BKRA BA, LUS BKRA BA, RIN PO CHE'I MCHU CAN, 'KHOR LNGA BRGYA DANG LDAN PA DE GANG DANG, GANG DU 'GRO BAR RMA BYA DE DAG THAMS CAD KYI DANG PO LA 'GRO BA ZHIG GNAS ZHES GRAG GI ,KHYED KYIS BYA RGYA DANG, , RNYIS RMA BYA'I RGYAL PO GSER DU SNANG BA BZUNG LA 'ON CIG ,GAL TE RMA BYA'I RGYAL PO DE 'DIR BLANG NUS NA DE LTA NA NI LEGS SO, ,JI STE MA NUS NA KHYED THAMS CAD KYI SROG YAL

430a

, ,LO ZHES BSGO STE, BDAG CAG SROG GIS 'JIGS SKRAG ,'CHI BAS 'JIGS SKRAG NAS KHYOD KYI PHYIR 'DI LTAR 'BAD PAR BYED DO, ,DES SMRAS PA, KYE, ZHO SHAS 'TSO BA DAG ,KHYED KYIS NGA BYA RGYA DANG, RNYIS GZUNG BAR MI NUS SO, ,ZHO SHAS 'TSO BA DAG ,GAL TE RGYAL PO TSANGS PAS BYIN NGA MTHONG BAR 'DOD NA GRONG KHYER W'A RA n'A SI'I NANG SHIN TU PHYAG DAR BYOS TE, SPOS CHUS CHAG CHAG THOB LA ME TOG SIL MA KHROM STE, GDUGS DANG, BA DAN BRES SHIG ,RGYAL MTSAN SGRENG LA, PO GA PHOR NAS BDUG PAS BDUGS LA RIN PO CHE SNA BDUN GYI SHING RTA BGYIS TE, ZHAG BDUN GYI NYIN PAR DPUNG GI TSOGS YAN LAG BZHI PA DANG LHAN CIG TU 'DIR SHOG CIG DANG, NGA NYID DER 'GRO BAR BYA'O ZHES MCHI'O, ,DE LTAR BYA'O ZHES TE, RGYAL PO TSANGS PAS BYIN GYIS RNGON PA DANG, BYA BA DE DAG GI LTAR MNYAN NAS GRONG KHYER W'A RA n'A SI'I NANG SHIN TU PHYAG DAR BYED DU BCUG ,SPOS CHUS CHAG CHAG 'DEBS SU BCUG ,ME TOG SIL MA 'GREMS SU BCUG ,GDUGS DANG, BA DAN BRES SU BCUG ,RGYAL MTSAN SGRENG DU BCUG ,POG POR NAS BDUG PAS BDUG TU BCUG ,RIN PO CHE SNA BDUN GYI SHING RTA BYED DU BCUG NAS ZHAG BDUN 'DAS PA DANG, DPUNG GI TSOGS YAN LAG

430b

BZHI PA GO GYON DU BCUG STE, DPUNG GI TSOGS YAN LAG BZHI PA GO BGOS NAS RIN PO CHE SNA BDUN GYI SHING RTA DRANGS TE, DPUNG GI TSOGS YAN LAG BZHI PA DANG LHAN CIG TU RI'I RGYAL PO GANGS RI'I LHO PHYOGS KYI NGOS GA LA BA DER SONG BA DANG, RMA BYA'I RGYAL PO GSER DU SNANG BA DE BDAG NYID RIN PO CHE SNA BDUN GYI SHING RTA LA ZHON TE SKAD PHYUNG BA DANG, DE'I SKAD KYIS DPUNG GI TSOGS YAN LAG BZHI PA KHYAB PAR GRAG NAS, RGYAL PO TSANGS PAS BYIN DGA' MGU YI RANGS TE RAB TU DGA' NAS, DGA' BA DANG, YID BDE BA SKYES TE RMA BYA'I RGYAL PO GSER DU SNANG BA DE LA BKUR STI BYED DU BCUG ,BLA MAR BYED DU BCUG ,RIM GRO BYED DU BCUG ,MCHOD PAR BYED DU BCUG NAS RMA BYA'I RGYAL PO GSER DU SNANG BA DANG LHAN CIG GRONG KHYER W'A RA n'A SI GA LA BA DER SONG BA DANG, GRONG KHYER W'A RA n'A SI'I SGOR 'DUG NAS SKAD PHYUNG STE, DE'I SKAD CES GRONG KHYER DE THAMS CAD KHYAB PAR GRAG GO ,DE NAS GRONG KHYER W'A RA n'A SI NA SKYES PA DANG, BUD MED DANG, KHYE'U DANG, BU MO GANG DAG GNAS PA DE DAG GRONG KHYER GYI SGO GA LA BA DER RAB TU RGYUG GO ,DE NAS RGYAL PO TSANGS PAS BYIN GYIS RMA BYA'I RGYAL PO GSER DU SNANG BA LA BKUR STI BYED DU BCUG ,BLA MAR BYED DU BCUG ,RIM GRO BYED DU BCUG ,MCHOD PAR BYED DU BCUG NAS RANG GI KHYIM GA LA BA DANG, BTZUN MO DPE MED GA LA BA DER

