, ,RGYA GAR SKAD DU, MA H'A YAKshA SE N'A PA TI N'I L'AMBA RA DHA RA BADZRA P'A nI S'A DHA NAm, BOD SKAD DU, GNOD SBYIN GYI SDE DPON CHEN PO LAG NA RDO RJE GOS SNGON PO CAN GYI SGRUB THABS, ,DKON MCHOG GSUM LA PHYAG 'TSAL LO, ,DANG POR RE ZHIG RANG GI SNYING GAR ZLA BA'I DBUS SU YI GE H'Um BSAMS TE, DE'I 'OD ZER GYIS BLA MA DANG SANGS RGYAS LA SOGS SNANG BYA STE, MCHOD PA BYA BA NI DKON MCHOG GSUM ZHES BYA BA LA SOGS PA'I TSIGS SU BCAD PA BRJOD NAS, ,BYAMS PA DANG SNYING RJE DANG DGA' BA DANG BTANG SNYOMS BSGOM MO, ,DE NAS RANG GI SEMS RIG PAR BYA STE, CHOS THAMS CAD GDOD MA NAS MA SKYES PA STE, RANG BZHIN GYIS 'OD GSAL BAS BDAG MED PA SEMS KYI SPRUL PA TZAM STE, 'DI LTAR BSAMS NAS DE NYID KYI SNGAGS BRJOD PAR BYA'O, ,DE NAS RNAM PA LNGA MNGON PAR BYANG CHUB PA'I RIM PAS, BCOM LDAN 'DAS DPAL PHYAG NA RDO RJE BSGOM PAR BYA STE, SKU MDOG NAG PO YI GE H'Um LAS BYUNG BA, ZHAL GCIG PHYAG GNYIS RDO RJE DRIL BU BSNAMS PA, SPYAN GSUM PA SPRUL GYIS BRGYAN PA, GOS SNGON BSNAMS PA MCHE BA GTZIGS PA, 'DOD DGUR BSGYUR BA'I GZUGS CAN, GSANG SNGAGS LAS JI SKAD BRJOD PA'I TSUL 'DZIN PAR BSGOMS NAS, YE SHES SEMS DPA' SPYAN DRANGS TE YANG DAG PAR MCHOD NAS, DGUG PA DANG, GZHUG PA DANG, BCING BA DANG, RJES SU MNYES PAR BYAS LA, LUS NGAG YID GSUM BYIN GYIS BRLAB PA DANG, PHUNG PO DANG SKYE MCHED LHA'I NGA RGYAL BYAS TE DBANG BSKUR NAS, YANG MCHOD PA DANG BSTOD PA DANG, BDUD RTZI MYANG BA LA THUG PA BYAS NAS, AOm N'I L'Am BA RA DHA RA YA, ZHES BYA BA LA SOGS PA'I SNGAGS BZLAS PAR BYA'O, ,BZLAS PAS SKYON CUNG ZAD BSGOM PAR BYA'O, ,DE NAS LDANG BAR 'DOD NA GTOR MA BYIN GYIS BRLABS TE BSNGOS LA, DE NAS YE SHES KYI LHA GSHEGS SU GSOL TE, BDAG NYID DPAL PHYAG NA RDO RJE'I NGA RGYAL DANG LDAN PAS SPYOD LAM BYA'O, ,DE LA RNAM PA LNGAS MNGON PAR BYANG CHUB PA BSKYED PA NI CHOS THAMS CAD GDOD MA NAS MA SKYES PAR BSAMS SHING
, ,BRJOD PAS, SEMS TZAM GYI RNAM PAR DMIGS TE, SEMS KYI BDAG NYID ZLA BA'I DKYIL 'KHOR AA YIG GI RNAM PA CAN BSGOMS LA, AOm PRA TI BE DHAm KA RO MI ZHES BRJOD PA NAS, YANG ZLA BA'I DKYIL 'KHOR BSGOMS NAS, AOm BO DHI TZITTA AUTB'A D'A Y'A MI ZHES BRJOD PAS, KA YIG GE RNAM PA CAN GYI ZLA BA BSGOM MO, ,DE'I STENG DU YI GE H'Um LAS BYUNG BA'I RDO RJE 'BAR BA BUM PA H'Um GIS MTSAN PA BSGOMS TE, AOm TIshthA BADZRA ZHES BRJOD PAR BYA'O, ,GSANG SNGAGS KYI BYIN GYI RLABS KYIS BDAG NYID RDO RJER GYUR NAS, AOm BADZRA A'ATMA KO&HAm, ZHES BRJOD PAR BYA'O, ,SANGS RGYAS THAMS CAD KYI RNAM PA'I 'OD ZER BSDUS PA'I SBYOR BA BYAS