, ,RGYA GAR SKAD DU, N'I L'Am BAR DHA RA BADZRA P'A nI MA H'A YAKshA TZAKRA MA H'A DE BA GA nA MAndALA STO TRA N'A MA, BOD SKAD DU, GNOD SBYIN GYI SDE DPON CHEN PO LAG NA RDO RJE GOS SNGON PO CAN 'KHOR LO CHEN PO'I LHA TSOGS LA BSTOD PA ZHES BYA BA, DPAL PHYAG NA RDO RJE LA PHYAG 'TSAL LO, ,H'Um LCANG LO CAN GYI GNAS MCHOG DAM PA NA, ,SA BCU'I BYANG CHUB SEMS DPA'I GTZO BO STE, ,SKYE MED DANG LAS LONGS SPYOD RDZOGS PA'I SKU, ,YON TAN MA LUS RDZOGS PA KHYOD LA 'DUD, ,SPRUL PA'I SKU MCHOG GDUG PA 'DUL MDZAD PA, ,BRJID PA'I SKU MDA' SPRUL BRGYAD SKU LA BRGYAN, ,SNANG SRID DBANG DU SDUD PA'I MTHU STOBS CAN, ,SRID GSUM SDUG BSNGAL MTHAR MDZAD KHYOD LA 'DUD, ,ZHABS GNYIS BRKYANG BSKUM MTHING NAG 'BAR BA'I ZHAL, ,G-YAS DKAR DMAR SPYAN NI GSUM GSUM LDAN, ,PHYAG DRUG RDO RJE G-YAS 'CHANG G-YON SDIGS MDZUB, ,BAR GNYIS THAL RDEBS MTHA' GNYIS SBRUL GSOL 'DUD, ,DPRAL BA'I KHRO GNYER SMIN MA G-YO ZHING 'KHRUG ,DBU
, ,SKRA KHAM NAG GYEN BRDZES ME STAG 'PHRO, ,RAL PA'I COD PAN SPRUL GYI GDENGS KAS BRGYAN, ,RIGS KYI BDAG POS DBU BRGYAN KHYOD LA 'DUD, ,LJAGS 'DRIL MCHE GTZIGS NGA ROS 'PHRUG SGRA SGROGS, ,KHA RLANGS ME LTAR 'BAR BAS GDUG PA BSREG ,MCHE BA GTZIGS BAS DUG GSUM RTZAD NAS GCOD, ,NYON MONGS 'JOMS PAR MDZAD PA KHYOD LA 'DUD, ,'JIG RTEN GSUM SLOB SKU MCHOG SHIN TU BRJID, ,SNGON PO 'CHAD PA'I NA BZA' SKU LA GSOL, ,DUS MTHA'I MA LTAR 'OD ZER 'BAR BA'I SKU, ,SRID GSUM ZIL GNON KHYAD 'PHAGS KHYOD LA 'DUD, ,GSUS PA'I SMAD 'KHYIL STAG GI SHAM THABS CAN, ,TSANGS PA BRGYA BYIN NYI ZLA 'BAR BA'I STENG, ,ZHABS GNYIS PHRAG BZHAG YON TAN RDZOGS PA'I SKU, ,MTHA' GNYIS RTAG CHAD SEL MDZAD KHYOD LA 'DUD, ,RNGAM PA'I SKU YIS BDUD RNAMS 'DUL BAR MDZAD, ,BRANG 'GRO BRGYAD KYIS SKU BRGYAN KRU DBANG 'DUL, ,BRKYANG BSKUM BRJID PAS GNOD SBYIN ZIL GYIS GNON, ,PHRIN LAS MTHAR MDZAD KHYOD LA PHYAG 'TSAL 'DUD, ,SBRUL PA'I KHRO TSOGS BYE BA SKU LAS 'PHRO, ,H'U% PHAt SGRA 'BYIN MTSON CHA MANG POS 'DEBS, ,MTHING NAG SKU YIS KHAMS GSUM CHO NGES 'DEBS, ,SPRUL PAS SKRAG MDZAD KHYOD LA PHYAG 'TSAL 'DUD, ,YUM MCHOG MDZES LDAN MTHING NAG ZHAL GCIG MA, ,PHYAG G-YAS GRI GUG GDUNG DMAR ZHAL DU STOBS, ,RUS PA'I PHRENG BRGYAN BSKAL PA'I 'OD ZER 'PHRO, ,SPRUL PA GRANGS MED KHRO CHUNG 'PHRO LA 'DUD, ,DRI ZA'I RIGS 'DUL KHRO RGYAL BDUD LAS RGYAL, ,SKU YI RANG BZHIN ZHI BA'I LAS MDZAD PA, ,DKAR GSAL ZHAL GCIG PHYAG BZHI RDO RJE 'PHYAR, ,RTZE GSUM SDIGS MDZUB GTI MUG 'JOMS LA 'DUD, ,BRKYANG BSKUM BZHUGS NAS NA BZA' SNGON PO GSOL, , BRANG 'GRO BRGYAD KYIS SKU BRGYAN MTHU STOBS CAN, ,GSUNG GI NGA ROS LOG 'DREN GDUG PA 'DUL, ,RNGAM MDZAD BDUD LAS RGYAL BYED KHYED LA 'DUD, ,MNYES BYED YUM NI LHA MO 'OD ZER CAN, ,DKAR MO 'DZUM CAN ZHAL GCIG PHYAG GNYIS LDAN, ,SPU GRI GTZO 'KHYUD