431a

, ,SONG STE PHYIN NAS, BTZUN MO DPE MED LA 'DI SKAD CES SMRAS TE, LHA MO, RMA BYA'I RGYAL PO GSER DU SNANG BA 'DI NI KHYOD KYI GAN DU RANG 'ONGS SO ZHES SMRAS SO, ,RGYAL PO TSANGS PAS BYIN DE BDAG NYID RMA BYA'I RGYAL PO GSER DU SNANG BA LA ME TOG DANG, 'BRAS BU RNAMS KYIS RIM GRO BYED DO, ,DE'I TSE DUS GZHAN ZHIG NA RGYAL PO TSANGS PAS BYIN BREL PA ZHIG BYUNG NAS DES 'DI SNYAM DU BSAMS TE, SUS RMA BYA'I RGYAL PO GSER DU SNANG BA LA RIM GRO BYED NUS SNYAM NAS, DES YANG 'DI SNYAM DU BSAMS TE; BTZUN MO DPE MED NI MKHAS PA, SHES RAB CHEN PO DANG LDAN PA STE, DES NUS SO SNYAM MO, ,DE NAS RGYAL PO TSANGS PAS BYIN GYIS BTZUN MO DPE MED LA BOS TE 'DI SKAD CES SMRAS SO, ,LHA MO, KHYOD KYIS RMA BYA'I RGYAL PO GSER DU SNANG BA 'DI NGAS JI LTAR RIM GRO BYAS PA BZHIN DU BDAG NYID KYIS RIM GRO GYIS SHIG ,DE NAS RGYAL PO TSANGS PAS BYIN GYI BTZUN MO DPE MED BDAG NYID KYIS ME TOG DANG, 'BRAS BU RNAMS KYIS RMA BYA'I RGYAL PO GSER DU SNANG BA DE LA BSNYEN BKUR BYED DO, ,DE'I TSE DE'I DUS GZHAN ZHIG NA BTZUN MO DPE MED SKYES PA GZHAN LA CHAGS PAR GYUR TE, DE NAS BTZUN MO DPE MED KYIS 'DI SNYAM DU BSAMS SO, ,RMA BYA'I RGYAL PO GSER DU SNANG BA 'DI NI MI SKAD

431b

DU SMRA BAS DES GTAM 'DI RGYAL PO TSANGS PAS BYIN LA MI BSNYAD GRANG, RGYAL PO TSANGS PAS BYIN DES KYANG BDAG BZUNG STE MI BSAD GRANG SNYAM NAS, DE NAS BUD MED DES BYA'I RGYAL PO DE LA ZAS DUG CAN DANG, SKOM DUG CAN BYIN NO, ,BUD MED DES RMA BYA'I RGYAL PO DE LA JI LTA JI LTAR ZAS DUG CAN DANG, SKOM DUG CAN BYIN PA DE LTA DE LTAR RMA BYA'I RGYAL PO DE'I LUS GZUGS CHES BZANG BA DANG, CHES MDZES PA DANG, CHES BLTA NA SDUG PA DANG, CHES 'OD GSAL BAR GYUR TO, ,DE NAS BTZUN MO DPE MED KYIS 'DI SNYAM DU SEMS TE; RMA BYA'I RGYAL PO GSER DU SNANG BA LA BDAG GIS JI LTA JI LTAR ZAS DUG CAN DANG, SKOM DUG CAN BYIN PA DE LTA DE LTAR 'DI'I LUS GZUGS CHES BZANG BA DANG, CHES MDZES PA DANG, CHES BLTA NA SDUG PA DANG, CHES 'OD GSAL BAR GYUR TO SNYAM MO, ,DE NAS BTZUN MO DPE MED LA RMA BYA'I RGYAL PO GSER DU SNANG BAS 'DI SKAD CES SMRAS SO, ,RKUN MA, RKUN MA, KHYOD KYI NGAS SHES TE, KHYOD 'DI SNYAM DU BDAG NI SKYES PA GZHAN LA CHAGS PAR GYUR LA, BYA 'DIS SHES TE 'DI'ANG MI SKAD SMRA BAS 'DIS GTAM 'DI RGYAL PO TSANGS PAS BYIN LA MI BSNYAD GRANG, RGYAL POS BDAG BZUNG STE MI BSAD GRANG SNYAM DU BSAMS NAS DE'I PHYIR KHYOD KYIS NGA LA ZAS DUG CAN DANG, SKOM DUG CAN BYIN TE ,KHYOD KYIS NGA BSAD

