, ,RGYA GAR SKAD DU, KRA MA shA tA N'A MA, BOD SKAD DU, RIM BA DRUG PA ZHES BYA BA, DPAL PHYAG NA RDO RJE LA PHYAG 'TSAL LO, ,'GRO RNAMS RTOG PA'I NGOR GYUR RTOG GNAS TE, ,DE LA RTOG CING DGE DANG MI DGER 'DZIN, ,DUG DGRA'I GSEB THAR CHU SRIN KHA RU NI, ,GRU CHAD BZHIN DU DGA' DANG MI DGA' STE, ,RTAG TU BRTZE BAS 'DZIN CING NGA ROS 'JIGS, ,DE LA DNGOS PO KUN GYIS 'DUD CING 'DUD, ,BKA' DRIN THOB DANG RANG NYAMS RTOG DE DRAN, DE 'DIR 'DOD LHA MNYES DANG NGES 'BYUNG DANG, ,SBYOR BA GZHAN GYIS NGES PAR 'BYUNG BA YIN, ,DANG PO GNYIS YIN GNYIS PA BZHI RU SNANG, DANG PO BZLAS PA 'GRUB DANG GRUB PA'I RTAGS, ,GSANG SNGAGS 'GRUB PA'I RTAGS DANG MTSAN MA NI, ,GLEGS BAM DU MA 'TSER MTHONG LAG GIS LEN, ,RNGA CHEN DUNG DANG CHA LANG DRIL BU DANG, ,MCHOD PA'I SGRA SGROGS DU MA'I GZUGS MTHONG BA, ,MAndALA DKYIL 'KHOR LAS BYED CHOS 'CHAD NYAN, ,GLEGS BAM KLOG CING DKYUS LTAR 'DRI BA SMRA, ,RAS RIS LA NI BDE GSHEGS GZUGS BRNYAN NI, ,DU MA MTHONG ZHING RTEN GYI GZUGS MTHONG BA, ,ROL MO'I GZUGS BYED MCHOD RTEN GDUGS SOGS BYED, ,RDO RJE LA SOGS MTSAN MA RNYED DAM MTHONG, ,ME TOG SNA TSOGS GSAL BAR MTHONG BA DANG, ,NYI ZLA'I 'OD 'BAB GZA' SKA RA GO MTHONG DANG, ,ME GTONG DU LANGS NAM MKHA' YANG NI 'KHRIGS, ,RDZING LA CHU 'DRE NA KHRON BA LAS NI LE NA, ,'BRAS KYI MYU GU BZANG DANG LO MA BZANG, ,CE SBYANG LA SOGS THUL BA GOS BZANG GYON, ,RGYAN CHA BZANG ZHING MTSON CHA RNO BA 'DZIN, ,DE RNAMS BYUNG GYUR GSANG SNGAGS GRUB PA'I RTAGS, ,RNAL 'BYOR PAS GSANG SNGAGS 'GRUB PA'I RTAGS KYI RIM PA STE RIM PA DANG PO'O,, ,,MIG LA SOGS PA'I DBANG POS SRID GSUM MTHONG, ,THOS DANG SNGA PHYI'I SKYE DRAN RDZAS KUN LUD, ,RAS RIS BZHAD CING RO SOGS 'OD 'BYUNG DRI, ,MUN NAG ME TOG CHAR 'BAB 'JA' TSON SNANG; ,TSOGS NA CHOS 'CHAD MUN NAG GLEGS BAM DPYOD, ,NAM MKHA' STONG LAS SNA TSOGS ROL MO'I SGRA, ,'BRUG SGRA GLOG 'GYUR THOG CHEN 'BEBS PA DANG, ,NAM MKHA' STONG ZHING SPRIN SNGON MTHONG BA DANG, ,DE BZHIN MTHING NAG SPRIN SNGON NGES 'GYUR DANG, ,NYI ZLA'I DKYIL 'KHOR 'OD LDAN SA GZHI BDAL,
RAS RIS LUGS MA LA SOGS BDE GSHEGS GZUGS, ,MCHOD CING SKOR BA BYED DANG RTEN LA SKOR, ,DKYIL 'KHOR BRIS NAS MCHOD DAM DBANG BSKUR BA, ,MDZES PA'I SNOD DU ME TOG SNA TSOGS THU, ,RIN CHEN SNA TSOGS ME TOG BEE P'UR RNYED, ,SHIN TU SKAM PA'I LAS CHU RDOL BA, ,BDAG NYID ME DPUNG NANG 'DUG SROG CHAGS TSIG, ,TING 'DZIN GSAL ZHING YI DAGS GZUGS LA BRTZON, ,DBEN ZHING NYAMS DGA'I GNAS NI DU MA MTHONG, ,RTZE GCIG PA YI BSAM GTAN BYED, ,SENG GE'I KHRI STENG GNAS PA RMI, ,LHA KHANG GNAS GZHI RTZIG MTSUNGS DANG, ,CHU BO CHE DANG, RGYA MTSO'I