, ,RGYA GAR SKAD DU, YAKshA SE N'A PA TA YE BI SHODHA NA HA RA S'A DHA N'A MA, BOD SKAD DU, GNOD SBYIN GYI SDE DPON RNAMS SBYONG ZHING SEL BA ZHES BYA BA'I SGRUB THABS, DPAL PHYAG NA RDO RJE GOS SNGON PO CAN LA PHYAG 'TSAL LO, ,SKU MDOG MTHING NAG KHROS PA'I GZUGS LDAN SHIN TU 'JIGS, ,GNOD SBYIN 'DUL MDZAD MA 'BAR RDO RJE 'DZIN LA GUS BTUD DE, ,LAS DANG NYON MONGS LAS DANG RKYEN GYIS RAB BSKUL NAS, ,'BRAS BU SDUG BSNGAL GNOD SBYIN DUG NI BSAL PHYIR BRI, ,LHA YI BSNYEN PA RAB RDZOGS SHING, ,DUL LA SNYING BRTZER LDAN PA DANG, ,CHO GA THABS LA MKHAS PA DANG, ,DBANG RDZOGS NUS PA LDAN PAS BZLOG ,KHRUS LA SOGS PA DANG LDAN PAS, ,BUM PA YUNGS KAR LEGS PAR BRTAG ,RTAGS BYUNG SGRUB PA RAB TU BRTZAM, ,GNAS NI YID 'OD DER 'DUG STE, ,BSRUNG DANG SA CHOG RDZOGS PA DANG, ,MAndALA LEGS PAR BYAS NAS NI, ,STA GON RDZOGS PAR BYAS PA DANG, ,DMAR GTOR BUM PA LNGA RNAMS DANG, ,'BRU SNA SMAN SNA RIN CHEN DANG, ,KHRAG DANG SHA DANG SNYING LA SOGS, ,RDZAS DANG STA GON RDZOGS PAR BSAGS, ,DE NAS THIG GIS GDAB BYA BA, ,BYIN RLABS DAM TSIG CAN GYIS BYA, ,DANG PO TSANGS THIG GDAB PA DANG, ,ZUR DANG LOGS DANG CHA CHEN DBYE, ,SGO RGYAN LHA SNAM GNYIS BTAB NAS, ,DE NAS TSON RNAMS BYIN GYIS BRLAB, ,DGE BA 'KHOR LO LTE BAR BA CAS, ,LTE BAR NYI MA'I DKYIL 'KHOR LA, ,RDO RJE SNGON PO BRI BAR BYA, ,'KHOR LO'I RTZIBS BRGYAD SER PO STE, ,SHAR DU RAL GRI LHOR DBYUG PA, ,NUB TU MDUNG STE DGRA STA BYANG, ,SHAR LHO 'KHOR LO LHO NUB MDA', ,NUB BYANG GRI GUG BYANG SHAR TRI SH'UL DGOD, ,LHA SNAM PHYOGS SKYONG BCU DGOD DO, ,DE NAS RDZAS RNAMS DGRAM PA NI, ,DBUS SU BUM PA SNGON PO DGOD, ,PHYOGS BZHIR RIGS DANG BSTUN PA'O, ,MTSAMS BZHIR KHRAG GI GTOR MA GZHAG ,GRVA RNAMS MCHOD PA SNGON PO BSHAM, ,PHYOGS SKYONG GTOR MA SGO BZHIR GZHAG ,NAD PA KHRUS BYAS BYANG 'DUG LHO, ,BDAG NYID LHOR 'DUG BYANG DU'O, ,LAS