432a

, ,PAR MI NUS SO, ,DE NAS BTZUN MO DPE MED DES TSIG DE THOS NAS KHA BUB TU 'GYEL TE, KHRAG DRON PO SKYUGS NAS NAD TSABS CHEN POS BTAB STE, NAD DE NYID KYIS SHI BA'I DUS BYAS SO, ,DE SHI NAS SEMS CAN DMYAL BA CHEN PO DU 'BOD DU SKYES PAR GYUR TO, ,KHYIM BDAG ,DE'I TSE DE'I DUS NA GRONG KHYER CHEN PO W'A RA n'A SI'I RGYAL PO TSANGS PAS BYIN ZHES BYA BAR GYUR PA DE GZHAN ZHIG YIN PA SNYAM DU KHYOD DOGS SHING THE TSOM ZA NA DE LTAR MI BLTA STE, DGE SLONG SH'A RI'I BU DE'I TSE DE'I DUS NA RGYAL PO TSANGS PAS BYIN ZHES BYA BAR GYUR TO, ,KHYIM BDAG ,DE'I TSE DE'I DUS NA BTZUN MO DPE MED CES BYA BAR GYUR PA DE GZHAN ZHIG YIN PA SNYAM DU KHYOD DOGS SHING THE TSOM ZA NA DE LTAR MI BLTA STE, BRAM ZE'I BU MO G-YO MA DE DE'I TSE DE'I DUS NA BTZUN MO DPE MED DU GYUR TO, ,KHYIM BDAG ,DE'I TSE DE'I DUS NA RI'I RGYAL PO GANGS RI'I LHO PHYOGS KYI NGOS LA GNAS PA RMA BYA'I RGYAL PO GSER DU SNANG BA ZHES BYA BAR GYUR PA DE GZHAN ZHIG YIN PA SNYEM DU DOGS SHING THE TSOM ZA NA DE LTAR MI BLTA STE, NGA DE'I CHE DE'I DUS NA RI'I RGYAL PO GANGS RI'I LHO PHYOGS KYI NGOS LA GNAS PA RMA BYA'I RGYAL PO GSER DU SNANG BA ZHES BYA BAR GYUR TO, ,KHYIM BDAG ,DE'I TSE DE'I DUS NA RMA BYA LNGA

432b

BRGYAR GYUR PA DE DAG GZHAN ZHIG YIN SNYAM DU KHYOD DOGS SHING THE TSOM ZA NA DE LTAR MI BLTA STE, DGE SLONG MCHOG LNGA BRGYA PO 'DI DAG DE'I TSE DE'I DUS NA RMA BYA LNGA BRGYAR GYUR TO; ,KHYIM BDAG ,NGA DUD 'GRO'I SKYE GNAS SU GYUR PA DE'I TSE'ANG LUS LA DUG GIS MA TSUGS NA, DA LTAR MNGON PAR RDZOGS PAR SANGS RGYAS PA LTA LA SMOS KYANG CI DGOS TE, NGA'I LUS LA DUG GIS TSUGS PAR 'GYUR BA 'DI NI GNAS MED DO, ,DE BAS NA, KHYIM BDAG ,TSIGS SU BCAD PA BRJOD PA BYA YI, DE LEGS PAR RAB TU NYON LA YID LA ZUNGS SHIG DANG, NGAS KHYOD LA BSHAD KYI LEGS PAR RAB TU BZUNG LA ZAS LA LAN GSUM BZLAS PA GYIS TE DGE SLONG GI DGE 'DUN LA BRIMS SHIG ,'DOD CHAGS ZHE SDANG GTI MUG RNAMS, ,DE DAG 'JIG RTEN DUG GSUM STE, ,BCOM LDAN SANGS RGYAS DUG MED PA, ,SANGS RGYAS BDEN PAS DUG BCOM MO, ,'DOD CHAGS ZHE SDANG GTI MUG RNAMS, , DE DAG 'JIG RTEN DUG GSUM STE, ,BCOM LDAN CHOS NI DUG MED PA, ,CHOS KYI BDEN PAS DUG BCOM MO, ,'DOD CHAGS ZHE SDANG GTI MUG RNAMS, ,DE DAG 'JIG RTEN DUG GSUM STE, ,BCOM LDAN DGE 'DUN DUG MED PA, ,DGE 'DUN BDEN PAS DUG BCOM MO, ,BDEN PA GANG GIS NGA SANGS RGYAS, ,'JIG RTEN KUN LA BLA NA MED, ,BDEN

