, ,RGYA GAR SKAD DU, DZNY'A NA SATVA MANYDZU SHR'I SA RA SIDDHI NA MA; ,BOD SKAD DU, 'JAM 'BAL YE SHES SEMS DPA'I SNYING PO GRUB PA ZHES BYA BA, 'PHAGS PA 'JAM DPAL YE SHES SEMS DPA' CHEN PO LA PHYAG 'TSAL LO, ,PHYAG RGYA CHEN POR 'GRO BA KUN GNAS PA, ,'OD GSAL RANG BYUNG YID KYIS GUS PHYAG 'TSAL, ,'GRO BA RNAMS LA JI LTAR BDEN DON NYID, ,SEMS DPA'I YE SHES 'GAG PA MED PAR BSHAD, ,'DAS DANG MA 'ONGS DA LTA DUS RNAMS SU, ,DUS GSUM MNYAM PA'I SKU SHAR GZHAN RGYU MED, ,DE PHYIR YANG DAG MTSAN BRJOD GO BA YIS, ,'KHOR 'DAS YE SHES SEMS DPA'I LUS RIG BYA, ,RDUL DANG MUN PA SNYING STOBS GSUM GYI BDAG ,DE NYID YIN PHYIR SEMS KYIS SUN MI DBYUNG, ,PHUNG PO LNGA YI KHUR BOR NYAN THOS RNAMS, ,LAM GYI DANG POR 'BAD DE GZUNG BAR BYA, ,RANG RGYAL THEG PA BAG MED SPONG BA'I PHYIR, ,RTEN CING 'BREL BAR 'BYUNG BA'I DON LA BSLAB, ,DGE CHOS TSOL LA DGE BA'I BSHES GNYEN BSTEN; ,SHES RAB GSUM NI SHES RAB KYIS SHES BYA, ,ZAD PA SHES PAS RNAM PAR DAG 'GYUR TE, ,SKYE MED SHES PAS YE SHES LUS SU 'GYUR, ,SKAD CIG GCIG LA RNAM PAR GROL BA NI, ,RANG RIG NGO BOR SANGS RGYAS THAMS CAD 'CHANG, ,YUL DANG DBANG PO BDE BAR BYIN BRLABS PAS,, YE SHES SEMS DPA'I LUS SU BDAG RDZOGS 'GYUR, ,THAMS CAD DGE BAR MTHONG BAS MI DGE MED, ,SNYING RJE CHEN PO'I CHA LAS SNA TSOGS GZUGS, ,RGYU LAM 'BRAS BU KUN DU DGAG MI BYA, ,SHES RAB PHA ROL PHYIN PAS STONG PA NYID, ,DUS GSUM DU NI MI GNAS 'PHO BA MED, ,BDE BA CHEN PO'I MNGAL DU YID ZHUGS NA, ,RNAL 'BYOR YID LA MI BYED BLA MA'I SKU, ,YUL DANG GNYEN POR BCAS DANG MTHONG BA DANG, ,DER SHES PA DANG NU BA PA'I YE SHES NYID, ,RTZA BA BRAL BA'I SEMS NI BRTAN PA LA, ,RGOD DANG G-YENG BA'I DRI MAS GOS MI 'GYUR, ,RANG 'BYUNG YE SHES BRTAN DANG THOS
PA YIS, ,BRTAGS PA'I RGYU BA RNAMS LA GNAS PA MED, ,'KHRUL PA ZHIG PAS SNANG BA'I RGYU BA BRAL, ,DBYE BA SPANGS PA YE SHES SEMS DPA'I GNAS, ,YANG DAG SANGS RGYAS LAM RIG BYING RMUGS MED, ,NGES 'BYUNG MTHA' LA GNAS PA THE TSOM MED, ,RGYUN CHAD MED PA'I YE SHES 'GYOD PA SPANGS,, NYON MONGS GNYEN PO MI BYED LE LO MIN, ,SANGS RGYAS THAMS CAD GCIG PAS ZHUM PA MED, ,'KHOR BA RNAM PAR DAG PAS GNYID SOGS BRAL, ,YON TAN THAMS CAD RDZOGS PAS RDO RJE 'DZIN, ,RANG BZHIN CHOS LA GNAS PAS THOB BYA SPANGS, ,RDO RJE LTA BU YIN PHYIR BDUD THAM GYUR, ,DOGS PA MED PA'I GNAS THOB SHIN TU BDE, ,KUN RDZOB RNAM PAR DAG PAS AE MA MTSAR, ,BCOM LDAN MGON PO GANG GI LUNG THOB PAS, ,RGYUD DNGOS GRUB PA SGRUB PA'I THABS 'DI BYA, ,PHUN SUM TSOGS 'GYUR TSOGS GNYIS 'BRAS BU GANG, ,'GRO BA RNAMS KYIS DUS 'DIR RNYED PAR SHOG ,'JAM DPAL YE SHES SEMS DPA'I SNYING PO GRUB PA ZHES BYA BA, RGYA GAR GYI MKHAN PO DPAL LDAN GNYIS SU MED PA'I RDO RJES MDZAD PA RDZOGS SO,, ,,RNAL 'BYOR PA BSOD SNYOMS PA PRADZNY'A SHR'I DZNY'A NA K'IRTIS RANG 'GYUR DU MDZAD PA'O,,