, ,RGYA GAR SKAD DU, A'ARYA SHR'I YA MA A'A YU:K'A LA S'A DHA NA N'A MA, BOD SKAD DU, 'PHAGS PA DPAL GSHIN RJE TSE BDAG NAG PO SGRUB PA'I THABS ZHES BYA BA, 'PHAGS PA 'JAM DPAL LA PHYAG 'TSAL LO, ,THUGS RJES SPRUL SKU'I THABS KYIS 'GRO DON MDZAD, ,PHRIN LAS RNAM BZHI LAM LA BRJOD PA BSKYED, ,BSKYED RDZOGS LAM GYI PHRA RAGS RTOG PA BZLOG ,BCOM LDAN GSHIN RJE GSHED LA PHYAG 'TSAL NAS, ,SGRUB THABS GSAL BA NYID DU BRJOD PAR BYA, ,DAD DANG SNYING RJES 'GRO BA'I DON MOS SHING, ,DKYIL 'KHOR 'DI NYID DU NI DBANG THOB PAS, ,SHING GCIG DUR KHROD LA SOGS GNAS SU NI, ,SO PHAG RO RAS LA SOGS STAN LA 'DUG ,DRAG PO'I MCHOD GTOR LA SOGS GZHUNG BZHIN BSHAM, ,SNYING RJE LA SOGS TSAD MED BZHI BSGOMS LA, ,KUN LA SGYU MA'I SEMS KYIS GNAS PAR BYA, ,STONG PA'I NGANG LAS SNOD GYUR GZHAL YAS KHANG, ,THOD
, ,MKHAR DUR KHROD BCAS PA BSGOM PAR BYA, ,BCUD GYUR YA LAS 'OD 'PHROS GSHIN RJE NI, ,DBUS SU CHO BDAG YUM DANG BCAS, ,RTZA BA'I LHA LNGA GSHED BZHI DANG, ,G-YAS SU 'CHI BDAG G-YON DU NI, ,SROG BDAG DMAR PO BSGOM PAR BYA, ,SNGAGS BRJOD PA LAS LHA RNAMS BSKYED, ,DE NAS MCHOD YON BYIN GYIS BRLAB, ,BDUD RTZI LNGA YI AARGHA DANG, ,TSIL CHEN SPOS LA DUG ME TOG ,TIL CHEN MI MAR KHRAG CHEN DRI, ,SHA CHEN BSHOS LA THOD PA'I RDA, ,GTOR MA DPA' BO'I STON MO YANG, ,CI 'BYOR CHOGS BYIN BRLAB BYA, ,DE NAS YE SHES SPYAN DRANG BA, ,MA LUS SEMS CAN MGON GYUR PA, ,TSUR GSHEGS KHRO BDAG GTZO, ,'KHOR BCAS MA LUS GSHEGS SU GSOL, , THUGS DAM DBANG GIS BRTAN PAR BZHUGS, ,AOm YA MA BADZRA GRO DHA AI AA RA LI HRIm HRIm, ZHES PAS MDUN DU SPYAN DRANGS LA, YID KYIS PHYAG BYA BSTOD PA BRTZAM, ,GDUG PA 'DUL MDZAD GSHIN RJE'I GSHED KYI LHA, ,SPRUL DANG THOD RLON SNA TSOGS 'DZIN, ,'JIG BYED DPA' BO 'I SKU LA PHYAG 'TSAL BSTOD, ,DZA:H'Um BAm HO:SA MA YA TIshthA LHAN, ,ZHES PAS LHA RNAMS RANG LA BSTIM, ,'DOD YON PHYI NANG GSANG PA'I MCHOD PAS MCHOD, ,PHUD DANG DPA' BO'I STON MOS MNYES PAR BYA, ,MCHOD PA'I LHA MO DPAG MED NAM MKHA' LA, ,MCHOD DANG BSTOD PA BYED PAR BSAM PAR BYA, ,SDIG BSHAGS SMON LAM LA SOGS RGYAS PAR BYA, ,DE NAS BSKYED PA'I RIM PA GSAL BTAB STE, ,BRTAN PA NYID DU BSGOM PAR BYA, ,SKYON NGAG GI BZLAS PA BRTZAM ,BCU GSUM BRGYA DANG BZHI LA SOGS, ,LAS MTHUN PA YI BZLAS PA BYA, ,PHRA MO'I RNAL 'BYOR BSGOM 'DOD NA, ,BYANG CHUB SEMS GNAS DBU MA'I MGOR, ,GDOD NAS DAG PA'I THIG LE LA, ,AA SHAD N'A DA BCAS PA BSGOM, ,RI BOD CAN LA BCU GSUM SNGAGS ,RAB TU BSKOR BAR BSGOM PAR BYA, ,KHAMS GSUM GZUGS LA RAB TU RDUL, ,'GRO 'OD SNGAGS KYIS BRJOD PAS 'GOG ,THUN BZHI LA SOGS RIM PA YIS, ,JI LTAR BRTAN GYI BAR DU BSGOM, ,DUD PA LA SOGS RTAGS ZAD NAS, ,SPRIN MED
NAM MKHA' DANGS PA NA, ,MTHAR THUG 'OD GSAL ZHES BRJOD DO, ,BDAG DANG GZHAN DON MOS PA YIS, ,LAM LA BRJOD PA BSKYED PA'I PHYIR, ,PHRIN LAS RNAM BZHI BRTZAM PAR BYA, ,BSKYED PA'I 'KHOR LO BSGOM PAR BYA, ,RANG SNYING 'KHOR LO RTZIBS BRGYAD LA, ,DBUS SU AOm YIG DKAR PO BSGOM, ,RTZIBS BRGYAD 'BRU BRGYAD BSAM PAR BYA, ,AOm LAS 'OD ZER DKAR BYUNG BAS, ,'BRU BRGYAD DAG LA PHOG PAR 'BAR, ,'BRU BRGYAD DAG LAS 'OD 'PHROS PAS, ,DBUS KYI H'Um YIG GSO BSKYED BYA, ,BZLAS PA TSANG NAS RTAGS BYUNG NA, ,DRAG PO'I LAS LA SBYAR BAR BYA, ,AOm GYUR 'OD ZER DMAR NAG 'PHROS, ,'BRU BRGYAD SNGAGS RGYAL RAB TU PHOG ,'OD ZER 'PHROS DANG 'KHOR LO NI, ,DMIGS PAS DRANGS NAS BSGRAL BAR BSAM, ,'TSIG DANG KHRO SNYING 'DOD PA DANG, ,MNGON SUM NYID DU KHUGS PA NA, ,MNAN DANG SREG PA'I LAS BYA'O, ,SBYOR BA BYANG CHUB SEMS KYIS ZIN, , DNGOS GZHI'I TING 'DZIN PAR CHOD MED, ,RJES LA BDAG MED RNAL 'BYOR BYA, ,NAM MKHA'I NGANG DU GSAD BYA'O, ,DE RNAMS KUN NAS BTUS PA YIS, ,RGYUD DANG 'DRA BA'I SGRUB THABS 'DI, ,BLA MA'I ZHABS PAD BRTEN PAS BLANG, ,GZHAN DU 'KHRUL 'KHOR RTZOM PA NA ,'BRAS BU MED CING BRLAG PAR 'GYUR, ,SGRUB THABS SBYOR BA 'DI BRTZAMS PAS, ,'GRO KUN 'JAM RGYAL NYID GYUR CIG ,BCOM LDAN 'DAS GSHIN RJE'I GSHED TSE BDAG NAG PO'I SGRUB THABS RDZOGS SO, ,