433a

, ,PA'I TSIG NI DE YIS SU, ,NGA LUS DUG GIS MI TSUGS SHOG ,BDEN PA GANG GIS NGA YI CHOS, ,'JIG RTEN KUN LA BLA NA MED, ,BDEN PA'I TSIG NI DE YIS SU; ;NGA LUS DUG GIS MI TSUGS SHOG ,BDEN PA GANG GIS NGA'I DGE 'DUN, ,'JIG RTEN KUN LA BLA NA MED, ,BDEN PA'I TSIG NI DE YIS SU, ,NGA LUS DUG GIS MI TSUGS SHOG ;SHING GANG DUG DANG BCAS RNAMS DANG, ,SROG CHAGS GANG DAG DUG BCAS PA, ,DE KUN 'DOD CHAGS DUG LAS BYUNG, ,'DOD CHAGS 'DI NI DUG GI MCHOG, SHING GANG DUG DANG BCAS RNAMS DANG, ,SROG CHAGS GANG DAG DUG BCAS PA, ,DE KUN ZHE SDANG DUG LAS BYUNG, ,ZHE SDANG 'DI NI DUG GI MCHOG, SHING GANG DUG DANG BCAS RNAMS DANG, ,SROG CHAGS GANG DAG DUG BCAS PA, ,DE KUN GTI MUG DUG LAS BYUNG, ,GTI MUG 'DI NI DUG GI MCHOG ,DRAG PO'I DUG GIS DUG BCOM STE, ,BSRUNG DANG YONGS SU GZUNG BA BYAS, ,SANGS RGYAS KUN GYIS DUG BCOM PAS, ,RDZOGS SANGS RGYAS LA SKYABS SU DONG, ,DE DE BZHIN BGYI'O ZHES TE KHYIM BDAG DAG DPAL SBAS KYIS BCOM LDAN 'DAS LA TSIGS SU BCAD PA DE DAG LEGS PAR RAB TU BLANGS TE, BLANGS NAS ZAS DE DAG LA LAN GSUM BZLAS TE, RANG GI LAG GIS ZHAL ZAS BSOD PA

433b

MANG PO DGE SLONG GI DGE 'DUN LA BSTABS TE TSIM BAR BYAS SO, ,DE NAS KHYIM BDAG DPAL SBAS KYIS BCOM LDAN 'DAS DANG, DGE SLONG GI DGE 'DUN BSHOS GSOL ZIN TE, PHYAG BCABS, LHUNG BZED GYUR BAR RIG NAS STAN ZHIG BLANGS TE PHYOGS GCIG TU 'DUG GO ,KHYIM BDAG DPAL SBAS PHYOGS GCIG TU 'DUG PA DANG, BCOM LDAN 'DAS KYIS GTAM RIM GYIS MDZAD PA 'DI LTA STE, GANG 'DI SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, 'DOD PA'I NYES DMIGS DANG, DE'I 'OG TU ZAG PA DANG; KUN NAS NYON MONGS PA DANG, MNGON PAR 'BYUNG BA'I PHAN YON DANG, RNAM PAR BYANG BA'I PHYOGS SO, ,DE NAS BCOM LDAN 'DAS KYIS KHYIM BDAG DPAL SBAS LA RGYA CHER RAB TU BSTAN, RAB TU 'JOG ,RNAM PAR 'GREL, RNAM PAR 'BYED, GSAL BAR MDZAD DO, ,BCOM LDAN 'DAS KYIS GANG GI TSE KHYIM BDAG DPAL SBAS SEMS DGA' BA DANG, SEMS MNYEN PA DANG, SEMS DGE BA DANG, SGRIB PA MED PA'I SEMS SU GYUR PAR MKHYEN PA DE'I TSE SANGS RGYAS BCOM LDAN 'DAS RNAMS YANG DAG PHUL GYI CHOS GANG STON PA DE BCOM LDAN 'DAS KYIS KHYIM BDAG DPAL SBAS LA RGYA CHER RAB TU BSTAN, RAB TU BZHAG, RNAM PAR BKROL, RNAM PAR PHYE, GSAL BAR MDZAD, RAB TU BSHAD DO, ,DE NAS KHYI

