, ,RGYA GAR SKAD DU, SHR'I AE KA RDZA t'I BHA GA W'A NA S'A DHA NAm, BOD SKAD DU, DPAL BCOM LDAN 'DAS RAL BA GCIG PA'I SGRUB THABS, RJE BTZUN RAL PA GCIG PA LA PHYAG 'TSAL LO, ,DANG POR RE ZHIG SNGAGS PAS TSOGS BSAGS PA SNGON DU 'GRO BAS PADMA DANG, KA P'A LA DANG, RO'I GDAN BLTAS LA DE'I STENG DU H'U% DANG BAm LAS YAB DANG YUM RAL PA
GCIG 'PHYANG PA'I BCOM LDAN 'DAS BSGOM PAR BYA'O, ,SHAR DANG, LHO DANG NUB DANG, BYANG GI PADMA'I 'DAB MA DAG LA NI RDO RJE 'KHOR LO DANG, RDO RJE RIN CHEN DANG, RDO RJE PADMA DANG, RDO RJE SNA TSOGS RNAMS BSAM MO, ,BYANG SHAR LA SOGS PA'I MTSAMS BZHIR NI BDUD RTZI KA P'A LA DAG GO, ,DE'I PHYI ROL DU KHYAMS KYI PHYOGS BZHIR GTI MUG RDO RJE MA DKAR MO SGRON MA THOGS PA DANG, BAG CHAGS RDO RJE MA SER MO RDO RJE THOGS PA DANG, 'DOD CHAGS RDO RJE MA DMAR MO ZHAGS PA THOGS PA DANG, ZHE SDANG RDO RJE MA LJANG GU RAL GRI THOGS PA RNAMS BSGOM MO, ,KHYAMS GYI GRVA BZHIR NI BYANG SHAR NAS BRTZAMS TE BRTAN PA'I RDO RJE MA SER MO RI RAB THOGS PA DANG, SBYOR BA'I RDO RJE MA DKAR MO ZLA BA THOGS PA DANG, 'BAR BA'I RDO RJE MA DMAR MO NYI MA THOGS PA DANG, STOBS KYI RDO RJE MA LJANG GU BA DANG THOGS PA RNAMS DGOD DO, ,BRGYAD PO 'DI DAG NI PADMA DANG RO'I GDAN LA RNAM PAR DGOD PA YIN NO, ,DE BZHIN DU SHAR DANG, LHO DANG NUB DANG, BYANG GI SGO BZHIR YANG GO RIMS LTAR RDO RJE LCAGS KYU DANG, ZHAGS PA DANG, LCAGS SGROG DANG, DRIL BU 'DZIN PA RNAMS DKAR BA DANG, SER BA DANG, DMAR BA DANG, LJANG GU'I MDOG CAN RNAMS BSGOM PAR BYA'O, ,JI LTAR DAM TSIG BSKYED PA DANG, YE SHES SEMS DPA' GZHUG PA NYID, GSANG SNGAGS BZLAS SHING BSGOM PA DANG, ,RDZOGS PA'I RIM SOGS CHO GA BZHIN, ,DPAL BCOM LDAN 'DAS RAL PA GCIG PA'I MAN NGAG KHUNGS PHYUNG BA, SLOB DPON CHEN PO MI PHAM SBAS PAS BSDUS PA RDZOGS SO,, ,,RNAL 'BYOR GYI DBANG PHYUG SHR'I MI TRA DANG, GNUBS LO TZ'A BA MEE TRI SHR'IS BSGYUR BA'O,,