`, ,BLA MA RNAMS LA PHYAG 'TSAL LO, ,SBYIN BDAG CHEN PO GTZO BO STE, ,GSUNGS PAS GTOR MA BSHAD DE, DE LA RNAM PA GNYIS TE, PHYI'I GTOR MA DANG NANG GI GTOR MA GNYIS SO, ,DANG PO PHYI GTOR GTANG BA, RIN PO CHE'I SNOD DU KHA ZAS GTZANG MA DANG CHU GTZANG MAS BKANG LA, DANG PO SKYABS 'GRO BYA, TSAD MED PA BZHI BSGOM, AOm A'A:H'Um, GSUM GYIS BYIN GYIS BRLABS, DE NAS LAS THAMS CAD PA'I SNGAGS GSUM GYI RTING LA, NAM:SARBA TA TH'A GA TA AA BA LO KI TE, AOm SAm BHA RA SAm BHA RA H'Um, ZHES PA GSUM GYIS BSNGO, DUS GSUM GYI BDE BAR GSHEGS PA RNAMS DANG, GTZANG RIGS KYI MGON PO RNAMS DANG, 'GRO BA RIS DRUG GI SEMS CAN RNAMS LA 'DOD PA'I LONGS SPYOD CHAR BZHIN 'BAB PAR GYUR CIG CES BSNGO'O,, NANG GI GTOR MA NI, YAm LAS RLUNG, RAm LAS ME, KAm LAS THOD PA GSUM GYI SGYED PU, A'A LAS THOD PA'I GZHAL YAS KHANG GI NANG DU, GO KU DA HA NA, BI MU SHU NA DA, DE LA AA LAS ZLA BA'I KHAMS RDO RJE RTZE LNGA PA SKYUG PA CIG BSGOM MO, ,DE LA AOm H'Um HR'I:ZHES BRJOD PAS LAS KYI RLUNG BSKYOD PAS BSOD NAMS KYI ME SBAR BAS DAM TSIG GI BDUD RTZI DROS YE SHES KYI BDUD RTZIR GYUR, LAS THAMS CAD PA'I SNGAGS KYI MJUG LA, GA nA TZA KRA AI DAm BA LIm, GRiHnA GRiHnA KH'A HI KH'A HI ZHES LAN GSUM GYIS BLA MA DAM PA RNAMS DANG YI DAM GYI LHA TSOGS RNAMS DANG, RDO RJE MKHA' 'GRO MA'I TSOGS RNAMS DANG,
, ,CHOS SKYONG BA'I SRUNG MA THUGS DAM CAN RNAMS PHYI'I MCHOD PA, GSANG BA'I MCHOD PAR BZHES SHIG ,BAG CHAGS KYI MI MTHUN PA'I PHYOGS THAMS CAD RGYU DANG 'BRAS BU NAS ZHI BAR MDZAD DU GSOL LO ZHES BRJOD LA GTAR MA GTANG, DE NAS CHOS KYI SBYIN PA GTANG, GTOR MO'I CHO GA RDZOGS SO,,