, ,RGYA GAR SKAD DU, RAKTA YA MA AA RI DE SHA PA AA DHI shthA NA, BOD SKAD DU,
, ,GSHIN RJE MTHAR BYED DMAR PO'I BYIN GYIS BRLAB PA'I RIM PA, KHAMS GSUM PO NI MA LUS PA, ,SNYING RJES CHAGS PA'I NGO BO NYID, ,BDE CHEN GSHIN RJE GSHED PO LA, BTUD DE 'DRI NI BYIN BRLAB BSHAD, ,DE LA 'DIR NI RIM PA 'DIS, ,RNAL 'BYOR BYANG CHUB 'DOD PA YIS, ,DAD PA CHEN PO BRTAN PAR BYAS, ,BLA MA'I KHA LAS SHES PAR BYA, ,RDO RJE 'DZIN RGYAL GSANG SNGAGS DANG, ,BLA MA BKUR DANG MKHA' 'GRO BSNYEN, ,JI LTAR GSUNGS PA'I RDO RJE LA, ,MCHOD SOGS LAS SU RUNG BAR BYA, ,MAndALA LA SOGS YO BYAD DANG, ,BUM PA DKYIL 'KHOR GSANG SNGAGS BRI, ,LHA YI GZUGS BRNYAN GSAL BA DANG, ,BZLAS DANG MCHOD SOGS SNGON 'GRO BAS, ,BGEGS SPYANG GSOL BA GDAB PA DANG, ,DAM TSIG GZUNG DANG SEMS BSKYED BYA, ,AOm BADZRA YO GA CI TTA AUTP'A DA Y'A MI SU RA TA SA MA YA STVAm HAm, SIDDHI BADZRA YA TH'A SU KHAm, DE NYID GSUM GYI SKAD CIG LA, ,LUS SOGS YE SHES GSUM DU BYA, ,JI SKAD GSUNGS PA'I MAN NGAG GIS, ,RANG NYID YE SHES DRAN PA DANG, ,RDO RJE SGRA NI BRJOD PAR BYA, ,CHO GA LAS BYUNG CHU SOGS LNGA'I, ,JI BZHIN DBANG NI SPYIN BYAS LA, ,'DOD NA RANG SNYING PAD 'DAB LA, ,YI GE LNGA NI DGOD PAR BYA, ,H'Um H'Um A'Am DZR'Im KHAm, KHA DOG LNGA YI 'OD ZER GYIS, ,MA LUS LUS PA MED PA YI, ,SANGS RGYAS LA SOGS YON TAN TSOGS, ,'OD NA GSAL BAS YANG DANG YANG, ,BKUG NAS SPRO DANG BRTAN PAR BYA, ,RDO RJE RNAMS DANG DBYER MED PA, ,SKAD CIG NYID LA THOB PAR 'GYUR,, AOm HR'I:shtRi:WI KRi T'A NA NA H'Um H'Um PHAt PHAt SV'A H'A, GSANG SNGAGS RGYAL PO BRIS PA YI, ,MAndALA BYIN LA 'DI SKAD DO, ,GDOD NAS RANG BZHIN RNAM DAG MCHOG ,'OD GSAL SRID GSUM KUN GYI GZHI, ,SHIN TU BDE BA'I BDE BA STE, ,SEMS KYIS YID NI DE LTAR BLTA, ,BSDUS TE DMAR POS THIG LO BYA, ,BLA MA'I MAN NGAG GI RJES 'GRO, ,RIG PA'I RGYAL PO'I BZLAS PA'ANG SPYIN, ,BU GA'I SBYOR BA DAM PA YIS, ,YID NI BDE BA CAN DU 'PHANG, ,DE LTAR RTEN DANG BRTEN MED PAR, ,GANG LA GANG GIS BDAG 'DZIN MED, ,GDOD NAS SKYE BA MED PA YI, ,SKYE SOGS SPROS
LAS 'DAS PAS NA, ,SPROS PA NYID NI SPROS MED PAS, ,ZUNG 'JUG 'OD GSAL BDE CHEN NYID, ,BDE BAS BDE BA RTOGS PA'O, ,RDO RJE 'DZIN RGYAL YE SHES CHE, ,GANG NA BTZAL YANG MI RNYED DE, ,BLA MA MNYES THABS KHA LAS SO, ,DE NI RTOGS PA TZAM GYIS NI, ,SRID DANG MYA NGAN 'DAS PA YI, ,'CHING BA KUN SPANGS RNAM GROL GYI, ,YE SHES MCHOG NI THOB PA'O, ,'JIG RTEN GSUM NA MNYAM PA SPANGS, ,'DI NI BLA MA GSHIN RJE'I DGRAR GYUR PAS, ,BDAG LA RJES SU BZUNG BAS DNGOS GRUB THOB, ,DE DON GZHAN LA'ANG SPYIN PHYIR YI GE RU, ,BRIS LA BLA MA MKHA' 'GRO BZOD PAR MDZOD, ,PHOD LA MA YIN MAN NGAG MED LA MIN, ,SHIN TU GCES PAS PHANGS PAS PHANGS PAR BYA, ,DE LTAR BLA MA'I DRIN LAS ZAB MO GSAL PHYE BAS, ,'GRO KUN LHAN CIG SKYES DGA' BDE BA'I GTZO, ,KUN KHYAB BDE GSAL MI RTOG YE SHES ZUNG 'JUG SKU, ,THOB NAS BDE BAS BDE LA RNAM ROL DGYES PAR SHOG ,GSHIN RJE MTHAR BYED DMAR PO'I BYIN GYIS BRLAB PA'I RIM PA GRUB THOB KYI 'KHOR LOS SGYUR BA BRAM BDE PA LA 'DZIN GYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO DARBAnA A'A TZ'ARYA DANG, GLO BO LO TZ'A BA DGE SLONG SHES RAB RIN CHEN GYIS BSGYUR BA'O,,