PAS, JI SKAD DU BRJOD PA'I DPAL PHYAG NA RDO RJER GYUR PAR BYAS LA, YA TH'A BADZRA DHA RA SH'A AA HAm ZHES BRJOD PAR BYA'O, ,SNGON DU GNAS BSKYED PAR 'DOD PA RNAMS KYIS STONG PA NYID LAS BKA'I 'KHOR LO RTZIBS BCU PA RAB TU 'BAR BA BSAMS TE, DBUS SU KHRO BO GNOD MDZES RGYAL PO, ,RTZIBS RNAMS LA KHRO BO BCU RIM BZHIN BSAMS TE, H'Um BZHI'I SNGAGS BRJOD PAS KHRO BO BCU'I 'OD ZER GYIS GDUG PA CAN THAMS CAD BKUG STE SKU GSUNG THUGS KYI PHUR PA BTAB PAS KHRO BO BCU'I 'OD ZER GYIS THAMS CAD BTUL ZHING SBYANGS TE NAM MKHA'I NGO BO NYID DU GYUR PAR BYA'O, ,DE NAS YANG NAM MKHA' LA RAm NYI MA LA GNAS PA'I H'Um LAS BYUNG BA'I RDO RJE'I 'OD ZER GYIS RDO RJE RAB DANG SA GZHI DANG DRA BAS BSKOR BA'I DKYIL DU KHANG PA BRTZEGS PA BSGOM PAR BYA'O, ,DE YANG KHA CIG NI RLUNG GI DKYIL 'KHOR NI RI RAB LA THUG GI BAR DU RIM PA BZHIN BSKYED NAS DE YONGS SU GYUR PA LAS KHANG PA BRTZEGS PA BYA ZHES 'DOD DO, ,KHA CIG NI RI RAB KYI STENG NA KHANG PA BRTZEGS PA ZHES 'DOD DO, ,KHA CIG NI CHOS KYI 'BYUNG GNAS KYI DKYIL DU BSKYED PAR 'DOD DO, ,'DIR JI LTAR 'DOD PA BZHIN BSKYED PAR BYA'O, ,DE YANG, GRU BZHI PA LA SGO BZHI PA, ,TVA RA NA BZHIS MDZES PAR BYAS, ,DRA BA DANG DRA BA PHYED PA LA SOGS PAS BRGYAN PA'I DBUS SU SNA TSOGS PADMA LA NYI MA'I DKYIL 'KHOR GYI STENG DU RNAM
PA LNGAS MNGON PAR BYANG CHUB PA'I RIM PAS SKU BSKYED PAR BYA'O, ,YE SHES SEMS DPA' SPYAN DRANG BA'I SNGAGS NI DZA:H'Um BAm HO: ZHES BYA BAS DGUG PA LA SOGS PA MNYES PA LA THUG PAR BYA'O, ,DE LA BYIN GYIS BRLAB PA KHAMS DANG SKYE MCHED DAG PAR BYA BA NI RIGS GSUM DANG RIGS LNGA'I RANG BZHIN DU'O, ,DBANG BSKUR BA NI ME BSKYOD PAS DBU BRGYAN PA'O, ,MCHOD PA RNAMS NI PHYI ROL DAG GIS TE PHYI ROL GYI MCHOD PA RNAMS NI AARGHA DANG ME TOG LA SOGS RANG GI MING GI DANG PO DANG, THA MA'I PHYAG DANG BCAS PAS DBUL BAR BYA'O, ,BSTOD PA NI MING LNGA'I SHLO KA GCIG GAM, MANG BCU PA'AM MING BRGYA RTZA BRGYAD PA LA SOGS PAS BSTOD PA BYA'O, ,BZLAS PA'I DUS SKU GSUNG THUGS KYI LHA DANG YE SHES SEMS DPA'I THUGS KAR GDAN DANG MTSAN MA JI LTA BA BZHIN BSAMS TE, RANG GI SA BON GYIS MTSAN PAR BYAS LA, BRTAN NAS GSANG SNGAGS KYI PHRENG BA RAB TU 'OD 'BAR BA DANG BCAS PA SPRO BA DANG BSDU BAR BYA'O, ,YE SHES SEMS DPA'I THUGS KAR ZLA BA'I DKYIL 'KHOR H'Um GIS MTSAN PA SNGAGS KYI PHRENG BA CAN NO, ,SLAR GSHEGS SU GSOL BA NI SA BON SNYING PO'AM DE NYID GSUM GYI SNGAGS MU: ZHES BYA BA DANG LDAN PA'O, ,LAG NA RDO RJE GOS SNGON PO CAN GYI SGRUB THABS SLOB DPON BHA BAS MDZAD PA'I MAN NGAG RDZOGS SO,,