434a

, ,BDAG DPAL SBAS STAN DE LA 'DUG BZHIN DU CHOS RNAMS LA CHOS KYI MIG RDUL MED CING DRI MA DANG BRAL BA SKYES TE, 'DI LTA STE, DPER NA, RAS NAG PO'I BAG MED PA, KHA BSGYUR BAR 'OS PA, TSON GYI NANG DU BCUG NA TSON LEGS PAR 'JEN PA DE BZHIN DU KHYIM BDAG DPAL SBAS KYANG STAN DE LA 'DUG BZHIN DU CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS KHYIM BDAG DPAL SBAS KYIS CHOS MTHONG, CHOS THOB, CHOS YONGS SU BSKYED, MNGON DU YANG DAG PAR RTOGS, NEM NUR MED, THE TSOM DANG BRAL, SOM NYID DANG BRAL, GZHAN GYI DRING MI 'JOG ,STON PA'I BSTAN PA KUN TU SHES, MI 'JIGS PA THOB NAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG SANGS RGYAS DANG, CHOS DANG, DGE SLONG GI DGE 'DUN LA SKYABS SU MCHI'O, ,BTZUN PA BCOM LDAN 'DAS, BDAG LA DGE BSNYEN DU GZUNG DU GSOL, DENG NAS JI SRID 'TSO'I BAR DU BDAG GI SKYABS KHYOD LAGS TE SKYABS SU MCHI'O, ,DE NAS DGE SLONG DE DAG NGO MTSAR DU GYUR, RMAD DU BYUNG BAR GYUR TE, 'DI LTAR KHYIM BDAG DPAL SBAS BCOM LDAN 'DAS ME DONG DU BSREG PA DANG, SEMS CAN DMYAL BA CHEN POR LTUNG BAR 'DOD PA DE BCOM LDAN 'DAS KYIS SEMS

434b

CAN DMYAL BA CHEN PO NAS BZLOG STE, CHOS RNAMS LA CHOS KYI MIG RDUL MED CING DRI MA DANG BRAL BA SKYES PA 'DI NI NGO MTSAR RMAD DU BYUNG BA'O SNYAM PA DANG, BCOM LDAN 'DAS KYIS BKA' STZAL PA, DGE SLONG DAG ,KHYIM BDAG DPAL SBAS DA LTAR 'BA' ZHIG NGA ME DONG DU BSREG PA DANG, SEMS CAN DMYAL BA CHEN POR LHUNG BAR 'DOD LA, NGAS DE SEMS CAN DMYAL BA CHEN PO DE LAS BZLOG STE, CHOS RNAMS LA CHOS KYI MIG RDUL MED CING DRI MA DANG BRAL BA SKYES PAR YANG MA ZAD DE, DGE SLONG DAG ,GZHAN GYI TSE'ANG KHYIM BDAG DPAL SBAS NGA ME DONG DU BSREG PA DANG, SEMS CAN DMYAL BA CHEN POR LTUNG BAR 'DOD DE, NGAS DE SEMS CAN DMYAL BA CHEN PO DE LAS BZLOG GO ,DGE SLONG DE DAG GIS GSOL PA, BTZUN PA BCOM LDAN 'DAS, KHYIM BDAG DPAL SBAS GZHAN GYI TSE BCOM LDAN 'DAS ZHUGS KYI DONG DU BSREGS TE, SEMS CAN DMYAL BA CHEN PO MNAR MA MCHIS PAR LTUNG BAR 'TSAL LA; BCOM LDAN 'DAS KYIS DE SEMS CAN DMYAL BA CHEN PO DE LAS THAR BAR MDZAD PA JI LTA BU LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS BA'I DUS NA BRAM ZE'I KHYE'U CHOS 'DOD CES BYA BA TSUL KHRIMS DANG LDAN PA, YON TAN DANG LDAN PA, 'DOD PA CHUNG BA, CHO GA SHES PA, RAB TU DBEN PA, DGE BA'I CHOS CAN ZHIG BYUNG