, ,KYI BUM PA BYANG DU'O, ,DE LTAR RDZAS RNAMS RDZOGS PA DANG, ,MCHOD BSTOD SNGON DU RDZOGS PA DANG, ,SNGAGS KYIS STONG NYID BSGOMS NAS NI, ,DE RJES SA BON H'Um YIG LAS, ,RDO RJE GUR SA GZHIR GYUR, ,DE STENG BH'Um LAS GZHAL YAS NI, ,DUR KHROD 'JIGS PAR BSKYED PAR BYA DE NAS GRU BZHI SGO BZHI PA, ,'KHOR LO RTZIBS BRGYAD MU KHYUD BCAS, ,DRA BA DRA PHYED RTA BABS SO, ,DBUS SU NYI MA DBANG PO'I STENG, ,H'Um LAS BSKYED PA'I RDO RJE CAN, ,ZHAL GSUM PHYAG DRUG RAB BSKYED NAS, ,RE PA LA GNAS H'Um MTHING NAG ,THUGS KAR RAB TU BSGOMS PA LAS, ,RTZIBS BRGYAD RE PHA BRGYAD STENG DU; ,KshA LAS BSKYED PA'I GNOD SBYIN NI, ,SHA ZA DANG NI RAL PA CAN, ,GDONG SER DANG NI SENG GDONG STE, ,MO BZHI MTSAMS SU RAB BSAM BYA, ,RAB TU SMUG NAG SHIN TU DMAR BA DANG, ,RAB TU 'BAR BA'I GSER BSREGS DUNG MDOG GO, ,'KHOR LO MDA' DANG GRI GUG TRI SH'U LA, ,G-YAS NA DE RNAMS G-YON THOD PA'O,, SHIN TU 'JIGS PA'I GNOD SBYIN MO, ,NYI MA'I DKYIL NA G-YAS BSKUM BZHUGS, ,BONG BU SNA DANG RNA BA 'PHYANG, ,RAL PA GYEN 'GRENG RAL GRI SO, ,THAL BA'I MDOG DANG DUD KA DANG, ,DMAR NAG SHIN TU GNAG PA'O, ,RAL GRI DBYUG BA MDUNG DANG SGRA STA DANG, ,G-YAS NA DE RNAMS G-YON NA THOD PA'O, ,SHIN TU 'JIGS PA'I GNOD SBYIN NI, ,NYI MA'I DKYIL NA BRGYANG BSKUM BZHUGS, ,YE SHES SPYAN DRANGS MCHOD NAS BSTIM PAR BYA'O, ,YAKshA PIDDA RA n'A YA H'Um PHAt, ,YAKshA KRO DHA S'A DHA N'A YA H'Um PHAt, YAKshA N'I L'Am BA SA NA YA H'Um PHAt, YAKshA AA PRA TI HA TA P'A LA YA H'Um PHAt,GNOD SBYIN MA RNAMS G-YO SKOR NAS, ,'JIGS BYED GNOD SBYIN GSANG SNGAGS BZLAS, ,YAKshA PA RA KRA M'A YA PHAt, ,RAKshA KRi H'A NTA YA PHAt, YAKshA BI DHAN TA R'U PA YA PHAt, RAKshA RO shA nA YA PHAt, CES PA BRGYA RTZA BRGYAD DU BZLAS, ,DUS GSUM CHOD PA RNAMS LDAS MCHOD, ,BZLOG DANG LAS BCAL MAN NGAG BZHIN, ,BGEGS DANG LOG 'DREN LAS BCOL BYA; ,THOD PA DUR DU NGES PAR GZHUG ,BZLOG NA YUNGS KAR RTAGS KYIS BRTAG ,MI LDOG RTAGS SU SHES PAR BYA'O, ,H'Um ZHAL GSUM PHYAG DRUG 'JIGS PA'I SKU, ,MTHING NAG MI 'GYUR THUGS RJE CAN, ,GNOD SBYIN GDUG PA 'DUL MDZAD PA, ,RDO RJE BSNAMS LA PHYAG 'TSAL BSTOD, ,AOm BADZRA
MU: ZHES PAS GSHEGS SU GSOL LO, ,BDAG GIS 'GROL PHAN PHYIR BRTZAMS, ,DES NI 'BRAS BU BDE THOB SHOG ,GNOD SBYIN GYI SGRUB PA'I THABS NAM GRU'I RIGS LAS BYUNG BA DNGOS GRUB BRNYES PA'I SLOB DPON DZ'A BA RI PAS MDZAD PA RDZOGS SO,, ,,BAL PO'I MKHAN PO DE BA P'U RnAM TI DANG, LO TZ'A BA BANDE CHOS KYI BZANG POS BSGYUR BA'O,,