,,KU LA LO KA N'A TH'A YA, 'PHAGS PA SPYAN RAS GZIGS RIGS KYI 'JIG RTEN MGON PO'I RJES GNANG GI CHO GA NI, GNAS DBEN PAR MAndALA 'DAB MA BRGYAD BYAS LA, DE'I DBUS SU MTSAN NYID DANG LDAN PA'I BUM PA BSHAMS LA GZHAN YANG JI LTAR 'BYOR PA'I YO BYAD STA GON BYAS NAS SLOB DPON BDAG NYID KYIS RNAL 'BYOR RNAMS RDZOGS PAR BSGOM STE, SNGAGS CI RIGS PAR BZLAS LA, DE'I RJES LA BUM PA CHO GA BZHIN DU LHAR BSKYED LA, MCHOD BSTOD BZLAS PA RNAMS RDZOGS PAR BYA'O, ,DE NAS SLOB MA KHRUS BYAS NAS, PHYAG DANG MAndALA PHUL NAS, DE NAS DGA' CHEN KHYOD BDAG STON PA STE, ,ZHES PA LA SOGS PAS GSOL BA BTAB NAS, BU TSUR THEG PA CHEN PO ZHES PA LA SOGS PA'I SNGAGS KYIS THEG PA LA SPRO BA BSKYED NAS, DKON MCHOG GSUM LA BDAG SKYABS MCHI, ,ZHES PA LA SOGS PA SDIG PA BSHAGS PA DANG, JI LTAR DUS GSUM MGON PO RNAMS, ,ZHES PA LA SOGS PAS RIGS LNGA'I KHYAD PAR GYI SDOM PA SBYIN PA DANG, DE RNAMS MI NYAMS PAR BYA BA'I PHYIR; PHAN YON DANG, NYES DMIGS DANG, MNA'I CHU DANG, RDO RJE SLOB DPON GYI BKA' MNYAN PA'I SGO NAS DAM LA GZHAG ,SGRUB PA'I THABS LTAR SLOB MA LHAR BSKYED LA, AOm A'A:H'U% GIS SKU GSUNG THUGS BYIN GYIS BRLABS YE SHES PA GZHUG PA DANG, BUM PA'I CHUS DBANG BSKUR BA RNAMS BYAS NAS, GSANG SNGAGS 'BRU GSUM SNYAN NAS BRGYUD, ,BKA' DRIN GYI LAN MCHOD PA DANG, ,BSNYEN BKUR TSUL BZHIN DU BYED DU GZHUG ,DGE BA'I RTZA BA RDZOGS PA'I BYANG CHUB TU BSNGO'O, ,SLOB MAS BLA MA LA YON PHUL TE, TZ'A RU'I BZA' BA LA LONGS SPYOD, LHAG MA'I BAR RDZOGS PA DANG, BSNGO BA DANG, BZOD GSOL
DANG; ,GSHEGS SU GSOL BA RNAMS CHO GA BZHIN BYA'O, ,DE NAS LAS KYI RJES MI MNGON PAR BSDUS TE, BDAG NYID SPYOD LAM GYI RNAL 'BYOR GYIS GNAS PAR BYA'O, ,KU LA LO KA N'A TH'A'I BYIN RLABS DANG RJES GNANG BYA BA'I RIM PA KHA CHE'I PAndI TA BI MA LA SHR'I'I ZHAL SNGA NAS BRIS PA RDZOGS SO,, ,, SANGS RGYAS LNGA YI RNAM DAG PA'I, ,MA RIG BSAL BA'I RIM PA LAS, ,DBANG BSKUR BYED PA'I RIM PA YIS, ,YE SHES LNGA NI THOB PAR 'GYUR, ,ZHES RDO RJE PHRENG BA LAS GSUNGS PAS, ,MA RIG PA LNGA BSAL NAS RIG PA YE SHES LNGA RTOGS PAR BYED PAS NA RIG PA'I DBANG NGO, ,LO TZ'A BA BLO BRTEN GYIS BSGYUR BA'O,, ,,