435a

, ,STE; BRAM ZE'I KHYE'U CHOS 'DOD NI GZUGS BZANG BA, MDZES PA, BLTA NA SDUG PA, KHA DOG BZANG PO RGYAS PA MCHOG DANG LDAN PA'O, ,BRAM ZE'I KHYE'U CHOS 'DOD DE BRAM ZE DANG, RGYAL RIGS DANG, KHYIM BDAG RNAMS KYIS BKUR STI BYAS, BLA MAR BYAS TE MCHOD NAS GOS DANG, ZAS DANG, MAL CHA DANG, NA BA'I GSOS SMAN DANG, YO BYAD BZANG PO MANG PO RNYED PAR GYUR TO, ,BRAM ZE'I KHYE'U CHOS 'DOD NI STONG PHRAG BRGYAS TSIGS SU BCAD BA GCIG 'TSOL LO, ,DE NAS BRAM ZE ZHIG BRAM ZE'I KHYE'U CHOS 'DOD KYI RNYED PA DANG, BKUR STI DANG, TSIGS SU BCAD PA MA BZOD NAS BRAM ZE'I KHYE'U CHOS 'DOD GA LA BA DER SONG STE PHYIN PA DANG, BRAM ZE'I KHYE'U CHOS 'DOD LA 'DI SKAD CES SMRAS SO, ,NGAS BRAM ZE'I KHYE'U KHYOD LA LEGS PAR BSHAD PA BSGRAGS PAR BYA'O, ,BRAM ZE'I KHYE'U CHOS 'DOD KYIS SMRAS PA, 'PHAGS PA, LEGS PAR BSHAD PA BDAG LA LEGS PAR BSGRAG TU GSOL, BRAM ZES SMRAS PA, CHOS 'DOD, NGAS KHYOD LA DE BZHIN DU LEGS PAR BSHAD PA BSGRAG TU MI RUNG NGO, ,CHOS 'DOD KYIS SMRAS PA, 'PHAGS PA, 'O NA KHYOD KYIS LEGS PAR BSHAD PA BDAG LA JI LTAR BSGRAG PAR BGYI, BRAM ZES SMRAS PA, GAL TE CHOS 'DOD KHYOD KYIS DONG CHEN PO RKOR BCUG LA, BRKOS

435b

NAS MES 'GENGS SU BCUG STE, ME MI 'BAR ZHING DU BA MI 'THUL BAS BKANG NAS MCHOD SDONG MTHON PO 'DZUGS SU CHUG LA, 'DZUGS SU BCUG NAS ME DONG DER BDAG NYID MCHONGS NA NGAS KHYOD LA LEGS PAR BSHAD PA BSGRAG PAR BYA'O, ,BRAM ZE'I KHYE'U CHOS 'DOD KYIS SMRAS PA, 'PHAGS PA, BDAG 'DI NA LEGS PAR BSHAD PA GANG CI 'TSOL BA DE THAMS CAD NI SEMS CAN RNAMS KYI DON GYI SLAD DU LAGS NA, SLOB DPON, BDAG GIS LEGS PAR BSHAD PA SEMS CAN RNAMS LA MA BSGRAGS PAR JI LTAR ME DONG DU MCHOD BAR BGYI, DE NAS BRAM ZE DES BRAM ZE'I KHYE'U CHOS 'DOD LA TSIGS SU BCAD DE SMRAS PA, SNGAGS 'TSOL BDE BA GA LA YOD, ,GA LA BDE YOD SNGAGS 'TSAL BA, ,SNGAGS BTZAL PHYIR NI BDE BA BOR, ,BDE BA BOR CIG SNGAGS BTZAL PHYIR, ,DE NAS BRAM ZE'I KHYE'U CHOS 'DOD KYIS BRAM ZE DE LA TSIGS SU BCAD DE SLAR SMRAS PA, BYANG CHUB 'TSOL BA GA LA BDE, ,GA LA BDE YOD BYANG CHUB 'TSOL, ,BYANG CHUB BTZAL PHYIR BDE BA BOR, ,BDE BOR BYANG CHUB BTZAL BA'I PHYIR, ,DE NAS BRAM ZE'I KHYE'U CHOS 'DOD KYIS BRAM ZE LA 'DI SKAD CES SMRAS SO, ,SLOB DPON, BDAG LA LEGS PAR BSHAD PA LEGS PAR BSGRAG TU GSOL, ,'ON TANG KHYOD GANG BZHED PA DE BGYI'O, ,BRAM ZE'I KHYE'U CHOS 'DOD LEGS PAR BSHAD PA'I DON GYI PHYIR

