An Exalted Sutra of the Greater Way entitled "The Pure Act of Sustaining Others with Nourishment"

,,BOD SKAD DU, ZAS KYIS 'TSO BA RNAM PAR DAG PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS 'OD MA'I TSAL NA DGE SLONG GI DGE 'DUN CHEN PO BRGYA PHRAG

, ,PHYED DANG BCU GSUM DANG, GZHAN YANG DGE SLONG PHA DANG, DGE SLONG MA DANG, DGE BSNYEN PHA DANG, DGE BSNYEN MA DANG, LHA KLU SDE BRGYAD DANG, BYANG CHUB SEMS DPA' MANG PO DANG THABS GCIG TU BZHUGS SO, ,DE NAS MOONGGAL GYI BU CHEN PO 'DUG PA LAS LANGS TE, BCOM LDAN 'DAS LA PHYAG BTZAL TE 'DI SKAD CES GSOL TO, ,BCOM LDAN 'DAS, BDAG SNGON GRONG KHYER DU BSOD SNYOMS LA MCHIS PA'I SHUL LOGS SU MI GRANGS KHRI STONG SNYED MCHIS TE, DE DAG GI MGO BO NI RI BZHIN DU CHE, KHOG PA NI RI RAB LHUN PO TZAM 'DRA, MGRIN PA NI KHAB BZHIN DU PHRA, PHAN TSUN BSKYOD CING MCHI BA NA SHING RTA LNGA BRGYA SHIN TU 'KHROL BA'I SGRA BYUNG STE, DE'ANG MI BZAD PA'I GZHOB KYI DUD PA KUN NAS 'THUL LO; ;DE CI'I DNGOS PO LAGS PA DANG, CI LAS GYUR PA BCOM LDAN 'DAS KYIS BKA' STZAL DU GSOL, DE NAS BCOM LDAN 'DAS GYIS BKA' STZAL PA, MOONGGAL GYI BU, DE DAG NI 'DRE BKREN LTOGS PA YIN TE, SNGON 'DAS PA'I DUS NA MCHOD SDONG BSHIG PA DANG, MCHOD STON SBYAR BA BSHIG PAS DE LTA BU'I SDIG PA RNAM PAR SMIN PA YIN NO, ,YANG GCIG TU NA GZHAN GYI MCHOD STON ZOS NAS ZA GCIG PAR MA BYAS PA'I SDIG GI RNAM PAR SMIN PA DE YIN NO, ,MCHOD STON LHAG MA ZA GCIG PAR MI BYED PA LA MA BYIN CIG, YON BDAG

GIS LHAG MA RNAMS DGE 'DUN LA SPAGS PA'I GSOL BA BYOS LA BZOD PAR GSOL CIG, SPAGS PA'I ZAS RNAMS DGE 'DUN RNAMS KYIS GNANG BA BYIN CIG, GNANG BA MA BYIN NA DGE 'DUN RNAMS KYANG LTUNG BAR 'GYUR RO, ,DE NAS MOONGGAL GYI BUS GSOL PA, BCOM LDAN 'DAS KYIS BKA' STZAL PA NI YANG DAG PA'O, ,YON BDAG SU'ANG RUNG STE CHOS BZHIN DU BSDU BA'O PHYIR MCHOD PA'I YO BYAD 'BYOR TSOGS TE, ZAS GCIG PAR BYAS PA RNAMS NI ZAS KYI 'TSO BA DANG LDAN PAR 'GYUR RO, ,BCOM LDAN 'DAS KYIS BKA' STZAL PA, ZA GCIG PAR MA BYAS PA RNAMS NI ZAS DANG MI LDAN PAR 'GYUR RO, ,DE LTAR NA NYI MA GCIG ZA GCIG PA THUB NA NYI MA DRUG KHRIR BSOD NAMS DANG, BZA' BA RNAM PAR 'PHEL BAR 'GYUR RO, ,DE LA DE LTAR MA BYAS PA RNAMS NI NYI MA KHRI KHRAG DRUG CUR 'DRE LTOGS PAR 'GYUR RO, ,DE CI'I PHYIR ZHE NA, DE'I SBYIN PA NI SHIN TU LCI BA YIN TE, GNYIS NA LCAGS KYI THU LUM ZOS KYANG SLA YI, YON BDAG DAD PA CAN GYI ZAS NI SHIN TU BZHU BAR DKA' STE, SHIN TU YUN RING POR SDUG BSNGAL BAR 'GYUR TE, TSE RABS KHRI PHRAG BRGYAR 'DRE LTOGS PA'I DNGOS POR 'GYUR RO, ,BSOD NAMS KYI ZAS BYA'O COG LA NAN TAN CHER BYOS SHIG, SNAM PHRAG GAM, PHU RUNG GI NANG DU KHYER BAR BYAS NA TSE RABS LNGA BRGYAR DMYAL BAR LTUNG STE, LCAGS KYI THU LUM DMAR PO MCHAN KHUNG G-YON