STENG NAS 'GRO, ,BAR SNANG 'PHUR ZHING BSDIGS PA'I LTOS 'GRO LEN, ,'DI 'DRA'I RMI LAM GSANG SNGAGS GRUB PA'I RTAGS, ,RNAL 'BYOR PAS GSANG SNGAGS GRUB PA'I RTAGS KYI RIM PA STE GNYIS PA'O, ,,GNYIS PA BZHI PA'I DANG PO'I MTSAN NYID NI, ,SBYOR BA GZHAN BYUNG RNAL 'BYOR NYID LA 'ONG, ,RI GZAR DAG LA MI THAR MTHAR ZAD LHUNG, ,RI BRAGS 'DZUL 'DOD CHU DONG LHUNG BA DANG, ,PHYUGS LHAS 'DAM RDZAB BSHANG GCI'I NANG DANG NI, ,KHA DOG DMAR DANG SKYA BA'I CHU DAG LA, ,RTZUB DANG GNAG PA'I GOS DANG DMAR BA'I GOS, ,SHIN TU HRUL PO'I TSE TA'I BAGS PA'I GYON, ,SHING RTZI RI LAS LHUNG DOGS RTEN MED 'DUG ,GCER BUR 'DUG CING LCAG LCIG CHU NANG 'GRO, ,GZUNG 'DZIN YOD PA'I RTEN SA DE RU NI, ,NYIN DANG MTSAN DU RTAG TU 'GRO BA RMI, ,GLANG NAG GLANG DMAR BA NAG BA DMAR ZHON, ,RTZUB PA'I GOS GYON GA TA LA ZHON PA, ,MA HE BA LANG KHYUS 'GRO SOGS RMI BA, ,GNAG DANG BA LANG KHYUS 'GRO SOGS MTHONG DANG, ,RTA DANG GA TA MIG ZLUM KHYUS 'GRO SOGS, ,BE TA TSE TA KHYUS 'GRO SOGS MTHONG BA, ,SENG GI SPYANG DANG KHYI SOGS MCHE CAN RMI, ,BSE DANG BYI BA SDER CHAGS RMI 'GYUR BA'O, ,SBYOR BA GZHAN GYIS GNOD PA 'GYUR BA RNAL 'BYOR PA LA MCHAN [*MTSAN?] MA 'ONG BA'I RIM PA STE GSUM PA'O,, ,,GNYIS PA'I BZHI PA GNYIS KYI MTSAN NYID NI, ,RNAL 'BYOR STOBS KYIS MI THUB MTSAN NYID NI, ,BYA DANG BA SBRUL GDUG GNAS PA'I MTSO, ,CHU SRIN NYA DANG CHU SOGS GNAS PA DANG, ,SDIG PA SDOM DANG RTZANGS PA RKANG MANGS DANG, ,SBRANG BU MCHU RINGS
, ,SROG CHAGS PHRA MO RNAMS, ,DE RNAMS RMI GYUR BRAN RNAMS SBYOR BA GNOD, ,SBRUL DANG SBAL PA SNGON MA DANG SDIG PA DANG, ,BYA SOGS LUS 'BYAR MCHUS 'DEBS GSHOG SBRUG DANG, ,BE TA LA SOGS RDZI MED MDOG RGOD RMI, ,MI THUB RTAGS TE BUD MED SMYO BA DANG, MI THUB KUN LA BRDEG 'GYUR MDOG RGOD MA, ,RGYAN BZANGS MDZES PA'I SNOD DU ZAS SOGS BKANG, ,RTAG TU RGAN MOR 'ONG 'GYUR MI THUB RTAGS, ,LTOS 'GROS LUS DKRIS LDAN ZHING MI PHREL DANG, ,SDIG DANG RTZANGS SOGS 'BYANG ZHING MCHUS BTZUGS PA, ,SBRANG BU MCHU RINGS SROG CHAGS PHRA MO RNAMS, ,KHRAG 'JIB LUS NANG ZHUGS GYUR MI THUB RTAGS, ,CHU SRIN NYA SOGS CHU CHEN 'PHYO ZHING 'KHYU, ,GNAG DANG DMAR SROG CHU YIS KHYER BA RMI, ,DE YANG MI THUB RTAGS TE BRTZON PAR BZLOG ,DAD LDAN BRTZON PAS MI 'GRUB GANG YANG MED, ,SBYOR BA GZHAN LAS BYUNG BA'I GNOD PA RNAL 'BYOR PA'I STOBS KYIS MI THUB PA'I RTAGS KYI RIM PA STE BZHI PA'O,, ,,GNYIS PA BZHI PA GSUM PA'I MTSAN NYID NI, ,RNAL 'BYOR RTZAL GYIS THUB CING NON PA'I RTAGS, ,MA HE GNAG SOGS RJUD CING RID PA DANG, ,DUD 'GRO RNAMS NI BTAGS SAM BRTOD GYUR PA, ,DUD 'GRO DGRAS KHYER BRTOD DAM RKUN MOS KHYER, ,DUD 'GRO 