436a

, ,BDAG NYID DOR BAR 'DOD DO ZHES BRAM ZE DANG, KHYIM BDAG RNAMS KYIS THOS NAS DE DAG THAMS CAD DU ZHING GDONG LA MCHI MA ZAG BZHIN DU BRAM ZE'I KHYE'U CHOS 'DOD GA LA BA DER DONG STE PHYIN NAS, BRAM ZE'I KHYE'U CHOS 'DOD LA 'DI SKAD CES SMRAS SO, ,CHOS 'DOD, KHYOD BDAG NYID MA DOR CIG ,CHOS 'DOD KHYOD NI KHYIM NA 'DUG BZHIN SBYIN PA SBYIN PA DANG, BSOD NAMS BYA BAR NUS SO, ,BRAM ZE'I KHYE'U CHOS 'DOD KYIS BRAM ZE DANG, KHYIM BDAG DE DAG LA 'DI SKAD CES SMRAS SO, ,BTZUN PA DAG, DE SKAD MA GSUNG ZHIG ,BDAG GIS SLOB DPON GYI DGONGS PA NGES PAR BSKANG BAR BGYI'O, ,DE NAS BRAM ZE'I KHYE'U CHOS 'DOD KYIS MCHOD SDONG CHEN PO 'DZUGS SU BCUG STE; MCHOD SDONG CHEN PO BTZUGS NAS DE'I DRUNG DU DONG CHEN PO RKOR BCUG STE, BRKOS NAS MES 'GENGS SU BCUG GO ,ME MI 'BAR ZHING DU BA MI 'THUL BAS BKANG NAS BRAM ZE DE LA 'DI SKAD CES SMRAS SO, ,SLOB DPON, BDAG LA LEGS PAR BSHAD PA LEGS PAR BSGRAG TU GSOL, DE NAS BRAM ZE DES BRAM ZE'I KHYE'U CHOS 'DOD LA TSIGS SU BCAD PA 'DI LTA BU BSTAN TO, ,SBYIN PA LA NI RTAG TU DGA' BAR GYIS, ,RTAG TU TSUL KHRIMS YONGS SU RDZOGS PAR SPYOD, ,BRTZON 'GRUS MCHOG GI GNAS NI BRTZAM PAR BGYI, ,

436b

SHES RAB KYIS NI CHOS MCHOG DAM PA THOB, ,DE NAS BRAM ZE'I KHYE'U CHOS 'DOD KYIS BRAM ZE DE LA TSIGS SU BCAD PA 'DI LEGS PAR RAB TU BZUNG STE, SKYE BO PHAL BO CHE BSAGS SO, , SKYE BO PHAL PO CHE BSAGS NAS MCHOD SDONG MTHON PO'I KHAR 'DZEGS TE, SKYE BO PHAL PO CHE LA TSIGS SU BCAD PA 'DI BSGRAGS SO, ,SBYIN PA LA NI RTAG TU DGA' BA GYIS, ,RTAG TU TSUL KHRIMS YONGS SU RDZOGS PAR SPYOD, ,BRTZON 'GRUS MCHOG GI GNAS NI BRTZAM PAR GYIS, ,SHES RAB KYIS NI CHOS MCHOG DAM PA THOB, ,DE NAS BRAM ZE'I KHYE'U CHOS 'DOD KYIS SKYE BO PHAL PO CHE DE LA TSIGS SU BCAD PA 'DI BSGRAGS NAS 'DI LTA BU'I BDEN PA'I TSIG 'DI BYED DE, SA PHYOGS 'DI NA LHA RGYA CHEN PO GANG DAG GNAS PA RNAMS BDAG LA DGONGS SU GSOL, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DE DAG THAMS CAD KYANG BDAG LA DGONGS SU GSOL, BDAG NI GTONG BA BGYID DE, SHIN TU GTONG BA DANG, GTONG BA'I YANG GTONG BA DANG, BDAG NYID YONGS SU GTONG BA BGYID DO, ,BDEN PA DANG, BDEN PA'I TSIG GANG GIS BDAG YONGS SU GTONG BA BGYID PA NI RGYAL PO'I SLAD DU MA LAGS, LONGS SPYOD KYI SLAD DU MA LAGS, MTHO RIS KYI SLAD DU MA LAGS, 'KHOR LOS BSGYUR BA'I RGYAL PO'I SLAD DU MA LAGS KYI, GZHAN DU NA

437a

, ,BDAG JI LTAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN MA DUL BA RNAMS GDUL BAR BGYI MA BRGAL BA RNAMS BSGRAL BAR BGYI, MA GROL BA RNAMS DGROL BAR BGYI, DBUGS MA PHYIN PA RNAMS DBUGS DBYUNG PAR BGYI, YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR BGYI SNYAM PA'I SLAD DU STE, BDEN PA DANG, BDEN PA'I TSIGS DES BDAG GI YONGS SU GTONG BA 'BRAS BU MED PAR MA GYUR CIG CES BYAS NAS ME DONG DER BDAG NYID MCHONGS SO, ,DGE SLONG DAG ,BRAM ZE'I KHYE'U CHOS 'DOD ME DONG DER MCHONGS MA THAG TU ME DONG DE'I ME SHI STE, PADMA'I RDZING DU GYUR NAS BUNG BA SGRA ZI ZI ZER BA'I PADMA LA BRAM ZE'I KHYE'U CHOS 'DOD 'DUG NAS CHOS STON TE, TSANGS PAR SPYOD PA, THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA; YONGS SU RDZOGS PA, YONGS SU DAG PA, YONGS SU BYANG BA YANG DAG PAR STON TE, BRAM ZE DE NI LUS THAMS CAD NAS ME BYUNG STE TSIG NAS TSIG GO ZHES SMRAS TE, SEMS CAN DMYAL BA CHEN POR LTUNG NGO, ,DE LA BRAM ZE'I KHYE'U CHOS 'DOD KYIS 'DI SKAD CES SMRAS SO, ,SLOB DPON, MA BSNYENGS SHIG ,BDAG GIS KHYOD BSKYAB PAR BGYI'O, ,DE