, ,PA NAS THAL TE MCHAN KHUNG G-YAS PAR THAL LO, ,LHAG MA MI BKUR BAR BYOS SHIG, CHUNG DU NA KHRE'I 'BRU GCIG TZAM KHYER NA'ANG LCAGS KYI 'KHOR LO TZAM DU 'GYUR RO, ,DGE BSNYEN GYIS KYANG RUNG STE BSOD NAMS KYI ZAS SBYAR RO COG LA THOG MA NAS MYANG BA'I SPAGS PA MI BYA'O, ,DE MYANGS BAS SBYAR BA THAMS CAD LHAG MA'I SPAGS PA MI BYA'O, ,BYAS PA DON MED PAR 'GYUR RO, ,GNYIS NA MA BYAS KYANG SLA'O, ,DE CI'I PHYIR ZHE NA, LHA THAMS CAD MI 'GYES PAR 'GYUR RO, ,GNYEN PO THAMS CAD MI DGA' BAR 'GYUR RO, ,GANG ZHIG MYANGS PA ZHIG YOD NA TSE RABS LNGA KHRIR 'DRE LTOGS PAR 'GYUR RO, ,SDUG BSNGAL MI BZAD PA SNA TSOGS KYANG MYONG BAR 'GYUR RO, ,GANG ZHIG PHYIN CHAD BSOD NAMS 'DOD PAS TSUL BZHIN DU BSOD NAMS KYI ZAS GTZANG SPRAS PHYED PA DANG, SHIN TU GUS PAR SBYAR LA LAG PA SHIN TU DAG PAR BKRUS NAS TSOD MA LA SOGS PA DROD BAG TU SBYAR RO COG SHIG TU BKAB PA DANG, RIM GRO BSKYED DE DE DAG KYANG SNGAR MYANG BAR MI BYA'O, ,DE NAS BSOD NAMS SU GYUR CING LHA THAMS CAD KYANG DGA' BAR 'GYUR RO, ,GNYEN PO THAMS CAD KYANG DGA' BAR 'GYUR RO, ,LHA LA SOGS PA THAMS CAD KYIS SRUNG ZHING BYIN GYIS RLOB PAR 'GYUR TE YANG DAG PAR SMRA BA YIN NO, ,BSOD NAMS RNAM PAR SMIN PA NI BRAG CA DANG, GZUGS BRNYAN

BZHIN NO, ,DE LTAR 'DRE BKREN LTOGS PA NI THOG MA MI LAS GYUR TE, THOG MA LAG PA MI GTZANG BAS DGE 'DUN GYI KHA ZAS GTZANG MA LA REG PA DANG, BDAG GI LAG PA MI GTZANG BAS DGE 'DUN GYI KHA ZAS GTZANG MA'I NANG DU BSNGOGS SAM, ZAS GTZANG MA'I NANG DU KHA ZAS MI GTZANG BA BSRES TE DGE 'DUN LA SBYIN PA BYAS PAS TSE RABS LNGA BRGYAR 'DRE LOGS PAR LTUNG STE, RTAG TU MI GTZANG BA ZA ZHING SNAM PHYI SAR MI GTZANG BA ZA NA, SNAM BYIS PA'I SRUNG MAS LCAGS KYI BER KA SA GDENGS TE 'DRE LOGS PA DE RNAMS PHYI SA'I SAR MI SNYAN PAR BYED DO, ,MI'I RNAG DANG, KHRAG DANG MCHIL SNABS DANG, NGAR SNABS DANG, KHRUD MA MI GTZANG BA BTZOG PA ZA ZHING MI GTZANG BA SRUNG ZHING BUD MED BU BTZAS PA'I KHRAG MI GTZANG BA 'DZAG PA ZA BAR 'GYUR RO, ,DE NAS TSE RABS KHRI PHRAG LNGA BRGYAR KHYI DANG, PHAG PA DANG, SPUR BA LA SOGS PA'I LUS SU GYUR NAS RTAG PAR MNAM ZHING BTZEG PA DANG, MI GTZANG BA ZA BAR 'GYUR TE, DE LTA BU'I SDUG BSNGAL BSKAL PA GRANGS KHRI STONG DU MYONG STE THAR BA'I DUS MED DO, ,RNAM PAR THAR BAR DKA'O, ,SHIN TU MI ZAD PA'ANG BRJOD KYI MI LANG NGO, ,GAL TE LAG PA PHO MTSAN LA REG GAM, LAG PA MO MTSAN LA REG GAM, LAG PA MI GTZANG BAS DGE 'DUN GYI KHA ZAS GTZANG MA LA REG GAM, DGE 'DUN GYI KHA ZAS LA MI GTZANG BA NANG DU BCUG GAM, MI GTZANG BA'I ZAS DGE 'DUN ZAR BCUG

, ,NA DE LTA BU'I SDIG PA RNAM PAR SMIN PA NI THAMS CAD MI GNAD KYI RIMS KYIS BTAB PA DANG, SDIG PAR MI SHES PA'O, ,PHYIN CHAD DGE 'DUN GYI KHA ZAS GTZANG BAR BYAS PA DANG, LAG PA GTZANG MAS DGE 'DUN GYI KHA ZAS KYI SNOD LA BZUNG BA DANG, LAG PA GTZANG MAS KHRE 'BRAS BKRU BA DANG, KHA ZAS GTZANG MA SBYIN PA BYAS PA NI BSOD NAMS BSAM GYIS MI KHYAB PA THOB PAR 'GYUR RO, ,PHYIN CHAD 'DI YONGS SU GRAGS PA DANG, MYUR BU'I YID KYIS ZUNGS SHIG, 'TSO BA RNAM PAR DAG PA'I MDO RDZOGS SO,, ,,