'TSO DANG 'BRAS KYI PHUB MA 'CHAG ,DUD 'GRO 'KHOR DANG RDZI YIS SBYONG BA DANG, ,DUD 'GRO YOR DANG 'GAB THEGS THUB BA'I RTAGS, ,DUD 'GRO GSAD DANG BTZOS NAS ZA BA DANG, ,RANG GZHAN ME BYUNG DUD 'GRO TSIG GYUR DANG, ,DE NI NGES PAR DBANG DU 'DUS PA'I RTAGS, ,BUD MED RGUD CING DO DMA' SHI BA DANG, ,DU ZHING RGYAN BZANG GUS PAS PHYAG PHYED DANG, ,GNAS NAS GZHAN 'GRO THUB PA'I RTAGS SU BSTAN, ,SBRUL LA SOGS PA'I SROG CHAGS DU MA RNAMS, ,BSAD DAM ZOS SAM SHI'AM DED GYUR DANG, ,SKEM DANG TSIG GYUR THUB PA'I RTAGS YIN NO, ,BYA DANG BYI BA SBRUL GDUG GNAS MTSO SKAMS, ,BUD MED ZHUM ZHING DU BA THUB PA'I RTAGS, ,SBYOR BA GZHAN RNAL 'BYOR PA'I RTZAL GYIS NON PA'I LTAS KYI RIM PA STE LNGA PA'O,, ,,GNYIS PA BZHI PA BZHI PA'I MTSAN NYID NI, ,SBYOR GZHAN RAB TU KHROS PAR GYUR PA NI, ,RANG NYID MI G-YOG NAS NA GNAS NAS NI, ,SBRUL PA SNA TSOGS GZUGS NI STON CING PHYOGS, ,'KHOR DANG
BKA' YI PHO NYA 'GYED CING 'DUG ,RIGS MTHO'I 'DRA 'BAG BU CHUNG RAB BYUNG GZUGS, ,'OD GYUR THANG LAS SKYES PA'I PHO NYA YIN, ,DE NI BZLOG PAR BYA BA'I THABS NI GZUGS, ,BLON PO YUL GYI RGAN RABS 'OD 'GYUR DANG, ,BROD PA SKYES PA GZHON NU BON PO'I GZUGS, ,SNGAGS PA'I GZUGS NI 'ONG 'GYUR BRAG SKYES YIN, ,DE BCOS BYA BA'I THABS NI BSTAN PA YIN, ,DKAR DMAR GNAG CING SHIN TU MANG BA YI, ,BA LANG 'TSO ZHING PHYUGS NANG 'DUG PA DANG, ,RAL PA BZANG PO BUD MED SMUG NAG DANG, ,G-YA' RIG NGAS RI LAS SKYES PHO NYA YIN, ,DE PHYIR THABS NI DU MA YOD PAR GSUNGS, ,BUD MED GZHON ZHING RGYAN BZANGS RAB BYUNG MA, ,MA DANG SRU MO SRING MO NI NE MO YI GZUGS, ,NYE DU NYE 'BREL KHROM CHEN BUD MED DANG, ,BU MO CHUNG MA MTSO LAS SKYES PA YIN, ,DE NI MNAN PA'I THABS NI BYA BA DANG, ,DE RNAMS ZHI 'GYUR 'GA' ZHIG DBANG DU 'DU, ,DBANG DU 'GRO BA RTOG PA'I NAD LAS THAR, ,KHYI LA SOGS PA DUD 'GRO PHAL CHER NI, ,SBYOR BA GZHAN GYI PHO NYA YIN PAS BZLOG, ,RANG GI NGO BO GTZO BO'I GZUGS CAN TE, ,DUD 'GRO'I GZUGS LDAN RGYAN LDAN DE NYID DO, ,NAM MKHA'I MTHONGS NA GNAS SHING SPRUL PA YI, ,GZUGS NI MA LUS BRJOD KYIS MI LANG STE, ,DE YANG DPAG TU MED PA'I MTHA' MI RTOGS, ,DE PHYIR BDE GSHEGS MTHU DANG MTSUNGS PA YIN, ,SBYOR BA GZHAN GYIS BKA'I PHO NYA BKYE BA'I RIM PA STE DRUG PA'O,, ,,BLA MA'I BKA' DANG LHAG LHAS GNANG BA BYIN, ,'GRO LA BRTZE BAS RTOG PA CUNG ZHIG SBYAR, ,DE YI GE BA CI BSAGS PA, , RTOG LA NGES SHING NGES RTOGS SHOG, ,RIM PA DRUG PA ZHES BYA BA RTAGS GSAL BAR BYED PA, NAM GRU'I RIGS LAS BYUNG BA DNGOS GRUB BRNYES PA'I SLOB DPON DZ'A WA RI PAS MDZAD PA RDZOGS SO,, ,,PAndI TA PUnYA MA TI DANG LO TZ'A BA CHOS KYI BZANG POS BSGYUR BA'O,,