, ,RGYA GAR SKAD DU, PRA BHA WA DHA RIS'A DHA NAm, BOD SKAD DU, 'OD 'DZIN MA SGRUB PA'I THABS, BDUD RTZI'I MNGA' BDAG BCOM LDAN 'DAS GSHIN RJE GSHED LA PHYAG 'TSAL LO, ,GANG ZHIG KHA ZAS NYUNG BA YIS, ,'TSO BA'I YO BYAD KYIS NGOS NA, ,SOM NYI BZA' BAR BYA BA'I PHYIR, ,TING NGE 'DZIN GYI BCUD LEN BSHAD, ,GSUM LA SKYABS SONG BYANG CHUB SEMS, ,GNAS BZHI LA SOGS
SNGON SONG BAS, ,SKAD CIG NYID LAS YUL RNAMS DANG, ,YUL CAN STONG PA'I NGANG NYID LAS, ,PAm LAS MTSO SKYES DBUS SON PA'I, ,NYI MA'I DBUS SU LHA MO NI, ,CHU SHEL LTA BU GRI GUG DANG, ,BDUD RTZI'I BUM PA G-YAS DANG G-YON, ,DAR DKAR GOS DANG RIN CHEN RGYAN, ,LANG TSO RGYAS SHING SHA RGYAS MA, ,LI BA'I SKRA DANG BUNG BA'I DRI, ,MDZES LDAN MA YI BRANG DBUS SU, ,RANG DANG 'DRA BA'I LHA MO NI, ,DANGS PA'I SHEL DRUNG MU TIG LTAR, ,DKAR ZHING 'TSER BA'I 'OD CAN BLTA, ,DE NAS RANG SNYING SHING 'BRAS LTAR, ,RTZI MO GYEN LTAR RTZA LTA DANG, ,BCAS PA PHYED NAS MTSON GYIS GCAD, ,STENG GI PHYOGS NI SANGS RGYAS LHA'I, ,RTZA DANG BCAS TE LTOS MED DBUL, ,NYON MONGS LHA YI RTZA SBUBS NAS, ,DRI MA MA LUS BSHANG LAM NAS, ,'THON TE RGYA MTSO'I NGOGS SU BSKUR, ,RTZA STONG BUM PA'I BDUD RTZIS BKANG, ,LUS DANG RTZA DANG KHAMS BDUD RTZI, ,YE SHES RGYAL PO'I RLUNG RGYAS TE, ,PHRU MA MAR GYIS GANG BA LTAR, ,RANG GI LUS DANG DE BZHIN SEMS, ,ZAG MED BDE BAS RAB RGYAS TE, ,DMIGS SHING SPROS PA BCAD PA YIS, ,TING NGE 'DZIN LA GTAD DE GZHAG ,DE LTAR YANG YANG GOMS PA YIS, ,TING 'DZIN ZAS SU MI 'GYUR BA'I, ,SRIN BU KUN YANG 'DZAG 'GYUR PAS, ,DE DON BYA PHYIR GSANG SNGAGS DANG, ,SMON LAM CHE LA 'BAD PAR BYA, ,DE LTAR BRTEN NA ZAG MED KYI, ,TING 'DZIN MCHOG NI SKYE BA DANG, ,GNYID RMUGS LA SOGS BYED PA'I ZAS, ,TIL TZAM DGOS PAR MI 'GYUR BA'I, ,SKRA DKAR GNYER MA SPONG BA DANG, ,LUS RGYAS DANGS SHING SHA STOBS RGYAS, ,THIG LE RGYAS SHING 'DZAG MI 'GYUR, ,DUS MIN 'CHI BAS MI GOS TE, ,PHYI NANG MKHA' 'GRO BRAN DU 'GYUR, ,'DRE SOGS GNOD PAR MI 'GYUR ZHING, ,'GRO KUN DGA' ZHING DBANG DU 'GYUR, ,CI 'DOD DAM PA'I MCHOG STER TE, ,'DOD SRED MA LUS RAB BCAD NAS, ,DUS KYI DGRAR NI MYUR 'GRO'O, ,DE LTAR BLA MAS GNANG BA YI, ,MAN NGAG GSAL LA NONGS MCHIS RNAMS, ,BZOD PAR GNANG ZHING DE YI NI, ,DGE BAS GSHIN RJE GSHED GYUR CIG ,'OD 'CHANG MA'I SGRUB THABS TING NGE 'DZIN GYI BCUD LEN
, ,GYI MAN NGAG TING NGE 'DZIN LA MNGA' BRNYES PA DPAL 'DZIN GYIS MDZAD PA RDZOGS SO,, ,,LO PAn SNGA MA DANG 'DRA, 'DI'I MAN NGAG GCIG SNGAR YANG SNYAN BRGYUD DU BYUNG 'DUG STE, GZHUNG SNGAR MA 'GYUR GSUNG,,