, ,RGYA GAR SKAD DU, PRA TYA SA MUTPA DA SYA N'A MA RAKshA, BOD SKAD DU, RTEN CING 'BREL PAR 'BYUNG BA'I SRUNG BA ZHES BYA BA, DPAL PHYAG NA RDO RJE LA PHYAG 'TSAL LO, ,BDE GSHEGS MTHU DANG SEMS CAN LAS, ,BSAM GYIS MI KHYAD PAR BSHAD PAS, ,DE BZHIN RTEN 'BREL NUS PA'I MTHU, ,BSAM GYIS MI KHYAB PA YIN PAS, , GNOD BYED RNAMS KYI DGRAR GYUR PA, ,MDOR BSDUS BDAG GIS BSHAD PAR BYA, ,SRUNG BYED RNAM RGYAL AA RU RA, ,BCANGS SAM LUS LA BRTEN PA YIS, ,MAR ME'I SNANG BAS MUN SEL LTAR, ,PHYOGS SU GNAS PAR MI NUS SO, ,DON KUN GRUB BYED NOR BU DANG, ,DE BZHIN TSE BSRING NOR BU DANG, ,AINDRA N'I LA SPUR LONG DANG, ,RIN CHEN NOR BU SNA TSOGS NOR, ,GANG ZHIG LUS LA 'CHANG BYED PA, ,NOR BU'I MTHU NI BSAM MI KHYAB, ,NYI MA SHAR SAR GRIB MI GNAS, ,DE BZHIN GDON DE MI GNAS SO, ,BDE GSHEGS DGRA BCOM BYANG CHUB SEMS, ,DE
BZHIN RNAL 'BYOR PA YI GDUNG, ,MCHOD CING BCANGS PA TZAM GYIS NI, ,ZHE SDANG ZHI NAS MCHOD BYED 'GYUR, ,LNGA BRGYA STONG DU LON PA YI, ,RMANG GI SA'AM THAB KYIS, ,SNGAGS BTAB BSKUS PA TZAM GYIS NI, ,DPAG TSAD BYE BA BRGYA RU 'BROS, ,DUG DGRA'I MKHRIS PA MA RUL BA, , MAN NGAG GIS NI BRTEN BYAS NA, ,KLU YI RGYAL PO 'JOG PO YIS, ,BZUNG BA YANG NI GTONG BAR 'GYUR, ,GSER CHU DNGUL CHU MU ZI YI, ,BCUD LEN LA SOGS SBYOR BAS NI, ,GDON DE NYE BAR MI 'GYUR RO, ,'DI LA MA DANG RIGS MA YIN, ,'BRAS BU GSUM DANG BHRi NGAG RA, ,SBRANG RTZI MAR DANG LDAN PA DANG, ,SNA TSOGS PA YI SMAN RNAMS KYI, ,NUS PA BRJOD KYIS MI LANG BAS, ,RTAG TU GOMS PAR BYAS PAS NI, ,GDON DE BZLOG PAR 'GYUR BA YIN, ,GA PUR LA SOGS BDUD RTZI LNGA, ,RGYUN DU LUS LA BSTEN PA YIS, ,GDON DE PHYOGS SU MI NYE'O, , 'DI YI NUS PA BSAM MI KHYAB, ,GA PUR DZ'A TI TZANDAN DANG, ,GLA RTZI GUR GUM DRI LNGA NI, ,RTAG TU LUS LA BRTEN PA YIS, ,TSOR BA TZAM GYIS BYE BAR 'BROS, ,GU GUL LA SOGS SBYAR BA'I SPOS, ,BCANGS SAM BDUGS PA TZAM GYIS NI, ,KLAD PA 'GAS SHING 'THOMS GYUR PAS; ,SKAD CIG TZAM YANG MI GNAS SO, ,GSUM LNGA BDUN DGU LON PA YI, ,SHIN TU SKYUR BA'I SBYOR BA YIS, ,ME YI PHUNG PO'I RTZE MO LA, ,SBRANG BU LA SOGS MI GNAS LTAR, ,SHIN TU 'JIGS PAS 'BROS PAR 'GYUR, ,SBYOR BA 'DI NI BSNGAGS PA YIN, ,DGU GSUM NYI SHU LNGA BCU GCIG ,BRGYA LA SOGS PA LON PA YIN, ,RTZI MAR GYI NI 'KHRU SMAN BZHIN, ,MOD LA DE NI 'BYUNG 'GYUR RO, ,ZLA BA'I SHEL LAS CHU 'BYUNG DANG, ,NYI MA'I SHEL LAS ME 'BYUNG BA, ,MI RIGS PAR NI SMRA MIN PAS, ,DE BZHIN SNA TSOGS RTEN 'BREL MTHU, ,MED PA RU NI MI SMRA'O, ,MTHU NI MNGON DU 'BYUNG BAS NA, ,MA DAD PA NI RIGS MED PAS, ,DE LA YID CHES BRTAN PAR BZUNG, ,RTEN 'BREL SBYOR BA BCU GNYIS LA, ,DAD PAS BLA MA MNYES BYAS TE, ,MAN NGAG RIM PA BLANG BAR BYA, ,MNYES PA YIS NI GZHAN DU MIN, ,RTEN 'BREL
, ,NUS PA BRJOD MI LANG, ,RANG NYID KYIS MTHONG 'GA' TZAM SMRAS, ,'DI LA DGE RTZA CI YOD PAS, ,GDUG PA RNAMS NI SRUNG BYED SHOG ,RTEN CING 'BREL PAR 'BYUNG BA'I SRUNG BA ZHES BYA BA, NAM GRU'I RIGS LAS BYUNG BA, DNGOS GRUB BRNYES PA DZ'A BA RI'I ZHAL SNGA NAS MDZAD PA RDZOGS SO,, ,,PAndI TA DE BA P'U RnA MA TI DANG, LO TZ'A BA SHE'U BADZRA DE BA'I 'GYUR,,