, ,RANG GI SEMS GONG DU 'PHO BA'I MAN NGAG BYIN BRLAB DANG BCAS PA, DPAL RDO RJE 'DZIN RGYAL KHROS PA CHEN PO ZHE SDANG GSHIN RJE GSHED LA PHYAG 'TSAL LO, ,RNAL 'BYOR GANG LA PHYI DANG NI, ,NANG GI 'CHI LTAS BRTAG BYA STE, ,NGES PAR 'CHI 'GYUR RLUNG LAS TE, ,GSUM MAM LNGA 'AM BDUN LA SOGS, ,G-YAS G-YON RLUNG NI MA 'GYUR NA, ,NANG GI RTZA DANG RLUNG THIG LE, ,LAS MI RUNG BAS 'CHI LTAS SU, ,RTOGS NAS SLU BA'I RNAL 'BYOR BYA, ,G-YAS NAS LNGA DANG G-YON NAS GCIG ,SKYONG DANG SDUD PA'I KHYAD PAR RO, ,GLO G-YAS SA LA PHAB BYAS NAS, ,BRAL G-YON STENG DU RKANG G-YAS GZHAG, G-YON GYI RKANG MGO SGYID PAR SPREL, ,LAG G-YON NU MNYES MCHAN KHUNG GZHUG ,LUS LJID DPUNG PA G-YAS LA BSKUR, ,DBUNG PA G-YAS PAS KHA GCUS LA, ,RDO RJE'I BZLAS PAS BSLU BAR BYA, ,DES KYANG 'PHO BAR MA GYUR TSE, ,RDU BAS LA MTHE CHUNG G-YAS KYIS BKAG, G-YON NAS 'GRO 'ONG BYA BA DED, ,RLUNG BCING MAN NGAG DAM PA'O, ,'KHRUL 'KHOR BZLOG STE BYA BA NI, ,G-YON NAS 'PHO BAR MA 'DOD NA'O, ,DE LTAR PHYI DUS TSES GRANGS LA, ,BRTAGS NAS GAL TE MI 'PHO NA, ,DUS LA BAB PAS RNAMS SHES 'PHANG, ,'JIG RTEN 'DI DANG GZHAN LA YANG; ,ZHEN PA'I RTZA BA RAB BCAD NAS, ,LONGS SPYOD LUS DANG DGE LA SOGS, ,LHA DANG BLA MA 'GRO DRUG LA, ,LTOS PA MED PAR MCHOD SPYIN BYA, ,LUS LA CHAGS DANG ZHEN PA NI, ,SKAD CIG TZAM YANG MI BYA'O, ,GNAS DANG GROGS SOGS GZHAN MED DANG, ,LHAR NI YANG DANG YANG DRAN PAS, ,BLA MA 'BA' ZHIG BSAM PAR BYA, ,DRAG LDAN BSAM PAS SKYABS SONG LA, ,DPAL LDAN GSHIN RJE GSHED DMAR PO, ,DMIGS PA'I SPYI BOR BSGOM BYAS NAS, ,DBU MA GNYIS NI SPRAD BYAS LA, ,SNYING DBUS H'Um LAS SGO RNAMS BKAG ,SEMS RTEN H'Um NI YAR
'PHANGS TE, ,BLA MA'I H'Um NI SNYING GAR BSDU, ,'DOD TSO 'OG TU MI DGUG GO, ,YANG NA SGO GZHAN BKAG RJES LA, ,RTZA GNYIS THABS SHES YI GES DGAG ,SNYING DBUS DBU MAR ZLA GAM H'Um, ,DE STENG H'Um NI SKAR MDA' LTAR, ,'JUG PA'I RLUNG DANG SBYAR BAR BYA, ,YANG NA 'OD KYIS 'BO BA STE; ,GZHU DBYIBS 'KHRUL 'KHOR BYAS RJES SU, ,LTE BAR RLUNG BCAS ZLA BAR H'Um, ,SNYING DBUS GONG BUS BU GA DGAG ,STOBS KYI YI GES SEMS DRANGS NAS, ,LHA YI THUGS KAR 'PHONGS TE BSRE, ,GNAS GZHAN GANG DU SKYE 'DOD PAR, ,YI GE GSUM GYIS DRANGS TE 'PHANGS, ,YANG NA SPROS MED RNAL 'BYOR BA, ,SNA TSOGS STONG PA'I GZUGS 'DI LAS, ,'OD GSAL DANG DU 'PHO BA STE, ,PHYAG RGYA CHEN PO NYID 'GYUR RO, ,RANG GI SEMS GONG DU 'PHO BA'I MAN NGAG SLOB DPON DPAL 'DZIN GYI GDAMS PA DE NYID KYIS MDZAD PA'O, ,PAntI TA RGYA GAR MNGON SHES CAN DANG, BOD KYI LO TZ'A BA 'GOS KHUG PAS BSGYUR BA LAS, ,PHYIS SA'I STENG NA 'GRAN ZLA DANG BRAL BA DARBAn A'ATZ'ARYA DANG, LO TZ'A BA SHES RAB RIN CHEN GYIS GRONG DU BSGYUR CING ZHUS PA'O,,