DUNG DMAR YAB LA STOBS, ,KHRO CHUNG BYE 'GYED LHA MO KHYOD LA 'DUD, ,GSHIN RJE 'DUL MDZAD YON TAN RANG BZHIN SKU, ,RGYAS PA'I PHRIN LAS MTHAR PHYIN SKU MDOG SER, ,ZHAL GCIG PHYAG BZHIS BDUD 'DUL RDO RJE 'PHYAR, ,DBYUG TO G-YON 'DZIN SDIGS MDZUB 'KHYUD KHYOD 'DUD; ,ZHABS GNYIS BRKYANG BSKUM GSHIN RJE GNON MDZAD 'GYING, ,BRJID SKU NA BZA' SNGON PO STAG RIS GSOL, ,RIGS BZHI GDUG PAS SKU BRGYAN YON TAN RGYAS, ,SPRUL PA'I KHRO 'GYED GZI BRJID 'BAR KHYOD 'DUD, ,DGYES MDZAD LHA MO DBYANGS CAN GSER MDOG ZHAL, , ZHAL GCIG PHYAG GNYIS RAL GRI GTZOL [*GTZO LA?] 'KHYUD, ,BANDHA KHRAG BKANG YAB KYI ZHAL DU STOBS, ,SPRUL PA GRANGS MED 'GYED MDZAD KHYOD LA 'DUD, ,KLU DBANG 'DUL MDZAD GSUNG GI RANG BZHIN SKU, ,DBANG GI PHRIN LAS MTHAR PHYIN SKU MDOG DMAR, ,'GYING BAG ZHABS GNYIS BRKYANG BSKUMS BDAG GNON, ,RNGAM CHEN ME LTAR 'BAR BA KHYOD LA 'DUD, ,ZHAL GCIG PHYAG BZHIS RDO RJE SPRUL ZHAGS BSNAMS, ,SDIGS MDZUB 'KHYUD MDZAD GSUNG GI RNGAM STABS CAN, ,SPRUL RIGS BZHIS BRGYAN GOS SNGON STAG RIS GSOL, ,KLU RIGS DBANG SDUD RNGAM SGRA SGROGS KHYOD 'DUD, ,MNYES MDZAD LHA MO DMAR MO MDZUM BAG CAN, ,ZHAL GCIG PHYAG GNYIS TE'U GTZOL [*GTZO LA?] 'KHYUD, ,DUNG DMAR STOBS MDZAD SPRUL PA'I KHRO TSOGS SPRUL, ,THABS MKHAS SGRA CAN YUM MCHOG 'KHYUD LA 'DUD, ,GNOD SBYIN RIGS 'DUL PHRIN LAS RANG BZHIN SKU; ,RTOG PA'I PHRIN LAS MTHAR PHYIN SKU MDOG LJANG, ,ZHAL GCIG PHYAG BZHI SKU MCHOG PHYAG MTSAN LDAN, ,PHRIN LAS BZHI MDZAD RDO RJE BE CON 'DZIN, ,SDIGS MDZUB GNYIS MDZAD YUM LA 'KHYUD KHYOD 'DUD, ,BRKYANG BSKUM MDZAD PA RIGS BZHI'I SPRUL GYIS BRGYAN, ,STOD G-YOGS SNGON PO STAG RIS NA BZA' GSOL, ,PHRIN LAS THAMS CAD RDZOGS MDZAD MTHU STOBS CAN, ,BGEGS RNAMS 'JOMS MDZAD BDUD RTZI 'KHYIL KHYOD 'DUD, ,THOD GYUR LJANG GU ZHAL GCIG PHYAG GNYIS MA, ,THABS SHES TSUL LDAN 'KHOR LO GTZO LA 'KHYUD, ,SNYING RJE'I RANG BZHIN
, ,BHAN DMAR YAB LA STOBS, ,SPRUL LNGA 'GYED MDZAD RLUNG 'BYIN SKU LA 'DUD, ,DZA:H'Um BAm HO: 'JIGS STON RGYAS 'DEBS MA, ,BDUD DANG MU STEGS SKRAG MDZAD SNYING NAS 'DREN, ,LCAGS KYU ZHAGS PA LCAGS SGROG DRIL BU MA, ,BDUD DPUNG 'JOMS MDZAD SGO MA BZHI LA 'DUD, ,RANG GI DAD PA'I STOBS KYIS BSKUL GYUR NAS, ,MOS PA'I DBANG GIS BSTOD PA 'DI BYAS PA'I, ,BSOD NAMS TSOGS GYUR SGRIB PA GNYIS BYANG NAS, ,RGYUD SHEL LTAR DAG SEMS CAN DON BYED SHOG ,BSTOD PA MOS BA'I RGYUD NGAN THA BA BTUL, ,MA RIG MUN SEL DAG PA ZLA ZER 'DRA, ,DRI MED GSAL BA GANG THOB SEMS CAN RNAMS, ,'KHOR LO CHEN PO'I LHA ZHAL MTHONG BAR SHOG ,GNOD SBYIN GYI SDE DPON CHEN PO LAG NA RDO RJE GOS SNGON PO CAN 'KHOR LO CHEN PO'I LHA TSOGS LA BSTOD PA ZHES BYA BA, NAM GRU'I RIGS LAS BYUNG BA DNGOS GRUB BRNYES PA'I SLOB DPON DZ'A BA RI PAS MDZAD PA RDZOGS SO,, ,,RGYA GAR GYI PAndI TA CHEN PO DE BA P'U RnAM TI DANG, BOD KYI LO TZ'A BA DGE SLONG 'GAR CHOS KYI BZANG POS BSGYUR BA'O,,