, ,RGYA GAR SKAD DU, YAKshA K'I LI K'I LA R'A DZA S'A DHA NAm, BOD SKAD DU, GNOD SPYIN GYI RGYAL PO PHUR BUS 'DEBS PA'I SGRUB THABS, YAKshA K'I LO N'A MA SA TYA BA DI TRIttA PRA TA:TA SHA TYA HA PIndA DA DI MA SE ME KA M'A NA PRA YATZTSAm TU SV'A H'A, ZHES SO, ,DE NAS ZAN ZA BA'I DUS SU, ZAN GYI PHUD LA SNGAGS LAN BDUN BZLAS LA, DBEN PA'I SAR LCI BAS BYUGS PA'I MAndALA BYAS LA NYI MA RE RE ZHING GNOD SPYIN LA ZAN DBUL LO, ,ZLA GCIG SONG NAS NYI MA RE LA 'DIS NOR RE STER RO, ,ZLA BA GNYIS PA LA 'DIS NOR NYI SHU STER BA'AM YANG NA STON PAR 'GYUR RO, ,ZLA BA GSUM PA LA NYI MA RE LA 'DIS NOR BRGYA TSO RE STER RO, ,ZLA BA BZHI PA LA 'DIS NOR STONG STER RO, ,ZLA BA LNGA PA LA K'I LI K'I LA ZHES BYA BA'I GNOD SPYIN GYI RGYAL PO MTHONG BAR 'GYUR ZHING MCHOG STER BAR 'GYUR RO, ,'BRU DANG, NOR DANG GTER SHIN TU MANG BA STER BAR
'GYUR RO, ,NAD MED PA DANG BAR CHAD MI 'BYUNG BA DANG BLO DANG LDAN PAR BYED PAR 'GYUR RO, ,ZLA BA DRUG NA NAM MKHA' LA 'GRO BAR NUS SHING RIG PA 'DZIN PAR 'GYUR RO, ,ZLA BA BDUN NA RAL GRI'I RIG PA 'DZIN PAR 'GYUR RO, ,ZLA BA BRGYAD NA LHA'I GNAS SU 'GRO BAR NUS PAR 'GYUR RO, ,CHO GA 'DI RNAMS THAMS CAD BYAS LA G-YAS GYI KHU TSUR BCANGS LA MDZUB MO DANG MTHE BONG RTZE SPRAD LA KHA PHYE LA, PHYAG RGYA 'DI DANG SNGAGS KYIS ZAN RDOG GCIG BYIN DES ZOS ZIN PA'I DUS SU, KHA BSHAL BA'I CHU LAN GSUM BYIN PAR BYA'O, ,K'I LI K'I LA ZHES BYA BA'I GNOD SPYIN GYI RGYAL PO'I SGRUB THABS RDZOGS SO,,