437b

NAS BRAM ZE'I KHYE'U CHOS 'DOD KYIS DE'I TSE 'DI LTA BU'I BDEN PA'I TSIG 'DI BYAS TE, BDEN PA DANG, BDEN PA'I TSIG GANG GIS BDAG SEMS CAN RNAMS KYI DON DU BYANG CHUB LA SPYOD PA'I BDEN PA DANG, BDEN PA'I TSIG DES BRAM ZE 'DI'I LUS TSIG PA RAB TU ZHI BAR GYUR CIG ,SEMS CAN DMYAL BA LAS KYANG LOG PAR GYUR CIG CES BYAS SO, ,BRAM ZE'I KHYE'U CHOS 'DOD KYIS BDEN PA DANG, BDEN PA'I TSIG BYAS MA THAG TU BRAM ZE DE SEMS CAN DMYAL BA DE NAS THAR PAR GYUR TO, ,DGE SLONG DAG ,DE'I TSE DE'I DUS NA, BRAM ZE'I KHYE'U CHOS 'DOD CES BYA BAR GYUR PA DE GZHAN ZHIG YIN PA SNYAM DU KHYOD DOGS SHING THE TSOM ZA NA DE LTAR MI BLTA STE, DGE SLONG DAG ,NGA DE'I TSE DE'I DUS NA BRAM ZE'I KHYE'U CHOS 'DOD CES BYA BAR GYUR TO, ,DGE SLONG DAG ,DE'I TSE DE'I DUS NA BRAM ZER GYUR PA DE GZHAN ZHIG YIN PA SNYAM DU KHYOD DOGS SHING THE TSOM ZA NA DE LTAR MI BLTA STE, KHYIM BDAG DPAL SBAS DE'I TSE DE'I DUS NA BRAM ZER GYUR TO, ,DGE SLONG DAG ,DE'I TSE'ANG KHYIM BDAG DPAL SBAS NGA ME DONG DU BSREGS LA SEMS CAN DMYAL BA CHEN POR LTUNG BAR 'DOD PA LAS, NGAS DE SEMS CAN DMYAL BA CHEN PO DE NAS BZLOG CING, 'PHAGS PA'I CHOS 'DUL BA LA BZHAG STE 'DI DANG, DE'ANG DE BZHIN DU ZUNGS SHIG ,DGE SLONG DAG ,DA LTAR YANG DPAL SBAS NGA ME DONG DU BSREGS LA SEMS

438a

, ,CAN DMYAL BA CHEN POR LTUNG BAR 'DOD PA LAS, NGAS DE SEMS CAN DMYAL BA CHEN PO DE LAS BZLOG CING 'PHAGS PA'I CHOS 'DUL BA LA BZHAG STE, DE DANG 'DI'ANG DE BZHIN DU ZUNGS SHIG ,DGE DANG MI DGE SNGON BYAS CHUD MI ZA, ,MKHAS PA RNAMS LA BSTEN PA CHUD MI ZA, ,'PHAGS PA'I TSOGS KYIS LEGS BSHAD CHUD MI ZA; ;BYAS LA BYAS GZO NAM YANG CHUD MI ZA, ,LEGS PAR BYAS PA DGE BA'I LAS, ,NYES PAR BYAS PA MI DGE YIN, ,DE LA'ANG RNAM PAR SMIN YOD DE, ,GDON MI ZA BAR 'BRAS BU SMIN, BCOM LDAN 'DAS KYIS DE SKAD CES BKA' STZAL NAS, DGE SLONG DANG, DGE SLONG MA DANG, DGE BSNYEN DANG, DGE BSNYEN MA DE DAG DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG BCAS PA DANG, THAMS CAD DANG LDAN PA'I 'KHOR DE YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DPAL SBAS ZHES BYA BA'I MDO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHUS CHEN GYI LO TZ'A BA BANDE YE SHES SDES BSGYUR CING ZHUS TE, SKAD GSAR BCAD KYIS BCOS NAS GTAN LA PHAB PA,,